Génesis 20:6 - Li Santil hu

⁶ Ut li Ka̱cuaꞌ Dios quixye re saꞌ lix matcꞌ: —Ya̱l. La̱in ninnau nak moco la̱at ta cuan a̱cue. Xban nak ninnau aꞌin, joꞌcan nak incꞌaꞌ xatinqꞌue chi cua̱nc riqꞌuin lix Sara. Joꞌcan nak incꞌaꞌ xatma̱cob chicuu.

Q'eqchi Bible

⁶ Kichaq'ok li Yos ut kixye re sa' xmatk': “Ak ninnaw chi us naq rik'in xchaab'ilal laach'ool xab'aanu a'an; laa'in ajwi' xatinram re naq ink'a' tatmaakob'q chiwu. Jo'kan naq ink'a' xatink'e chi wank rik'in.

Génesis 20:6 ပူးပေါင်းရင်းမြစ်များ

1 Samuel 25:34

Li Ka̱cuaꞌ Dios xinixtenkꞌa anakcuan. Joꞌcan nak incꞌaꞌ xinba̱nu raylal a̱cue. Cui ta incꞌaꞌ xatchal chi junpa̱t cuiqꞌuin, ninye a̱cue saꞌ xcꞌabaꞌ li Ka̱cuaꞌ nak cuulaj ma̱ jun raj chic li nequeꞌtenkꞌan re laj Nabal quicana chi yoꞌyo. Xincamsiheb raj chixjunileb, chan.

1 Samuel 25:26

Li Ka̱cuaꞌ xtenkꞌan a̱cue. Joꞌcan nak incꞌaꞌ xacamsiheb chixjunileb li cristian aꞌin. Incꞌaꞌ xaqꞌue re̱kaj li incꞌaꞌ us xba̱nu cue joꞌ xacꞌoxla xba̱nunquil. Cheꞌxcꞌulak taxak joꞌ li tixcꞌul laj Nabal chixjunileb li xicꞌ nequeꞌiloc a̱cue ut li teꞌraj xba̱nunquil raylal a̱cue.

Proverbios 21:1

Joꞌ nak li Ka̱cuaꞌ naxberesi li nimaꞌ, joꞌcan ajcuiꞌ nak naxberesi lix cꞌaꞌuxeb li rey.

Génesis 35:5

Li Dios quixqꞌue xxiuheb chixjunileb li tenamit li cuanqueb chi nachꞌ riqꞌuin li quicuan cuiꞌ laj Jacob. Xban nak queꞌxucuac, incꞌaꞌ queꞌxta̱ke laj Jacob re teꞌxpleti nak yo̱queb chi xic Bet-el.

Génesis 31:7

Ut aꞌan xinixbalakꞌi ut yalak jokꞌe naxjal lin tojbal. Abanan li Ka̱cuaꞌ Dios yo̱ chintenkꞌanquil chi junelic. Joꞌcan nak laj Labán incꞌaꞌ naru xba̱nunquil li incꞌaꞌ us cue.

2 Ts 2:7

Li ma̱usilal ac cuan saꞌ ruchichꞌochꞌ, abanan toj ma̱jiꞌ nanumta chi us. Ta̱cuulak xkꞌehil nak li Dios incꞌaꞌ chic tixram li ma̱usilal ut li ma̱usilal ta̱numta̱k arin saꞌ ruchichꞌochꞌ.

Salmos 84:11

Li Ka̱cuaꞌ Dios, aꞌan li nacutanobresin re li kacꞌaꞌux ut aꞌan li nacoloc ke. Ut incꞌaꞌ narisi chiku li cꞌaꞌru us chokꞌ ke la̱o li nococuan saꞌ ti̱quilal.

Éxodo 34:24

La̱in tincuisiheb li cuanqueb saꞌ li naꞌajej li xinyechiꞌi e̱re ut tinqꞌue xtzꞌakob le̱ naꞌaj. Ma̱cꞌaꞌak chic e̱cꞌaꞌux chirix le̱ chꞌochꞌ nak texxic chinlokꞌoninquil oxib sut chiru li jun chihab. Ma̱ ani chic ta̱makꞌok che̱ru.

