Génesis 20:7 - Li Santil hu

⁷ Ut anakcuan ta̱kꞌaxtesi li ixk aꞌin riqꞌuin lix be̱lom. Laj Abraham aꞌan jun li profeta li nayehoc re li cua̱tin ut aꞌan ta̱tijok cha̱cuix re nak incꞌaꞌ tatca̱mk. Abanan cui incꞌaꞌ nacakꞌaxtesi li ixk aꞌin, la̱at tatca̱mk, joꞌ eb ajcuiꞌ la̱ comon, chan li Dios.

Q'eqchi Bible

⁷ Anaqwan q'ajsi li ixq re li xb'eelom, xb'aan naq a'an propeet ut taatijoq chawix re naq toj tatyo'yooq. Ab'an, wi ink'a' taaq'ajsi, chanaw naq relik chi yaal tatkamq laa'at jo' ajwi' li wankeb' sa' laawochoch”, chan li Yos.

Génesis 20:7 ပူးပေါင်းရင်းမြစ်များ

Li xHu LAJ JOB 42:8

Anakcuan te̱cꞌam cuukub li toro ut cuukub li carner te̱lom ut texxic riqꞌuin laj Job, laj cꞌanjel chicuu re nak aꞌan ta̱mayejak saꞌ e̱cꞌabaꞌ la̱ex. Laj Job ta̱tijok che̱rix ut la̱in tincuabi lix tij. Ma̱cꞌaꞌ tinba̱nu e̱re usta e̱cꞌulub xtojbal rix le̱ ma̱c xban nak incꞌaꞌ xeye li ya̱l chicuix joꞌ xba̱nu laj Job, chan li Dios.

1 Samuel 7:5

Laj Samuel quixye reheb: —Che̱junilex la̱ex aj Israel, chꞌutubomak e̱rib aran Mizpa ut la̱in tintijok che̱rix chiru li Ka̱cuaꞌ, chan.

Hebreos 13:4

Us li sumla̱c aban tento che-oxlokꞌi le̱ sumlajic. Ma̱cꞌaꞌ cꞌaꞌru chebalakꞌi cuiꞌ e̱rib. Li Dios ta̱rakok a̱tin saꞌ xbe̱neb li nequeꞌxmux ru lix sumlajiqueb, joꞌ ajcuiꞌ saꞌ xbe̱neb laj coꞌbe̱t laj yumbe̱t.

2 Samuel 24:17

Laj David quiril li ángel li yo̱ chi camsi̱nc reheb li cristian ut quixye re li Dios: —At Ka̱cuaꞌ, la̱in xinba̱nun re li ma̱usilal aꞌin. La̱in cuan inma̱c. Eb li cristian aꞌin ma̱cꞌaꞌeb xma̱c. Chanchaneb li carner. Nintzꞌa̱ma cha̱cuu nak ta̱qꞌue li raylal saꞌ inbe̱n la̱in ut saꞌ xbe̱neb li cualal incꞌajol, chan.

1 Crónicas 16:22

Quixye reheb, “Ma̱cꞌaꞌ te̱ba̱nu reheb laj Israel li sicꞌbileb ru inban. Chi moco te̱ba̱nu raylal reheb lin profeta,” chan.

2 Reyes 5:11

Laj Naamán quisukꞌi chi yo̱ xjoskꞌil. Ut quixye: —Saꞌ inchꞌo̱l la̱in nak laj Eliseo ta̱e̱lk chak chincꞌulbal. Xxakli raj chicuu ut quixya̱ba raj xcꞌabaꞌ li Ka̱cuaꞌ lix Dios. Xtochꞌ raj riqꞌuin rukꞌ lin tibel re tinqꞌuira̱k.

1 Juan 5:16

Cui la̱o takil junak li kaherma̱n chi ma̱cobc ut naru xcuybal lix ma̱c, chotijok chirix re nak ta̱cuyekꞌ xma̱c xban li Dios ut ta̱cua̱nk riqꞌuin li Dios toj chirix lix camic. Abanan cuan li ma̱c incꞌaꞌ naxcuy li Dios. Ma̱cꞌaꞌ rajbal li tijoc chirix li ani yo̱ chi ba̱nu̱nc re li ma̱c li ma̱cꞌaꞌ xcuybal.

Hebreos 1:1

Najter kꞌe cutan li Ka̱cuaꞌ Dios qꞌuila sut quixtaklaheb chak li profeta chixyebal li ra̱tin riqꞌuineb li kaxeꞌto̱nil yucuaꞌ. Quixsiqꞌui xya̱lal chanru nak tixchꞌolob xya̱lal chiruheb.

