Génesis 21:15 - Li Santil hu

¹⁵ Nak qui-osoꞌ lix haꞌeb saꞌ lix bo̱ls tzꞌu̱m li naꞌbej quixcanab laj Ismael chi yocyo saꞌ xmu jun li cheꞌ.

Q'eqchi Bible

¹⁵ Naq kilajk li ha' sa' li kuk, lix Agar kixkanab' laj Ismael sa' xmu jun li ch'ina che'

Génesis 21:15 ပူးပေါင်းရင်းမြစ်များ

Jeremías 14:3

Eb li cuanqueb xcuanquil nequeꞌxtakla lix mo̱seb chixsicꞌbal li haꞌ. Nequeꞌxic cuan cuiꞌ lix julel li haꞌ abanan incꞌaꞌ nequeꞌxtau li haꞌ xban nak chaki. Ma̱cꞌaꞌ xsaꞌ lix cuqueb nak nequeꞌsukꞌi li mo̱s. Yo̱queb chi cꞌoxlac ut nequeꞌxtzꞌap li ru xban xxuta̱neb.

Salmos 63:1

At Ka̱cuaꞌ, la̱at lin Dios. Chi anchal inchꞌo̱l nacuaj cua̱nc a̱cuiqꞌuin. Chanchanin li chaki chꞌochꞌ ta̱raj ru li haꞌ. Ta̱chakik re li cua̱m re a̱sicꞌbal, at inDios.

2 Reyes 3:9

Joꞌcan nak queꞌco̱eb chi pletic li rey Joram rochbeneb lix reyeb laj Judá ut lix reyeb laj Edom. Xban nak toj saꞌ li chaki chꞌochꞌ queꞌxqꞌue chak kꞌo̱t, joꞌcan nak queꞌbay cuukub cutan aran. Ut qui-osoꞌ rucꞌaheb li soldado, joꞌ ajcuiꞌ rucꞌaheb li xul.

Isaías 44:12

Junak laj tenol chꞌi̱chꞌ naxqꞌue lix chꞌi̱chꞌ saꞌ xam re tixyi̱b li cꞌaꞌru naraj. Riqꞌuin xmetzꞌe̱u naxten chi martillo. Abanan cui incꞌaꞌ ta̱tzaca̱nk, ta̱lajk lix metzꞌe̱u. Cui incꞌaꞌ ta̱ucꞌak, incꞌaꞌ chic tixcuy cꞌanjelac.

Génesis 21:14

Joꞌ cuulajak chic nak toj ekꞌela, laj Abraham quixqꞌue xcua lix Agar. Ut quixqꞌue jun bo̱ls tzꞌu̱m lix haꞌ ut lix Agar quixjelo saꞌ xbe̱n xtel. Nak laj Abraham quixkꞌaxtesi laj Ismael saꞌ rukꞌ lix Agar, quixchakꞌrabiheb. Tojoꞌnak queꞌco̱eb ut queꞌxsuti rib saꞌ li chaki chꞌochꞌ Beerseba xcꞌabaꞌ.

Génesis 21:16

Ut lix Agar co̱ chi chunla̱c najt caꞌchꞌin riqꞌuin lix yum. Incꞌaꞌ quiraj rilbal nak ta̱ca̱mk. Chunchu aran lix Agar nak quirabi nak yo̱ chi ya̱bac lix yum.

1 Reyes 17:12

Li ixk quichakꞌoc ut quixye re laj Elías: —Ma̱cꞌaꞌ caxlan cua cuiqꞌuin ac yi̱banbil. Li Ka̱cuaꞌ la̱ Dios naxnau nak ya̱l li yo̱quin chixyebal. Caꞌchꞌin ajcuiꞌ li cꞌaj cuan saꞌ jun li ucꞌal ut caꞌchꞌin ajcuiꞌ li aceite cuan saꞌ lin chꞌina cuc. Ut anakcuan xinchal xxocbal coꞌxibak insiꞌ re nak tinyi̱b li caxlan cua chokꞌ re lin yum ut chokꞌ cue ajcuiꞌ la̱in. Nak takachoy aꞌan, ma̱re toca̱mk xban katzꞌocajic xban nak ma̱cꞌaꞌ chic cuan ke, chan.