2 Corintios 6:17

Ut li Ka̱cuaꞌ quixye cuiꞌchic chi joꞌcaꞌin: Joꞌcan utan chex-e̱lk saꞌ xya̱nkeb li nequeꞌxlokꞌoni li yi̱banbil dios. Me̱ba̱nu chic li nequeꞌxba̱nu li jun chꞌol chic nak nequeꞌxlokꞌoni li yi̱banbil dios. Checanabak chi junaj cua ut la̱in texincꞌul chi sa saꞌ inchꞌo̱l.

Salmos 81:12

Joꞌcan nak quincanabeb xba̱nunquil li cꞌaꞌru queꞌraj eb aꞌan. Xban nak cauheb xchꞌo̱l, queꞌxba̱nu li cꞌaꞌru queꞌraj xjuneseb.

Salmos 51:4

Xinma̱cob cha̱cuu. Caꞌaj cuiꞌ cha̱cuu la̱at xinma̱cob ut xinba̱nu li incꞌaꞌ nacuulac cha̱cuu. La̱at xatrakoc a̱tin saꞌ inbe̱n saꞌ ti̱quilal ut ma̱ ani ta̱yehok re nak incꞌaꞌ us li nacaba̱nu.

Génesis 39:9

Ma̱ ani chic nim xcuanquil chicuu la̱in saꞌ li cab aꞌin. Chixjunil li cꞌaꞌru cuan re xkꞌaxtesi saꞌ cuukꞌ. Caꞌaj cuiꞌ la̱at incꞌaꞌ xatxkꞌaxtesi saꞌ cuukꞌ xban nak la̱at li rixakil. ¿Chanru nak tin-oc chixchꞌicbal cuib a̱cuiqꞌuin? Ma̱ jokꞌe tinba̱nu chi joꞌcan. Aꞌan nimla ma̱c chiru li Ka̱cuaꞌ Dios, chan laj José.

2 Ts 2:11

Joꞌcan nak li Dios tixqꞌueheb chixpa̱banquil li moco ya̱l ta.

1 Corintios 7:1

Xetakla chak xpatzꞌbal cue chirix li sumla̱c ut anakcuan tinsume le̱ hu. Us raj chokꞌ re li cui̱nk nak ma̱cꞌaꞌak rixakil.

Génesis 26:11

Ut laj Abimelec quixye reheb chixjunileb li cristian: —Li ani ta̱chꞌiꞌchꞌiꞌi̱nk re li cui̱nk aꞌin joꞌ ajcuiꞌ li rixakil ta̱camsi̱k, chan.

Génesis 3:3

Caꞌaj cuiꞌ li ru li cheꞌ li cuan saꞌ xyi incꞌaꞌ naru nakalou. Li Dios quixye ke nak incꞌaꞌ naru nakalou li ru aꞌan chi moco takachꞌeꞌ. “Cui te̱lou ru li cheꞌ aꞌan, texca̱mk”, chan ke.

San Mateo 27:19

Nak laj Pilato cꞌojcꞌo saꞌ lix naꞌaj li narakoc cuiꞌ a̱tin, li rixakil quixtakla xyebal re: —Ma̱cꞌaꞌ ta̱ba̱nu re li cui̱nk aꞌan xban nak ma̱cꞌaꞌ xma̱c. Saꞌ xcꞌabaꞌ aꞌan nak kꞌaxal ra xinmatqꞌue chi kꞌek, chan.

Génesis 31:24

Saꞌ li kꞌojyi̱n aꞌan, li Ka̱cuaꞌ Dios quixcꞌutbesi rib chiru laj Labán laj arameo saꞌ xmatcꞌ. Li Ka̱cuaꞌ Dios quixye re: —China̱cuabi. Mat-a̱tinac saꞌ joskꞌil riqꞌuin laj Jacob, chan li Dios.

Proverbios 6:29

Joꞌcan ajcuiꞌ li cui̱nk li tixchꞌic rib riqꞌuin rixakil li ras ri̱tzꞌin. Ac chꞌolchꞌo nak tixtoj xma̱c.