1 Corintios 14:4

Li ani naa̱tinac saꞌ jalanil a̱tin naxtenkꞌa rib xjunes rib. Abanan li ani naxchꞌolob xya̱lal li ra̱tin li Dios, li jun aꞌan naxtenkꞌaheb li rech aj pa̱banelil saꞌ lix pa̱ba̱leb.

Ezequiel 33:8

Cui tinye a̱cue nak ta̱ca̱mk junak li incꞌaꞌ us xnaꞌleb, tento nak la̱at ta̱ye re li jun aꞌan nak incꞌaꞌ us yo̱, re nak ta̱yotꞌekꞌ xchꞌo̱l ut tixjal xcꞌaꞌux. Cui incꞌaꞌ ta̱chꞌolob xya̱lal chiru, aꞌan ta̱ca̱mk xban lix ma̱c. Abanan saꞌ a̱be̱n la̱at ta̱cana̱k lix camic.

Ezequiel 3:18

Nak la̱in tinteneb ca̱mc saꞌ xbe̱n li yo̱ chixba̱nunquil ma̱usilal, la̱at tento nak ta̱ye re nak incꞌaꞌ us yo̱ re nak tixcanab li ma̱usilal ut incꞌaꞌ ta̱ca̱mk. Ut cui la̱at incꞌaꞌ ta̱ye re ut cui li jun aꞌan ta̱ca̱mk xban li ma̱usilal, a̱ma̱c la̱at nak ta̱ca̱mk saꞌ li ma̱c.

Jeremías 27:18

Cui relic chi ya̱l nak profeteb aꞌan, ut cui ya̱l nak li Ka̱cuaꞌ quia̱tinac riqꞌuineb, xeꞌxtzꞌa̱ma raj chiru li nimajcual Dios nak incꞌaꞌ ta̱isi̱k saꞌ li templo li cꞌaꞌak re ru, chi moco ta̱isi̱k saꞌ li rochoch li rey. Ta̱cana̱k ban saꞌ xnaꞌajeb li cꞌaꞌak re ru li nacꞌanjelac.

Jeremías 15:1

Tojoꞌnak li Ka̱cuaꞌ quixye cue: —Usta laj Moisés ut laj Samuel teꞌcha̱lk chi a̱tinac cuiqꞌuin chirix li tenamit aꞌin, abanan la̱in incꞌaꞌ tincuil xtokꞌoba̱l ruheb. Xicakeb. Isiheb chicuu.

Jeremías 14:11

Li Ka̱cuaꞌ quixye cue: —At Jeremías, ma̱tzꞌa̱ma chicuu nak tinba̱nu usilal reheb li tenamit aꞌin.

Salmos 25:14

Li Ka̱cuaꞌ nacuan chi sum a̱tin riqꞌuineb li nequeꞌxxucua ru ut naxcꞌut chiruheb cꞌaꞌru lix ya̱lal li contrato li quixba̱nu riqꞌuineb.

Li xHu LAJ JOB 34:19

Li Dios incꞌaꞌ naxsicꞌ ruheb li ani tixra. Juntakꞌe̱t ban narileb li rey ut eb li biom joꞌ ajcuiꞌ eb li nebaꞌ. ¿Ma ma̱cuaꞌ ta biꞌ aꞌan li quiyoꞌobtesin reheb chixjunileb?

1 Reyes 13:6

Li rey Jeroboam quixye re lix profeta li Dios: —Nintzꞌa̱ma cha̱cuu nak tattijok chiru li Ka̱cuaꞌ la̱ Dios ut ta̱tzꞌa̱ma chiru nak tixqꞌuirtesi li cuukꞌ, chan. Ut lix profeta li Dios quitijoc chiru li Ka̱cuaꞌ ut li rukꞌ li rey quiqꞌuira ut quicana joꞌ nak quicuan junxil.

1 Samuel 12:23

La̱in incꞌaꞌ nacuaj ma̱cobc chiru li Ka̱cuaꞌ Dios riqꞌuin xcanabanquil tijoc che̱rix. Nacuaj xqꞌuebal e̱naꞌleb ut nacuaj ajcuiꞌ xcꞌutbal che̱ru cꞌaꞌru li us xba̱nunquil re nak cha̱bilakex ut texcua̱nk saꞌ ti̱quilal.

1 Samuel 12:19

Ut queꞌxye re laj Samuel: —Chattijok chikix la̱o aj cꞌanjel cha̱cuu. Tzꞌa̱ma chiru li Dios nak incꞌaꞌ toxcanab chi ca̱mc xban nak ma̱c xkaba̱nu nak xkapatzꞌ karey, chanqueb.

1 Samuel 7:8

Queꞌxye re laj Samuel: —Ma̱canab xtzꞌa̱manquil chiru li Ka̱cuaꞌ li kaDios re nak aꞌan toxcol chiruheb laj filisteo, chanqueb.

