Génesis 20:5 - Li Santil hu

⁵ Laj Abraham cuan re. Aꞌan xyehoc cue nak lix Sara, aꞌan ranab. Joꞌcan ajcuiꞌ lix Sara quixye cue nak laj Abraham, aꞌan ras. Ma̱cuaꞌ la̱in cuan cue nak xinba̱nu li naꞌleb aꞌin. Moco xinnau ta nak rixakil laj Abraham, chan laj Abimelec.

Q'eqchi Bible

⁵ Ma ink'a' tab'i' xye we laj Abrahán: «A'an wanab'»? Ma ink'a' tab'i' li ixq xyehok: «A'an was»? Rik'in xchaab'ilal linch'ool ut chi saq ru li waanm xinb'aanu a'in”, chan.

Génesis 20:5 ပူးပေါင်းရင်းမြစ်များ

Salmos 7:8

At inDios, la̱at li nacatrakoc a̱tin saꞌ xbe̱neb chixjunileb li tenamit. La̱at nacanau nak ti̱c inchꞌo̱l cha̱cuu. Joꞌcan nak la̱at tatrakok a̱tin saꞌ inbe̱n ut ta̱cꞌut chiruheb nak ma̱cꞌaꞌ inma̱c.

1 Reyes 9:4

Chatcua̱nk saꞌ xya̱lal chicuu joꞌ nak quicuan laj David la̱ yucuaꞌ. Chaba̱nu saꞌ ti̱quilal chixjunil li naxye saꞌ li chakꞌrab.

1 Timoteo 1:13

Quixqꞌue cue li cꞌanjel aꞌin usta ac xinmajecua li Jesucristo ut xinrahobtesi eb laj pa̱banel ut xinhobeb. Abanan li Jesucristo quiruxta̱na cuu xban nak toj ma̱jiꞌ ninnau bar cuan li tzꞌakal ya̱l ut toj ma̱jiꞌ ninpa̱ban.

1 Ts 2:10

La̱ex nequenau chi tzꞌakal, ut naxnau ajcuiꞌ li Dios, chanru nak cocuan saꞌ santilal ut saꞌ ti̱quilal saꞌ e̱ya̱nk. Ma̱cꞌaꞌ cꞌaꞌru cokꞌuseꞌ cuiꞌ nak cocuan saꞌ e̱ya̱nk la̱ex aj pa̱banel.

2 Corintios 1:12

Kꞌaxal nasahoꞌ kachꞌo̱l xban nak nakanau nak saꞌ ti̱quilal nococuan saꞌ ruchichꞌochꞌ. Ut chi anchal kachꞌo̱l xocuan saꞌ ti̱quilal nak xocuan e̱riqꞌuin la̱ex. Moco xban ta nak cuan kanaꞌleb kajunes la̱o nak cuanco saꞌ ti̱quilal. Li Dios ban natenkꞌan ke riqꞌuin lix nimal ruxta̱n.

Daniel 6:22

Lin Dios quixtakla chak lix ángel ut aꞌan quitzꞌapoc re lix tzꞌu̱mal reheb li cakcoj re nak incꞌaꞌ tineꞌxcamsi xban nak chiru li Dios ma̱cꞌaꞌ inma̱c chi moco cha̱cuu la̱at xinba̱nu li incꞌaꞌ us, chan re li rey.

Proverbios 20:7

Us xak reheb li alal cꞌajolbej li xeꞌcuan xnaꞌ xyucuaꞌ saꞌ ti̱quilal ut saꞌ cha̱bilal.

Proverbios 11:3

Li ani cha̱bil xnaꞌleb, naxba̱nu li us xban xti̱quilal xchꞌo̱l. Abanan eb li nequeꞌxba̱nu li incꞌaꞌ us, aꞌan ajcuiꞌ lix ma̱queb nasachoc reheb.

Salmos 78:72

Ut laj David quicꞌamoc be saꞌ ti̱quilal chiruheb lix tenamit li Dios. Quixqꞌue xchꞌo̱l chirilbaleb ut quiqꞌueheꞌ xnaꞌleb re nak tixba̱nu saꞌ xya̱lal.

Salmos 73:13

Cuan nak nincꞌoxla nak ma̱cꞌaꞌ aj e nak ti̱c inchꞌo̱l. Ma̱cꞌaꞌ rajbal nak incꞌaꞌ ninba̱nu li ma̱usilal,

Salmos 26:6

La̱in ninchꞌaj li cuukꞌ. Aꞌan retalil nak ma̱cꞌaꞌ inma̱c. Ut ninxic saꞌ la̱ artal cha̱lokꞌoninquil saꞌ ti̱quilal.

