Génesis 20:9 - Li Santil hu

⁹ Ut laj Abimelec quixbok laj Abraham ut quixye re: —Cꞌoxla cꞌaꞌru xaba̱nu cue. ¿Cꞌaꞌru inma̱c cha̱cuu nak xaqꞌue li raylal aꞌin saꞌ inbe̱n joꞌ ajcuiꞌ saꞌ xbe̱neb lin tenamit? Incꞌaꞌ us xaba̱nu cue.

Q'eqchi Bible

⁹ Chirix chik a'an laj Abimélek kixb'oq laj Abrahán ut kixye re: “K'aru xab'aanu qe malaj k'aru xinmaakon chawu, naq xak'am chaq li nimla maak a'in sa' inb'een ut sa' xb'een ajwi' chixjunil lintenamit? Li ink'a' nab'aanumank, laa'at xab'aanu we.

Génesis 20:9 ပူးပေါင်းရင်းမြစ်များ

Génesis 12:18

Laj faraón quixtakla xbokbal laj Abram, ut quixye re: —¿Cꞌaꞌut nak xaba̱nu cue chi joꞌcaꞌin? Ut, ¿cꞌaꞌut nak incꞌaꞌ xaye cue nak a̱cuixakil lix Sarai?

Génesis 39:9

Ma̱ ani chic nim xcuanquil chicuu la̱in saꞌ li cab aꞌin. Chixjunil li cꞌaꞌru cuan re xkꞌaxtesi saꞌ cuukꞌ. Caꞌaj cuiꞌ la̱at incꞌaꞌ xatxkꞌaxtesi saꞌ cuukꞌ xban nak la̱at li rixakil. ¿Chanru nak tin-oc chixchꞌicbal cuib a̱cuiqꞌuin? Ma̱ jokꞌe tinba̱nu chi joꞌcan. Aꞌan nimla ma̱c chiru li Ka̱cuaꞌ Dios, chan laj José.

Génesis 26:10

Laj Abimelec quixye re laj Isaac: —¿Cꞌaꞌut nak xaba̱nu ke chi joꞌcaꞌin? —¿Cꞌaꞌut nak xoa̱balakꞌi? Cui ta incꞌaꞌ xkanau nak a̱cuixakil lix Rebeca, ma̱re xchapeꞌ raj xban junak li cui̱nk li cuan saꞌ katenamit. Cui xba̱nu raj aꞌin, la̱at raj cuan a̱cue nak xkaba̱nu li ma̱c aꞌin, chan.

Hebreos 13:4

Us li sumla̱c aban tento che-oxlokꞌi le̱ sumlajic. Ma̱cꞌaꞌ cꞌaꞌru chebalakꞌi cuiꞌ e̱rib. Li Dios ta̱rakok a̱tin saꞌ xbe̱neb li nequeꞌxmux ru lix sumlajiqueb, joꞌ ajcuiꞌ saꞌ xbe̱neb laj coꞌbe̱t laj yumbe̱t.

Tito 1:11

Eb aꞌan tento xkꞌusbaleb re nak teꞌxcanab li balakꞌi̱nc. Yo̱queb xpoꞌbal xchꞌo̱leb li ju̱nk cabal riqꞌuin xcꞌutbal li moco ya̱l ta. Riqꞌuin balakꞌi̱nc nequeꞌxtau lix tumineb.

Romanos 2:11

Li Dios incꞌaꞌ naxsicꞌ ru li junju̱nk. Junajo ban chiru.

Proverbios 28:10

Li ani nequeꞌqꞌuehoc reheb li ti̱queb xchꞌo̱l chi tꞌanecꞌ, aꞌaneb ajcuiꞌ teꞌtꞌanekꞌ saꞌ lix raꞌaleb. Abanan eb li ti̱queb xchꞌo̱l, eb aꞌan teꞌxcꞌul lix kꞌajca̱munquileb.

2 Samuel 13:12

Lix Tamar quixye re: —At cuas, incꞌaꞌ. Mina̱puersi chixba̱nunquil li incꞌaꞌ us aꞌin. La̱o aj Israel incꞌaꞌ nakaba̱nu chi joꞌcan.

