Génesis 2:7 - Li Santil hu

⁷ Li Ka̱cuaꞌ Dios quixyi̱b li cui̱nk. Quixpacꞌ riqꞌuin chꞌochꞌ ut quirapu saꞌ li ruꞌuj re nak tixqꞌue lix musikꞌ. Ut cuan chic xyuꞌam li cui̱nk.

Q'eqchi Bible

⁷ Toja' naq li Qaawa' Yos kixyoob'tesi li winq rik'in xpojtz'il li ch'och'. Chi apunb'il kiroksi li xmusiq' sa' ru'uj, ut chi jo'kan li winq kiwank xyu'am.

Génesis 2:7 ပူးပေါင်းရင်းမြစ်များ

1 Corintios 15:45

Tzꞌi̱banbil saꞌ li Santil Hu chi joꞌcaꞌin: Laj Adán li xbe̱n cui̱nk quiqꞌueheꞌ xmusikꞌ nak quiyoꞌobtesi̱c xban li Dios. (Gén. 2:7) Abanan li xcab Adán, aꞌ li Ka̱cuaꞌ Jesucristo, aꞌan musikꞌej ut aꞌan li naqꞌuehoc kayuꞌam chi junelic.

Li xHu LAJ JOB 33:4

Li nimajcual Dios, aꞌan li quiyi̱ban cue ut aꞌan ajcuiꞌ xqꞌuehoc inyuꞌam.

Eclesiastés 12:7

Nak tatca̱mk, tatsukꞌi̱k cuiꞌchic chꞌochꞌ xban nak chꞌochꞌ oquenakat. Ut la̱ musikꞌ ta̱xic cuiꞌchic riqꞌuin li Dios xban nak aꞌan quiqꞌuehoc la̱ musikꞌ.

Isaías 64:8

Anakcuan ut, at Ka̱cuaꞌ, la̱at li kayucuaꞌ. La̱at aj e̱chal ke. La̱o chanchano li seb ut la̱at laj pacꞌonel. La̱at catyi̱ban ke riqꞌuin la̱ cuukꞌ. La̱at catyi̱ban chak ke chikajunilo.

Hechos 17:25

Chi moco aꞌ ta li cui̱nk naqꞌuehoc cꞌaꞌak re ru re aꞌan. Aꞌan ban naqꞌuehoc ke li kayuꞌam ut aꞌan naqꞌuehoc li kamusikꞌ. Aꞌan li naqꞌuehoc chixjunil li cꞌaꞌru cuan.

1 Corintios 15:47

Nak quiyoꞌobtesi̱c laj Adán xban li Dios, chꞌochꞌ qui-oc. Abanan li Jesucristo moco yoꞌobtesinbil ta. Aꞌan musikꞌej ut saꞌ choxa quichal chak.

Génesis 3:19

Cau tattrabajik ut riqꞌuin la̱ tikob tatcuaꞌak. Joꞌcaꞌin nak tatcua̱nk toj retal tatca̱mk ut tatsukꞌi̱k cuiꞌchic chꞌochꞌ. Pacꞌbil chꞌochꞌ oquenakat chak ut chꞌochꞌ ajcuiꞌ tatsukꞌi̱k nak tat-osokꞌ, chan li Dios re laj Adán.

Li xHu LAJ JOB 27:3

Joꞌ najtil chic tixqꞌue inyuꞌam li Dios,

Génesis 7:22

Chixjunileb li cuanqueb saꞌ ruchichꞌochꞌ, quilajeꞌcam. Eb li cristian joꞌ eb ajcuiꞌ li xul quilajeꞌcam.

Zacarías 12:1

Li Ka̱cuaꞌ li kꞌaxal nim xcuanquil li quiyi̱ban re li choxa ut quixakaban re li ruchichꞌochꞌ saꞌ xnaꞌaj, li quiqꞌuehoc xmusikꞌ li cui̱nk, aꞌan li xyehoc re aꞌin chirix li tenamit Israel:

Salmos 103:14

Li Ka̱cuaꞌ naxnau nak yal cristiano ut saꞌ junpa̱t nachꞌinan kachꞌo̱l. Najulticoꞌ re nak yal chꞌochꞌ oquenako.

Salmos 100:3

Chenauhak nak li Ka̱cuaꞌ, aꞌan li tzꞌakal Dios. La̱o li ralal xcꞌajol. Aꞌan li quiyoꞌobtesin ke ut aꞌan ajcuiꞌ li na-iloc ke joꞌ jun li pastor narileb lix carner.

Romanos 9:20

Aban la̱in tinye a̱cue, ¿anihat la̱at nak ta̱cuechꞌi rix li cꞌaꞌru naxba̱nu li Dios? Junak li cuc incꞌaꞌ ta̱ru̱k tixye re laj pacꞌol re, ¿Cꞌaꞌut nak xina̱yi̱b chi joꞌcaꞌin?

Isaías 2:22

Me̱cꞌojob e̱chꞌo̱l saꞌ xbe̱neb li cristian xban nak eb aꞌan ma̱cꞌaꞌ nequeꞌoc cuiꞌ. Moco najt ta nequeꞌcuan. ¿Cꞌaꞌru aj e nak te̱qꞌueheb xlokꞌal?

Génesis 3:23

Joꞌcan nak li Dios quirisiheb saꞌ li naꞌajej Edén ut quixqꞌue chixtrabajinquil ru li chꞌochꞌ li quipaqꞌueꞌ cuiꞌ.

