Génesis 21:10 - Li Santil hu

¹⁰ Lix Sara co̱ chi jitoc riqꞌuin laj Abraham ut quixye re: —Isi li mo̱s aꞌin. Xicak rochben lix yum. Laj Ismael incꞌaꞌ ta̱tzꞌak li joꞌ qꞌuial ta̱re̱chani laj Isaac, chan.

Q'eqchi Bible

¹⁰ jo'kan naq kixye re laj Abrahán: “Aanilasi li ixq a'an rochb'een li xyum, xb'aan naq li xyum li loq'b'il ixq a'an ink'a' naru taatz'aq li reechanihom laj Isahak linyum”, chan.

Génesis 21:10 ပူးပေါင်းရင်းမြစ်များ

San Juan 8:35

Junak cꞌayinbil chi cꞌanjelac moco ta̱cana̱k ta chi junaj cua saꞌ rochoch lix patrón. Aꞌut li alalbej, aꞌan tento nak ta̱cana̱k saꞌ rochoch chi junaj cua.

1 Juan 2:19

Saꞌ kaya̱nk xeꞌel li xicꞌ nequeꞌiloc re li Cristo, abanan moco kech aj pa̱baneleb ta nak xeꞌcuan. Cui ta eb aꞌan kech aj pa̱banelil, cuanqueb raj chi junelic saꞌ kaya̱nk. Abanan xeꞌel saꞌ kaya̱nk re nak ta̱nauma̱nk nak ma̱cuaꞌeb kech aj pa̱banelil.

1 Pedro 1:4

Yo̱co chixyoꞌoninquil li kama̱tan li tixqꞌue ke li Dios. Li ma̱tan aꞌin incꞌaꞌ nalaj incꞌaꞌ na-osoꞌ. Cꞌu̱lanbil saꞌ choxa. Aran ma̱cꞌaꞌ ta̱muxuk ru ut ma̱ jaruj ta̱osokꞌ.

Gálatas 4:7

Joꞌcan ut anakcuan ma̱cuaꞌex chic lokꞌbil mo̱s. La̱ex ban chic ralal li Dios. Ut xban nak la̱ex chic ralal li Dios, te̱re̱chani ajcuiꞌ li yechiꞌinbil reheb li ralal xcꞌajol xban nak joꞌcan quiraj li Dios.

Gálatas 3:18

Cui ta naru xcꞌulbal li colba-ib riqꞌuin xba̱nunquil li naxye li chakꞌrab, ma̱cꞌaꞌ raj rajbal li quiyechiꞌi̱c re laj Abraham xban li Dios. Abanan li cꞌaꞌru quixyechiꞌi li Dios re laj Abraham, aꞌan yal chi ma̱tan quixqꞌue.

San Mateo 22:13

Ut li rey quixye reheb lix mo̱s: “Bacꞌomak li rok rukꞌ ut cutumak saꞌ kꞌojyi̱n chirix cab. Aran ut ta̱cua̱nk li ya̱bac ut li cꞌuxuxi̱nc ruch e.”

Génesis 25:19

Aꞌaneb aꞌin chixjunileb li ralal xcꞌajol laj Isaac, li ralal laj Abraham.

Génesis 25:6

Nak toj yoꞌyo laj Abraham, quixqꞌueheb xma̱tan li ralal xcꞌajol li queꞌcuan riqꞌuineb jalan ixk. Quixtaklaheb saꞌ jun cꞌaleba̱l najt riqꞌuin li naꞌajej li cuan cuiꞌ laj Isaac. Li naꞌajej li queꞌco̱eb cuiꞌ, aꞌan cuan saꞌ xjayal li na-el cuiꞌ chak li sakꞌe.

Génesis 22:10

Laj Abraham quixchap lix chꞌi̱chꞌ ut quixtaksi li rukꞌ. Oc raj re xcamsinquil li ralal.

Génesis 20:11

Laj Abraham quichakꞌoc ut quixye re: —La̱in xincꞌoxla nak incꞌaꞌ nequepa̱b li Ka̱cuaꞌ Dios saꞌ li tenamit aꞌin. Cuan saꞌ inchꞌo̱l nak ma̱re tine̱camsi xban li cuixakil.

Génesis 17:21

Abanan lin contrato junelic cua̱nk riqꞌuin laj Isaac. Aꞌan la̱ cualal li ta̱cua̱nk riqꞌuin lix Sara chiru li chihab jun, chan li Dios re laj Abraham.

Génesis 17:19

Li Dios quixye re laj Abraham: —Ac xinye a̱cue nak lix Sara ta̱cua̱nk lix cꞌulaꞌal. Aj Isaac ta̱qꞌue chokꞌ xcꞌabaꞌ. La̱in tinba̱nu ajcuiꞌ lin contrato chi junelic riqꞌuin aꞌan joꞌ ajcuiꞌ riqꞌuineb li ralal xcꞌajol, chan.

Proverbios 22:10

Isihomakeb saꞌ e̱ya̱nk li nequeꞌhoboc. Chi joꞌcan ma̱cꞌaꞌak chic pletic ut hoboc saꞌ e̱ya̱nk.

Jueces 11:2

Laj Galaad quicuan xcocꞌal riqꞌuin li rixakil. Ut nak queꞌni̱nkan li cocꞌal queꞌpoꞌ saꞌ xbe̱n laj Jefté ut queꞌra̱lina ut queꞌxye re: —La̱at incꞌaꞌ tattzꞌak li cꞌaꞌru re li kayucuaꞌ xban nak la̱at jalan a̱naꞌ, chanqueb re laj Jefté.