Génesis 2:25 - Li Santil hu

²⁵ Laj Adán ut li rixakil tꞌustꞌu̱queb nak cuanqueb. Ut incꞌaꞌ nequeꞌxuta̱nac.

Q'eqchi Bible

²⁵ T'ust'uukeb' chaq chi xkab'ichaleb' li winq ut li rixaqil, ab'an ink'a' neke'xxutaana rib'eb'.

Génesis 2:25 ပူးပေါင်းရင်းမြစ်များ

Génesis 3:7

Tojoꞌnak chi xcabichaleb queꞌxnau chic cꞌaꞌru li us ut cꞌaꞌru li incꞌaꞌ us. Queꞌxqꞌue retal nak tꞌustꞌu̱queb. Queꞌxboj xak li cheꞌ higuera xcꞌabaꞌ chokꞌ ru̱chileb li rakꞌ. Ut riqꞌuin aꞌan queꞌxtzꞌap ribeb.

Romanos 10:11

Joꞌcaꞌin tzꞌi̱banbil saꞌ li Santil Hu: Li ani ta̱pa̱ba̱nk re aꞌan, incꞌaꞌ ta̱rahokꞌ xchꞌo̱l mokon xban nak tixcꞌul li cꞌaꞌru yechiꞌinbil re xban li Dios. (Isa. 28:16)

Joel 2:26

La̱ex textzaca̱nk toj retal ta̱cꞌojla̱k e̱chꞌo̱l. Ut te̱qꞌue xlokꞌal lin cꞌabaꞌ, la̱in li nimajcual Dios. Sachba chꞌo̱lej xinba̱nu re e̱colbal ut incꞌaꞌ chic texinqꞌue chi hobecꞌ.

Jeremías 17:13

At Ka̱cuaꞌ, la̱at li kayoꞌon la̱o aj Israel. Eb li nequeꞌtzꞌekta̱nan a̱cue xuta̱nal teꞌe̱lk. Joꞌ nak nasach li cꞌabaꞌej tzꞌi̱banbil saꞌ li poks, joꞌcan ajcuiꞌ nak teꞌsachekꞌ ruheb li nequeꞌtzꞌekta̱nan a̱cue. At Ka̱cuaꞌ, la̱at li nacatqꞌuehoc junelic yuꞌam. Chanchanat li yuꞌam haꞌ li incꞌaꞌ nachakic.

Isaías 47:3

Anakcuan ta̱cꞌutu̱nk chiruheb chixjunileb li cꞌaꞌak re ru xuta̱nal xlaje̱ba̱nu. Chicꞌutu̱nk nak muxbil chic e̱ru. La̱in tinqꞌue re̱kaj e̱re li rahobtesi̱nc xeba̱nu ut ma̱ ani ta̱ru̱k ta̱colekꞌ chicuu, chan li Dios.

San Lucas 9:26

Li ani ta̱xuta̱na̱k inban malaj ut xban li cua̱tin, la̱in li Alalbej tinxuta̱na̱k ajcuiꞌ xbaneb nak tincha̱lk chak riqꞌuin inlokꞌal ut riqꞌuin xlokꞌal lin Yucuaꞌ cuochbeneb li santil ángel, chan li Jesús.

Ezequiel 16:61

Ta̱julticokꞌ a̱cue li ma̱usilal xaba̱nu ut tatxuta̱na̱k nak la̱in tinkꞌaxtesi chokꞌ a̱coꞌ li tenamit Samaria la̱ cuas ut nak tinkꞌaxtesi chokꞌ a̱coꞌ li tenamit Sodoma la̱ cui̱tzꞌin. Tinba̱nu chi joꞌcan usta incꞌaꞌ tento tinba̱nu xban nak incꞌaꞌ quinye a̱cue saꞌ li contrato nak tinkꞌaxtesiheb a̱cue.

Isaías 54:4

Mexxucuac xban nak incꞌaꞌ texxuta̱na̱k. Incꞌaꞌ ta̱cꞌutekꞌ e̱xuta̱n. Ta̱sachk saꞌ e̱chꞌo̱l li xuta̱n li xecꞌul saꞌ e̱sa̱jilal. Incꞌaꞌ chic ta̱julticokꞌ e̱re li raylal li xecꞌul nak xexcanaba̱c xban li Dios. Chanchan nak la̱ex chic xma̱lcaꞌan.

Salmos 25:3

Li ani cauheb xchꞌo̱l riqꞌuin li Dios incꞌaꞌ teꞌxuta̱nobresi̱k. Abanan li ani incꞌaꞌ nequeꞌxpa̱b li Dios, aꞌaneb li teꞌcꞌutekꞌ xxuta̱n.

Éxodo 32:25

Laj Moisés quiril nak eb li cristian incꞌaꞌ chic nequeꞌxcꞌoxla li Dios. Quiril nak cꞌajoꞌ xyibal ru yo̱queb chixba̱nunquil xban nak laj Aarón incꞌaꞌ xqꞌue xnaꞌlebeb ut queꞌxcꞌut xxuta̱neb chiruheb li xicꞌ queꞌiloc reheb.

San Marcos 8:38

Li ani ta̱xuta̱na̱k chiruheb li tenamit aj ma̱c inban la̱in malaj ut xban li cua̱tin, la̱in li Alalbej tinxuta̱na̱k ajcuiꞌ xbaneb nak tincha̱lk chak riqꞌuin xnimal xlokꞌal lin Yucuaꞌ cuochbeneb li santil ángel.—

Jeremías 6:15

¿Ma nequeꞌxuta̱na̱c ta biꞌ xban li ma̱usilal li nequeꞌxba̱nu? Incꞌaꞌ. Incꞌaꞌ nequeꞌxnau xuta̱nac. Joꞌcan nak la̱in tinqꞌueheb chixtojbal lix ma̱queb joꞌ nak quinqꞌueheb chixtojbal xma̱queb li jun chꞌol chic, chan li Ka̱cuaꞌ.

Isaías 44:9

Eb li nequeꞌyi̱ban re li yi̱banbil dios ma̱cꞌaꞌ nequeꞌoc cuiꞌ. Ut lix dioseb li nequeꞌxyi̱b ma̱cꞌaꞌ nequeꞌoc cuiꞌ. Eb aꞌan nequeꞌxnau nak li cꞌaꞌru nequeꞌxba̱nu, aꞌan ajcuiꞌ nabalakꞌin reheb xban nak lix dioseb incꞌaꞌ nequeꞌiloc ut ma̱cꞌaꞌ nequeꞌxnau.

Salmos 31:17

At Ka̱cuaꞌ, ninya̱ba la̱ cꞌabaꞌ. Chasume taxak li cꞌaꞌru nintzꞌa̱ma a̱cue re nak incꞌaꞌ xuta̱nal tincana̱k. Aꞌ taxak li incꞌaꞌ useb xnaꞌleb xuta̱nal teꞌcana̱k. Chacanabeb chi ca̱mc re nak incꞌaꞌ chic teꞌa̱tinak.