Salmos 25:21

At Ka̱cuaꞌ, la̱at ti̱c la̱ chꞌo̱l ut cha̱bilat. China̱col xban nak caꞌaj cuiꞌ a̱cuiqꞌuin ninyoꞌoni.

Salmos 24:4

Caꞌajeb cuiꞌ li ti̱queb xchꞌo̱l ut li cha̱bileb xyuꞌam. Caꞌajeb cuiꞌ li incꞌaꞌ nequeꞌxra ru li cꞌaꞌak re ru ma̱cꞌaꞌ rajbal, ut li incꞌaꞌ nequeꞌxpatzꞌ xcꞌabaꞌ li Dios riqꞌuin xticꞌtiꞌeb.

Li xHu LAJ JOB 33:9

“La̱in ti̱c inchꞌo̱l. Incꞌaꞌ ninba̱nu li incꞌaꞌ us. Ma̱cꞌaꞌ inma̱c ut ma̱ jun li ma̱usilal ninba̱nu.

1 Crónicas 29:17

At inDios, la̱in ninnau nak la̱at nacanau li cꞌaꞌru nanumeꞌ saꞌ li kacꞌaꞌux. Nacuulac cha̱cuu li ti̱quilal. Joꞌcan nak la̱in chi anchal inchꞌo̱l xinqꞌue a̱cue chixjunil aꞌin. Ut anakcuan xinqꞌue retal nak chi saheb saꞌ xchꞌo̱leb chixjunileb la̱ tenamit li chꞌutchꞌu̱queb arin xeꞌxqꞌue a̱cue lix mayejeb.

2 Reyes 20:3

—La̱in nintzꞌa̱ma cha̱cuu, at Ka̱cuaꞌ Dios, chijulticokꞌ taxak a̱cue nak la̱in xincꞌanjelac cha̱cuu chi anchal inchꞌo̱l ut xinba̱nu li us joꞌ nacuulac cha̱cuu, chan. Ut quiya̱bac chi kꞌaxal ra saꞌ xchꞌo̱l.

Josué 22:22

—Li Ka̱cuaꞌ li nimajcual Dios, aꞌan naxnau chixjunil. Aꞌan naxnau cꞌaꞌru aj e nak xkayi̱b li artal aꞌin. Ut aꞌan ta̱cꞌutuk re lix ya̱lal che̱ru. Cui la̱o xkayi̱b li artal aꞌin re takakꞌetkꞌeti kib chiru, malaj ut re xtzꞌekta̱nanquil li Dios, choxqꞌuehak ta chi ca̱mc.

Génesis 12:13

Ta̱ba̱nu usilal, ta̱yeheb re nak la̱at cuanab re nak incꞌaꞌ tineꞌxcamsi. Chi joꞌcan tina̱col saꞌ rukꞌeb laj Egipto, chan laj Abram re li rixakil.

Génesis 20:13

Li Dios quiyehoc cue nak tincanab rochoch lin yucuaꞌ ut tinxic saꞌ jalan naꞌajej. La̱in quinye re li cuixakil nak yalak bar tonumekꞌ aꞌan tixye nak la̱in li ras, chan laj Abraham.

Génesis 20:16

Ut laj Abimelec quixye re lix Sara: —Qꞌue retal. La̱in xinqꞌue jun mil tumin plata re la̱ cuas. Xinba̱nu aꞌin re nak li cuanqueb saꞌ la̱ cuochoch teꞌxqꞌue retal nak saꞌ xya̱lal xatinkꞌaxtesi riqꞌuin la̱ be̱lom, ut re ajcuiꞌ nak chixjunileb teꞌxqꞌue retal nak ma̱cꞌaꞌ a̱ma̱c, chan laj Abimelec re.

Salmos 7:9

At inDios, kꞌaxal ti̱c a̱chꞌo̱l. La̱at nacanau lix cꞌaꞌux li junju̱nk ut nacanau li cꞌaꞌru nanumeꞌ saꞌ xchꞌo̱leb. Charam chiruheb li ma̱usilal li nequeꞌxba̱nu li incꞌaꞌ useb xnaꞌleb. Ut chaqꞌue xcacuilal xchꞌo̱l li cha̱bileb xnaꞌleb.