Génesis 20:1 - Li Santil hu

¹ Laj Abraham queꞌel saꞌ li naꞌajej li queꞌcuan cuiꞌ ut queꞌco̱eb saꞌ li naꞌajej Neguev. Queꞌcana saꞌ jun li naꞌajej li cuan saꞌ xya̱nk li cuib chi tenamit Cades ut Shur. Ut mokon chic queꞌel saꞌ li naꞌajej aꞌan. Queꞌco̱eb saꞌ li tenamit Gerar. Ut aran queꞌcana.

Q'eqchi Bible

¹ Ki'elk laj Abrahán aran, kiq'axonk toj Nejeb ut koxkanaaq sa' li tenamit Kerar, sa' xyanq Kadés rik'in Sur.

Génesis 20:1 ပူးပေါင်းရင်းမြစ်များ

Génesis 26:6

Ut laj Isaac quicana chi cua̱nc saꞌ li tenamit Gerar.

Génesis 26:1

Quicuan cuiꞌchic jun li cueꞌej saꞌ li naꞌajej aꞌan joꞌ nak quicuan junxil nak toj yoꞌyo laj Abraham. Laj Isaac co̱ saꞌ li tenamit Gerar li cuan cuiꞌ laj Abimelec. Laj Abimelec, aꞌan xreyeb laj filisteo.

Salmos 29:8

Xban xnimal xcuanquil li Ka̱cuaꞌ narecꞌasi li chaki chꞌochꞌ nak naa̱tinac. Nak naa̱tinac, li Ka̱cuaꞌ narecꞌasi li chaki chꞌochꞌ aran Cades.

Génesis 18:1

Nak ac xnumeꞌ cuaꞌleb, laj Abraham chunchu chire lix muheba̱l saꞌ li naꞌajej ji ru. Eb li cheꞌ ji, aꞌan re laj Mamre. Quicuulac li Ka̱cuaꞌ Dios riqꞌuin. Joꞌcaꞌin nak quixcꞌutbesi rib li Dios chiru laj Abraham.

1 Samuel 15:7

Ut laj Saúl quipletic riqꞌuineb laj Amalec ut queꞌra̱linaheb saꞌ li tenamit Havila toj saꞌ li tenamit Shur li cuan saꞌ xnuba̱l li naꞌajej Egipto. Laj Saúl quinumta saꞌ xbe̱neb.

Deuteronomio 32:51

Ta̱cꞌulma̱nk chi joꞌcan xban nak chixcabichalex xekꞌet li cua̱tin chiruheb laj Israel nak cuanquex chiru li haꞌ li cuan Meriba li cuan Cades saꞌ li chaki chꞌochꞌ Zin. La̱ex incꞌaꞌ xeqꞌue inlokꞌal chiruheb laj Israel.

Deuteronomio 1:19

La̱o kaba̱nu joꞌ quixye ke li Ka̱cuaꞌ li kaDios. Co-el saꞌ li naꞌajej Horeb ut conumeꞌ saꞌ li nimla chaki chꞌochꞌ li xiu xiu cuiꞌ numecꞌ. Queqꞌue ajcuiꞌ retal la̱ex. Conumeꞌ saꞌ lix naꞌajeb laj amorreo, li tzu̱l ru ut cocuulac toj Cades-barnea.

Números 20:16

Nak kaya̱ba xcꞌabaꞌ li Ka̱cuaꞌ, quirabi li katij ut quixtakla jun lix ángel chikisinquil aran Egipto. Anakcuan cuanco Cades, li tenamit li cuan nachꞌ riqꞌuin lix nuba̱l la̱ naꞌaj.

Números 13:26

Queꞌcuulac saꞌ li chaki chꞌochꞌ Parán li cuan cuiꞌ li tenamit Cades. Aran cuanqueb laj Moisés, laj Aarón ut chixjunileb laj Israel. Ut queꞌxserakꞌi reheb chixjunil li queꞌril chak saꞌ li naꞌajej. Ut queꞌxcꞌut chiruheb li ru li quiꞌil kꞌe̱n li queꞌxcꞌam chak.

Génesis 26:26

Saꞌ jun li cutan laj Abimelec qui-el Gerar ut co̱ Beerseba chi a̱tinac riqꞌuin laj Isaac. Quixcꞌam jun li rami̱g chirix aj Ahuzat xcꞌabaꞌ ut quixcꞌam ajcuiꞌ laj Ficol li nataklan reheb lix soldados.