Hebreos 12:9

Saꞌ kacaꞌchꞌinal, li kanaꞌ kayucuaꞌ nocoeꞌxkꞌus ut naka-oxlokꞌiheb. ¿Ma tojaꞌ ta chic li kachoxahil yucuaꞌ incꞌaꞌ takapa̱b nak toxkꞌus? Cui nakapa̱b li kakꞌusbal naxqꞌue li Dios, cua̱nk kayuꞌam chi junelic.

Números 16:22

Ut laj Moisés ut laj Aarón queꞌxhupub ribeb saꞌ chꞌochꞌ ut queꞌxye: —At Ka̱cuaꞌ, at kaDios, la̱at nacatqꞌuehoc xyuꞌam li junju̱nk. Jun ajcuiꞌ li xma̱cob cha̱cuu. ¿Ma ta̱cuisi a̱joskꞌil saꞌ xbe̱neb chixjunileb li tenamit?—

Proverbios 20:27

Li musikꞌ li quiqꞌueheꞌ reheb li cristian xban li Dios, aꞌan nacutanobresin re lix cꞌaꞌux li junju̱nk. Chanchan jun li lámpara.

Li xHu LAJ JOB 33:6

La̱at ut la̱in juntakꞌe̱to chiru li Dios. La̱in chꞌochꞌ oquenakin joꞌ la̱at.

2 Corintios 5:1

Li katzꞌejcual arin saꞌ ruchichꞌochꞌ chanchan jun li ochoch li na-osoꞌ. La̱o nakanau nak li katzꞌejcual arin saꞌ ruchichꞌochꞌ na-osoꞌ. Abanan ta̱cua̱nk chic jun katzꞌejcual saꞌ choxa li tixqꞌue ke li Dios. Moco joꞌ ta li ochoch arin saꞌ ruchichꞌochꞌ li na-osoꞌ xban nak yi̱banbil xban cui̱nk. Li katzꞌejcual aran saꞌ choxa incꞌaꞌ ta̱osokꞌ. Cua̱nk ban chi junelic.

2 Corintios 4:7

La̱o chanchano li chꞌochꞌ ucꞌal li naxocman cuiꞌ li terto xtzꞌak. La̱o yal tzꞌejcualo. Abanan li Dios naxcutanobresi li kacꞌaꞌux re nak ta̱cꞌutu̱nk nak lix nimajcual cuanquilal li Dios li cuan kiqꞌuin, moco ke ta. Re ban li Dios.

San Juan 20:22

Ut nak quixye aꞌan, quirapuheb ut quixye reheb: —Cꞌulumak li Santil Musikꞌej.

Li xHu LAJ JOB 4:19

¿Ma tojaꞌ ta chic riqꞌuin li cui̱nk tixcꞌojob xchꞌo̱l li Dios? Li cui̱nk kꞌaxal kꞌun xchꞌo̱l xban nak chꞌochꞌ oquenak ut teꞌosokꞌ joꞌ nak na-osoꞌ li cab xban li cꞌa̱ms.

Números 27:16

—At Ka̱cuaꞌ, la̱at li nacatqꞌuehoc ke li kayuꞌam. Nintzꞌa̱ma cha̱cuu nak ta̱xakab junak li cui̱nk chi cꞌamoc be chiruheb li tenamit aꞌin.

Eclesiastés 3:7

Cuan li ho̱nal re pejoc tꞌicr, ut cuan li ho̱nal re xiti̱nc. Cuan li ho̱nal re a̱tinac, ut cuan li ho̱nal nak incꞌaꞌ naru a̱tinac.

1 Timoteo 2:13

Ninye aꞌin xban nak laj Adán quiyoꞌobtesi̱c xbe̱n cua xban li Dios ut chirix aꞌan quiyoꞌobtesi̱c lix Eva.

Génesis 2:6

Caꞌaj cuiꞌ li xbo̱c li chꞌochꞌ natakeꞌ re nak tixtꞌakresi chixjunil li chꞌochꞌ.

Lamentaciones 4:20

Queꞌxchap li karey, li sicꞌbil ru xban li Ka̱cuaꞌ, li cꞌojcꞌo cuiꞌ kachꞌo̱l. Saꞌ kachꞌo̱l la̱o nak cua̱nk li rey aꞌan, eb li jalan tenamit incꞌaꞌ toeꞌxchꞌiꞌchꞌiꞌi.

Ezequiel 37:5

Joꞌcaꞌin xye li Ka̱cuaꞌ: —La̱in tinqꞌue cuiꞌchic le̱ musikꞌ e̱re re nak texcuacli̱k cuiꞌchic chi yoꞌyo.

Génesis 1:27

Ut li Dios quixyoꞌobtesi li cui̱nk ut li ixk joꞌ li riloba̱l aꞌan. Cui̱nk ut ixk nak quixyoꞌobtesiheb.

Ezequiel 37:6

La̱in tinqꞌue cuiꞌchic le̱ richꞌ mul ut tinqꞌue cuiꞌchic le̱ tibel ut le̱ tzꞌu̱mal. Ut tinqꞌue cuiꞌchic le̱ musikꞌ re nak texcuacli̱k cuiꞌchic chi yoꞌyo. Ut riqꞌuin aꞌan te̱qꞌue retal nak la̱in li Ka̱cuaꞌ, chan.