Génesis 20:17 - Li Santil hu

^17-18 Xban li cꞌaꞌru quicꞌulman riqꞌuin lix Sara, li Ka̱cuaꞌ Dios quixtakla jun li yajel saꞌ xbe̱neb chixjunileb li cuanqueb saꞌ rochoch laj Abimelec re nak eb aꞌan incꞌaꞌ teꞌcua̱nk xcocꞌaleb. Laj Abraham quitijoc chiru li Dios chirixeb. Li Dios quirabi ut quixqꞌuirtesiheb chixjunileb li cuanqueb saꞌ rochoch laj Abimelec re nak teꞌcua̱nk xcocꞌaleb ut quixqꞌuirtesiheb ajcuiꞌ lix mo̱seb.

Q'eqchi Bible

¹⁷ Toja' naq laj Abrahán kitz'aamank chiru li Yos, ut li Yos kixk'irtasi laj Abimélek, li rixaqil ut chixjunileb' li ixq aj k'anjel chiru, re naq te'alanq wi' chik:

Génesis 20:17 ပူးပေါင်းရင်းမြစ်များ

Santiago 5:16

Chechꞌolobak biꞌ le̱ ma̱c che̱ribil e̱rib ut chextijok che̱ribil e̱rib re nak texqꞌuirtesi̱k. Li ani ti̱c xchꞌo̱l natijoc chi anchal xchꞌo̱l ut lix tij na-abi̱c xban li Dios.

Filipenses 4:6

Ma̱cꞌaꞌ cꞌaꞌak re ru yo̱k cuiꞌ e̱cꞌaꞌux. Cheye ban re li Ka̱cuaꞌ cꞌaꞌru le̱ chꞌaꞌajquilal. Ut junelic nak textijok ut nak textzꞌa̱ma̱nk chiru li Ka̱cuaꞌ, chexbantioxi̱nk ajcuiꞌ chiru li Dios.

1 Ts 5:25

Ex herma̱n, chextijok chikix la̱o.

San Mateo 21:22

Ut chixjunil li cꞌaꞌru te̱tzꞌa̱ma nak textijok, cui te̱pa̱b nak te̱cꞌul, ta̱qꞌuehekꞌ e̱re.

San Mateo 7:7

Nak ta̱paltok cꞌaꞌru e̱re, chextzꞌa̱ma̱nk chiru li Dios ut aꞌan tixqꞌue e̱re; chesicꞌak ut te̱tau, chebokak ut li puerta ta̱tehekꞌ che̱ru.

Isaías 45:11

Li Ka̱cuaꞌ lix santil Dioseb laj Israel li quiyoꞌobtesin re chixjunil quixye: —¿Ma ta̱ru̱k ta biꞌ te̱cuechꞌ rixeb li cualal incꞌajol? ¿Ma ta̱ru̱k ta biꞌ te̱cuechꞌ rix li cꞌaꞌru ninba̱nu la̱in?

Proverbios 15:8

Li Ka̱cuaꞌ xicꞌ naril lix mayejeb li incꞌaꞌ useb xnaꞌleb. Abanan lix tijeb li ti̱queb xchꞌo̱l li Ka̱cuaꞌ naxcꞌul chi sa saꞌ xchꞌo̱l.

Esdras 6:10

Ta̱qꞌuehekꞌ reheb re nak ta̱ru̱k teꞌxqꞌue li mayej li ta̱cuulak chiru li Dios li cuan saꞌ choxa ut teꞌtijok chicuix la̱in li rey ut chirixeb ajcuiꞌ li cualal incꞌajol.

Génesis 29:31

Li Ka̱cuaꞌ Dios quiril nak lix Lea incꞌaꞌ naraheꞌ xban laj Jacob. Joꞌcan nak li Ka̱cuaꞌ Dios quixqꞌue chi cua̱nc xcocꞌal. Abanan lix Raquel incꞌaꞌ quiqꞌueheꞌ xcocꞌal.

Génesis 20:7

Ut anakcuan ta̱kꞌaxtesi li ixk aꞌin riqꞌuin lix be̱lom. Laj Abraham aꞌan jun li profeta li nayehoc re li cua̱tin ut aꞌan ta̱tijok cha̱cuix re nak incꞌaꞌ tatca̱mk. Abanan cui incꞌaꞌ nacakꞌaxtesi li ixk aꞌin, la̱at tatca̱mk, joꞌ eb ajcuiꞌ la̱ comon, chan li Dios.

Hechos 3:24

Chalen nak quicuan li profeta Samuel chixjunileb li profeta queꞌxye ajcuiꞌ resil li cꞌaꞌru ta̱cꞌulma̱nk saꞌ eb li cutan aꞌin.

Proverbios 15:29

Li Ka̱cuaꞌ incꞌaꞌ narabi lix tijeb li incꞌaꞌ useb xnaꞌleb. Abanan eb li ti̱queb xchꞌo̱l, li Ka̱cuaꞌ narabi lix tijeb.

Números 12:13

Ut laj Moisés quitijoc ut quixye: —At Ka̱cuaꞌ Dios, nintzꞌa̱ma cha̱cuu nak ta̱qꞌuirtesi taxak lix María.—

Números 21:7

Eb li cristian queꞌcuulac riqꞌuin laj Moisés ut queꞌxye re: —La̱o xoma̱cob nak xkacuechꞌi rix li Dios ut xoma̱cob ajcuiꞌ nak xatkacuechꞌi la̱at. Chatzꞌa̱ma chiru li Dios nak ta̱risiheb saꞌ kaya̱nk li cꞌantiꞌ aꞌin, chanqueb. Ut laj Moisés quitijoc chirixeb li tenamit.

Li xHu LAJ JOB 42:8

Anakcuan te̱cꞌam cuukub li toro ut cuukub li carner te̱lom ut texxic riqꞌuin laj Job, laj cꞌanjel chicuu re nak aꞌan ta̱mayejak saꞌ e̱cꞌabaꞌ la̱ex. Laj Job ta̱tijok che̱rix ut la̱in tincuabi lix tij. Ma̱cꞌaꞌ tinba̱nu e̱re usta e̱cꞌulub xtojbal rix le̱ ma̱c xban nak incꞌaꞌ xeye li ya̱l chicuix joꞌ xba̱nu laj Job, chan li Dios.

Génesis 12:17

Ut li Ka̱cuaꞌ Dios quixqꞌue chixtojbal xma̱c laj faraón xban nak quixcꞌam saꞌ li rochoch lix Sarai. Quixtakla jun raylal saꞌ xbe̱neb li cuanqueb saꞌ rochoch laj faraón ut queꞌyajer chixjunileb.