Génesis 26:20

Eb laj ilol queto̱mk re Gerar queꞌpletic riqꞌuineb li nequeꞌiloc re xqueto̱mk laj Isaac. Queꞌxye reheb: —Li yuꞌam haꞌ aꞌin, ke la̱o, chanqueb. Xban nak queꞌpletic, laj Isaac quixqꞌue Esek chokꞌ xcꞌabaꞌ li yuꞌam haꞌ aꞌan.

Génesis 24:62

Laj Isaac nacuan saꞌ li naꞌajej Neguev. Quicuulac cuan cuiꞌ li yuꞌam haꞌ “Li yoꞌyo̱quil Dios li na-iloc cue” xcꞌabaꞌ. Chirix aꞌan quisukꞌi cuiꞌchic saꞌ rochoch.

Génesis 13:1

Laj Abram qui-el saꞌ li naꞌajej Egipto rochben li rixakil. Ut co̱ ajcuiꞌ laj Lot chirixeb. Queꞌxcꞌam li cꞌaꞌru reheb. Queꞌsukꞌi cuiꞌchic saꞌ li naꞌajej Neguev li cuan saꞌ xcue̱nt Canaán.

Génesis 10:19

Lix chꞌochꞌeb laj cananeo naticla chak toj Sidón ut naxtau xnuba̱l li tenamit Gaza li nacana saꞌ xjayal Gerar. Ut naxtau ajcuiꞌ lix nuba̱l li tenamit Lasa li nacana saꞌ xjayal li ca̱hib chi tenamit Sodoma, Gomorra, Adma ut Zeboim.

Génesis 16:14

Joꞌcan nak li yuꞌam haꞌ aꞌan quiqꞌueheꞌ chokꞌ xcꞌabaꞌ “Li yoꞌyo̱quil Dios li na-iloc cue”. Li yuꞌam haꞌ aꞌin cuan saꞌ xyi li cuib chi tenamit Cades ut Bered.

Génesis 16:7

Lix Agar yo̱ chi be̱c saꞌ li chaki chꞌochꞌ. Quicuulac cuan cuiꞌ li yuꞌam haꞌ saꞌ li be naxic saꞌ li tenamit Shur. Ut aran quitaꞌeꞌ xban lix ángel li Ka̱cuaꞌ Dios.

Génesis 16:1

Lix Sarai li rixakil laj Abram ma̱ jun xcocꞌal. Aꞌan cuan jun xmo̱s xAgar xcꞌabaꞌ. Aꞌan chalenak chak Egipto.

Génesis 14:7

Nak quisukꞌi chak li rey Quedorlaomer rochbeneb li jun chꞌol chic queꞌcuulac saꞌ li tenamit En-mispat. Nequeꞌxye ajcuiꞌ Cades re li tenamit aꞌan. Ut queꞌnumta saꞌ xbe̱neb laj Amalec joꞌ eb ajcuiꞌ laj amorreo li cuanqueb saꞌ li naꞌajej Hazezon-tamar. Ut queꞌxsach ruheb chixjunil li cꞌaꞌru queꞌxtau saꞌ xbeheb nak yo̱queb chi xic.

Génesis 12:9

Laj Abram qui-oc cuiꞌchic chi xic saꞌ li naꞌajej Neguev.

Génesis 25:18

Eb li ralal laj Ismael queꞌcuan saꞌ li chꞌochꞌ li naticla saꞌ li tenamit Havila ut naxic toj saꞌ li tenamit Shur ut nacuulac toj saꞌ li nuba̱l re li tenamit Asiria. Li naꞌajej aꞌin cuan saꞌ xcaꞌyaba̱l Egipto. Ut aran queꞌxyi̱b lix naꞌajeb laj Ismael usta incꞌaꞌ queꞌraj lix comoneb.

Éxodo 15:22

Laj Moisés quicꞌamoc be chiruheb laj Israel nak queꞌel chire li Mar Rojo. Queꞌco̱eb saꞌ li chaki chꞌochꞌ Shur xcꞌabaꞌ. Oxib cutan queꞌbe̱c saꞌ li chaki chꞌochꞌ ut ma̱ bar queꞌxtau li haꞌ.

Génesis 21:34

Laj Abraham najt quicuan saꞌ xtenamiteb laj filisteo.