Levítico 6:7

Ut laj tij tixcꞌat li mayej aꞌin re xtojbal rix lix ma̱c li ani quixba̱nu junak reheb li ma̱c aꞌin, ut ta̱cuyekꞌ xma̱c.

Levítico 6:4

Cui junak nama̱cob riqꞌuin xba̱nunquil li ma̱c aꞌin, tento nak tixqꞌue re̱kaj li quirelkꞌa, malaj ut tixkꞌaxtesi li quixcꞌu̱la junxil, malaj ut tixkꞌaxtesi li quixxoc chi tzꞌektzꞌo li incꞌaꞌ quixcꞌut.

Éxodo 18:17

Laj Jetro quixye re: —Incꞌaꞌ us li yo̱cat chixba̱nunquil.

Éxodo 7:1

Ut li Ka̱cuaꞌ Dios quixye re laj Moisés: —La̱at tatinqꞌue chi cꞌanjelac chokꞌ cuu̱chil chiru laj faraón. Ut laj Aarón ta̱a̱tinak chokꞌ a̱cuu̱chil la̱at.

Éxodo 4:16

Aꞌan ta̱cꞌanjelak chokꞌ a̱cuu̱chil. La̱at ta̱yehok li cua̱tin re aꞌan ut aꞌan chic ta̱yehok reheb li tenamit.

Génesis 12:17

Ut li Ka̱cuaꞌ Dios quixqꞌue chixtojbal xma̱c laj faraón xban nak quixcꞌam saꞌ li rochoch lix Sarai. Quixtakla jun raylal saꞌ xbe̱neb li cuanqueb saꞌ rochoch laj faraón ut queꞌyajer chixjunileb.

Génesis 12:15

Laj faraón, aꞌan li acuabej re li naꞌajej aꞌan. Eb laj tenkꞌom re laj faraón queꞌril ajcuiꞌ nak chꞌinaꞌus li ixk ut queꞌxye re: —Us li ixk aꞌan chokꞌ a̱cue, chanqueb. Ut lix Sarai quicꞌameꞌ saꞌ rochoch laj faraón.

Génesis 2:17

Caꞌaj cuiꞌ ru li cheꞌ li re xnaubal ru li us ut li incꞌaꞌ us incꞌaꞌ naru nacalou, xban nak saꞌ li cutan nak ta̱lou aꞌan relic chi ya̱l tatca̱mk, chan li Dios.

Hechos 8:24

Quichakꞌoc laj Simón ut quixye: —Chextijok chicuix chiru li Ka̱cuaꞌ re nak incꞌaꞌ tincꞌul joꞌ xaye la̱at, chan.

Génesis 20:3

Chiru li kꞌojyi̱n aꞌan li Dios quia̱tinac riqꞌuin laj Abimelec saꞌ lix matcꞌ ut quixye re: —Anakcuan la̱at tatca̱mk xban nak li ixk xacꞌam a̱cuiqꞌuin cuan xbe̱lom, chan li Dios re.

Génesis 20:8

Joꞌ cuulajak chic laj Abimelec quicuacli toj ekꞌela. Quixbokeb chixjunileb lix mo̱s ut quixserakꞌi reheb li cꞌaꞌru quiril saꞌ lix matcꞌ. Ut eb aꞌan cꞌajoꞌ nak queꞌxucuac chi rabinquil li a̱tin aꞌan.

Génesis 23:6

—Ka̱cuaꞌ Abraham, choa̱cuabi. Arin cuancat saꞌ kaya̱nk ut la̱at sicꞌbil a̱cuu xban li Dios. Muk la̱ camenak saꞌ junak mukleba̱l li nacuulac cha̱cuu la̱at. Ma̱ ani ta̱yehok a̱cue nak incꞌaꞌ takaqꞌue xnaꞌaj la̱ camenak. Muk la̱ camenak. La̱o incꞌaꞌ tatkachꞌiꞌchꞌiꞌi, chanqueb.

2 Crónicas 30:18

Nabaleb li tenamit li queꞌchal chak saꞌ lix naꞌajeb li ralal xcꞌajol laj Efraín, laj Manasés, laj Isacar ut laj Zabulón incꞌaꞌ queꞌxsantobresi ribeb re teꞌcuaꞌak saꞌ li ninkꞌe Pascua. Abanan, queꞌcuaꞌac saꞌ li ninkꞌe Pascua, usta tzꞌi̱banbil saꞌ li chakꞌrab nak incꞌaꞌ teꞌxba̱nu. Li rey Ezequías quitijoc chirixeb ut quixye: —At Ka̱cuaꞌ, kꞌaxal nim la̱ cuuxta̱n. Chacuy ta xma̱queb chixjunileb li nequeꞌsicꞌoc a̱cue chi anchaleb xchꞌo̱l.