Génesis 20:14 - Li Santil hu

¹⁴ Tojoꞌnak laj Abimelec quixkꞌaxtesi lix Sara saꞌ rukꞌ laj Abraham. Ut quixqꞌue nabal lix queto̱mk. Quixqꞌue ajcuiꞌ lix mo̱s cui̱nk ut lix mo̱s ixk.

Q'eqchi Bible

¹⁴ Toja' naq laj Abimélek kixchap xkarneer, xwakax, winq ut ixq aj k'anjeleb' chiru, ut kixk'eheb' re laj Abrahán; kixq'ajsi ajwi' lix Sara, li rixaqil.

Génesis 20:14 ပူးပေါင်းရင်းမြစ်များ

Génesis 12:16

Xban nak laj Abram quixkꞌaxtesi lix Sarai saꞌ rukꞌ laj faraón, nabal lix ra̱bal quiqꞌueheꞌ re laj Abram. Laj faraón quixqꞌue xqueto̱mk, quixqꞌue xcuacax, quixqꞌue xbu̱r ut quixqꞌue ajcuiꞌ lix mo̱s cui̱nk ut lix mo̱s ixk. Ut quiqꞌueheꞌ ajcuiꞌ xni̱nki xul camello xcꞌabaꞌ.

Génesis 20:11

Laj Abraham quichakꞌoc ut quixye re: —La̱in xincꞌoxla nak incꞌaꞌ nequepa̱b li Ka̱cuaꞌ Dios saꞌ li tenamit aꞌin. Cuan saꞌ inchꞌo̱l nak ma̱re tine̱camsi xban li cuixakil.

Génesis 20:7

Ut anakcuan ta̱kꞌaxtesi li ixk aꞌin riqꞌuin lix be̱lom. Laj Abraham aꞌan jun li profeta li nayehoc re li cua̱tin ut aꞌan ta̱tijok cha̱cuix re nak incꞌaꞌ tatca̱mk. Abanan cui incꞌaꞌ nacakꞌaxtesi li ixk aꞌin, la̱at tatca̱mk, joꞌ eb ajcuiꞌ la̱ comon, chan li Dios.

Génesis 20:2

Nak ac cuanqueb aran, laj Abraham quixye: —Lix Sara ma̱cuaꞌ cuixakil. Aꞌan cuanab, chan. Lix reyeb li tenamit Gerar, aꞌan laj Abimelec. Li rey aꞌan quixtakla xcꞌambal lix Sara chokꞌ rixakil.

San Lucas 12:45

Abanan cui li mo̱s aꞌan incꞌaꞌ us lix naꞌleb, tixye saꞌ xchꞌo̱l, “Lin patrón ta̱ba̱yk chi cꞌulu̱nc”. Ut ta̱oc chixsacꞌbaleb li rech mo̱sil joꞌ cui̱nk joꞌ ixk ut ta̱oc chi cuaꞌac, chi ucꞌac ut chi cala̱c.

Génesis 21:22

Saꞌ eb li cutan aꞌan laj Abimelec rochben laj Ficol co̱eb chi a̱tinac riqꞌuin laj Abraham. Laj Ficol aꞌan li nataklan saꞌ xbe̱neb lix soldados laj Abimelec. Laj Abimelec quixye re laj Abraham: —La̱o yo̱co chixqꞌuebal retal nak nacatxtenkꞌa li Dios riqꞌuin chixjunil li cꞌaꞌak re ru nacaba̱nu.