Génesis 20:2 - Li Santil hu

² Nak ac cuanqueb aran, laj Abraham quixye: —Lix Sara ma̱cuaꞌ cuixakil. Aꞌan cuanab, chan. Lix reyeb li tenamit Gerar, aꞌan laj Abimelec. Li rey aꞌan quixtakla xcꞌambal lix Sara chokꞌ rixakil.

Q'eqchi Bible

² Aran laj Abrahán naxye naq lix Sara, li rixaqil, a'an ranab'. Jo'kan naq li awab'ej re Kerar, aj Abimélek xk'ab'a', kixtaqla xk'amb'al lix Sara.

Génesis 20:2 ပူးပေါင်းရင်းမြစ်များ

Génesis 12:15

Laj faraón, aꞌan li acuabej re li naꞌajej aꞌan. Eb laj tenkꞌom re laj faraón queꞌril ajcuiꞌ nak chꞌinaꞌus li ixk ut queꞌxye re: —Us li ixk aꞌan chokꞌ a̱cue, chanqueb. Ut lix Sarai quicꞌameꞌ saꞌ rochoch laj faraón.

Génesis 26:7

Ut eb li cui̱nk li cuanqueb saꞌ li tenamit aꞌan queꞌxpatzꞌ re laj Isaac: —¿Ani li ixk aꞌan? chanqueb. Laj Isaac quichakꞌoc ut quixye reheb: —Aꞌan li cuanab, chan. Quixucuac chixyebal nak lix Rebeca, aꞌan rixakil xban nak lix Rebeca chꞌinaꞌus na-iloc. Aꞌan quixcꞌoxla nak ma̱re teꞌxcamsi re nak teꞌxcꞌam lix Rebeca.

Colosenses 3:9

Mexticꞌtiꞌic. Me̱ba̱nu chic chixjunil li ma̱usilal aꞌin xban nak chixjunil li cꞌaꞌak re ru queba̱nu chak najter ac xerisi saꞌ le̱ chꞌo̱l.

Efesios 4:25

Incꞌaꞌ chic chexticꞌtiꞌik. Saꞌ xya̱lal ban tex-a̱tinak chi ribil e̱rib xban nak junaj chic ku ut kachaꞌal chic kib chi kibil kib.

Eclesiastés 7:20

Relic chi ya̱l ma̱ jun cuan saꞌ ruchichꞌochꞌ li kꞌaxal ta ti̱c xchꞌo̱l chi incꞌaꞌ ta ta̱ma̱cobk.

Proverbios 24:16

Usta ta̱ba̱nu cuukub sut raylal reheb li ti̱queb xchꞌo̱l, abanan eb aꞌan teꞌxcuy ut incꞌaꞌ ta̱chꞌina̱nk xchꞌo̱leb. Abanan eb li incꞌaꞌ useb xnaꞌleb ra teꞌxcꞌul nak teꞌosokꞌ.

2 Crónicas 32:31

Nak eb li cuanqueb xcuanquil Babilonia queꞌxtaklaheb lix takl chixpatzꞌbal chirix li sachba chꞌo̱lej li quicꞌulman Judá, li Dios quixcanab xjunes laj Ezequías chixsumenquil yal re xyalbal rix laj Ezequías. Quiraj rilbal cꞌaꞌru cuan saꞌ xchꞌo̱l.

2 Crónicas 19:2

Li profeta Jehú li ralal laj Hanani co̱ chixcꞌulbal li rey Josafat ut quixye re: —Nacatenkꞌaheb li incꞌaꞌ useb xnaꞌleb. Nacaraheb li xicꞌ nequeꞌiloc re li Ka̱cuaꞌ Dios. Li Dios xjoskꞌoꞌ saꞌ a̱be̱n xban li cꞌaꞌru xaba̱nu.

Génesis 26:16

Ut laj Abimelec quixye re laj Isaac: —Kꞌaxal us cui tat-e̱lk saꞌ li katenamit xban nak yo̱ chi nima̱nc a̱cuanquil, chan.

Génesis 26:1

Quicuan cuiꞌchic jun li cueꞌej saꞌ li naꞌajej aꞌan joꞌ nak quicuan junxil nak toj yoꞌyo laj Abraham. Laj Isaac co̱ saꞌ li tenamit Gerar li cuan cuiꞌ laj Abimelec. Laj Abimelec, aꞌan xreyeb laj filisteo.

Génesis 20:12

Ya̱l li cꞌaꞌru xinye a̱cue nak lix Sara cui̱tzꞌin. Junaj li kayucuaꞌ ut li kanaꞌ jalaneb. Joꞌcan nak quinsumla riqꞌuin.

2 Crónicas 20:37

Ut li profeta Eliezer, li ralal laj Dodava re Maresa, quixye cꞌaꞌru tixcꞌul li rey Josafat. Quixye: —Xban nak xacꞌam a̱cuib saꞌ usilal riqꞌuin laj Ocozías, li Ka̱cuaꞌ Dios tixsach ruheb li jucub li xayi̱b, chan. Ut eb li ni̱nki jucub queꞌxtochꞌ ribeb ut queꞌjoreꞌ ut incꞌaꞌ queꞌru chi xic Tarsis.

Génesis 21:22

Saꞌ eb li cutan aꞌan laj Abimelec rochben laj Ficol co̱eb chi a̱tinac riqꞌuin laj Abraham. Laj Ficol aꞌan li nataklan saꞌ xbe̱neb lix soldados laj Abimelec. Laj Abimelec quixye re laj Abraham: —La̱o yo̱co chixqꞌuebal retal nak nacatxtenkꞌa li Dios riqꞌuin chixjunil li cꞌaꞌak re ru nacaba̱nu.

Proverbios 29:25

Li xxucuanquil ru li cui̱nk, aꞌan chanchan jun li raꞌal. Abanan li ani cꞌojcꞌo xchꞌo̱l riqꞌuin li Dios, aꞌan ta̱colekꞌ.

Proverbios 6:29

Joꞌcan ajcuiꞌ li cui̱nk li tixchꞌic rib riqꞌuin rixakil li ras ri̱tzꞌin. Ac chꞌolchꞌo nak tixtoj xma̱c.