2 Samuel 12:5

Nak quirabi li cꞌaꞌru quixye laj Natán, cꞌajoꞌ nak quijoskꞌoꞌ laj David xban li cꞌaꞌru quixba̱nu li biom. Quixye: —Saꞌ xcꞌabaꞌ li yoꞌyo̱quil Dios, la̱in ninye nak xcꞌulub ca̱mc li cui̱nk aꞌan.

Josué 7:25

Laj Josué quixye re: —¿Cꞌaꞌut nak xacꞌam chak li raylal aꞌin saꞌ kabe̱n? Anakcuan li Ka̱cuaꞌ xqꞌuehak chatoj li raylal li xacꞌam chak saꞌ kabe̱n.— Nak quixye aꞌin laj Josué, chixjunileb laj Israel queꞌxcamsi chi pec laj Acán joꞌ ajcuiꞌ chixjunil li cuanqueb rochben. Ut chirix aꞌan queꞌxcꞌat.

Levítico 20:10

Cui junak cui̱nk naxchꞌic rib riqꞌuin li rixakil li ras ri̱tzꞌin, li cui̱nk ut li ixk teꞌcamsi̱k xban nak queꞌxmux ru lix sumlajiqueb.

Éxodo 32:35

Ut li Ka̱cuaꞌ Dios quixtakla jun raylal saꞌ xbe̱neb li tenamit xban nak queꞌxqꞌue chi yi̱ba̱c li cuacax oro xban laj Aarón.

Éxodo 32:21

Ut laj Moisés quixye re laj Aarón: —¿Cꞌaꞌru xeꞌxba̱nu a̱cue nak xaqꞌueheb chi ma̱cobc li tenamit aꞌin?—

Génesis 38:24

Nak ac xnumeꞌ chic oxib po queꞌxye re laj Judá: —Lix Tamar la̱ cualib yo̱ chi yumbe̱tac xban nak yaj aj ixk chic.— Ut laj Judá quixye reheb: —Ayukex. Te̱risi li ixk aꞌan saꞌ rochoch lix yucuaꞌ ut te̱cꞌat, chan laj Judá reheb.

Génesis 34:7

Nak eb li ralal laj Jacob queꞌrabi resil li cꞌaꞌru quicꞌulman, queꞌsukꞌi chak saꞌ junpa̱t. Eb aꞌan queꞌrahoꞌ saꞌ xchꞌo̱l ut queꞌchal ajcuiꞌ xjoskꞌileb xban nak nimla ma̱c chiruheb chixjunileb laj Israel nak laj Siquem quicuan riqꞌuin lix rabin laj Jacob. Incꞌaꞌ raj xru xba̱nu chi joꞌcan riqꞌuin junak xkaꞌal aj Israel.

Génesis 20:8

Joꞌ cuulajak chic laj Abimelec quicuacli toj ekꞌela. Quixbokeb chixjunileb lix mo̱s ut quixserakꞌi reheb li cꞌaꞌru quiril saꞌ lix matcꞌ. Ut eb aꞌan cꞌajoꞌ nak queꞌxucuac chi rabinquil li a̱tin aꞌan.

Génesis 20:10

¿Cꞌaꞌut nak xaba̱nu li naꞌleb aꞌin? chan laj Abimelec.

Génesis 29:25

Joꞌ cuulajak chic laj Jacob quixqꞌue retal nak aꞌ lix Lea li quikꞌaxtesi̱c re. Ut laj Jacob co̱ riqꞌuin laj Labán ut quixye re, —Incꞌaꞌ us xaba̱nu cue. ¿Cꞌaꞌut nak xaba̱nu cue chi joꞌcaꞌin? ¿Ma ma̱cuaꞌ ta biꞌ lix Raquel xintoj rix nak xintrabajic a̱cuiqꞌuin? ¿Cꞌaꞌut nak xina̱balakꞌi chi joꞌcaꞌin? chan laj Jacob.