Génesis 2:2 - Li Santil hu

² Nak ac xba̱nu chixjunil li cꞌanjel aꞌin, li Dios quihilan saꞌ xcuuk li cutan.

Q'eqchi Bible

² Sa' xwuq li kutan li Yos kixraq chixjunil li xk'anjel li xb'aanu, ut kihilank.

Génesis 2:2 ပူးပေါင်းရင်းမြစ်များ

Hebreos 4:4

Tzꞌi̱banbil saꞌ li Santil Hu chirix li xcuuk li cutan li naxye chi joꞌcaꞌin: Ut li Dios quixrak lix cꞌanjel ut quihilan saꞌ xcuuk li cutan. (Gén. 2:2)

Éxodo 31:17

Aꞌan retalil chicuu la̱in joꞌ ajcuiꞌ che̱ru la̱ex aj Israel xban nak chiru cuakib cutan xinyi̱b li choxa joꞌ ajcuiꞌ li ruchichꞌochꞌ. Saꞌ xcuak li cutan la̱in xinrak lin cꞌanjel ut saꞌ xcuuk li cutan xinhilan, chan li Dios re laj Moisés.

Deuteronomio 5:14

Saꞌ xcuuk li cutan aꞌan jun hiloba̱l cutan chiru li Ka̱cuaꞌ le̱ Dios. Ma̱ jun li cꞌanjel te̱ba̱nu. Ma̱ ani ta̱trabajik chi moco la̱ex, chi moco le̱ ralal e̱cꞌajol, chi moco le̱ mo̱s cui̱nk, chi moco le̱ mo̱s ixk, chi moco le̱ bo̱yx, chi moco le̱ bu̱r. Ma̱ jun reheb le̱ xul te̱qꞌue chi cꞌanjelac, chi moco junak li jalan xtenamit li cuan saꞌ le̱ rochoch re nak teꞌhila̱nk le̱ mo̱s cui̱nk le̱ mo̱s ixk joꞌ nak texhila̱nk la̱ex.

Éxodo 23:12

Chiru cuakib cutan te̱ba̱nu li joꞌ qꞌuial le̱ cꞌanjel li te̱raj xba̱nunquil. Ut saꞌ xcuuk li cutan texhila̱nk, la̱ex joꞌ ajcuiꞌ le̱ bo̱yx, ut le̱ bu̱r. Ut teꞌhila̱nk ajcuiꞌ le̱ mo̱s joꞌqueb ajcuiꞌ li jalan xtenamit li cuan e̱riqꞌuin.

San Juan 5:17

Li Jesús quixye reheb: —Lin Yucuaꞌ toj yo̱ chixtenkꞌanquileb li cristian ut tento ajcuiꞌ nak tintenkꞌaheb la̱in, chan.

Isaías 58:13

Qꞌuehomak xlokꞌal li hiloba̱l cutan ut incꞌaꞌ te̱ba̱nu li cꞌaꞌru nequeraj e̱junes saꞌ lin santil cutan. Aꞌinak jun cutan re sahil chꞌo̱lejil ut kꞌaxal lokꞌ. Cheqꞌuehak xlokꞌal ut me̱mux ru. Me̱ba̱nu li cꞌaꞌru nequeraj la̱ex ut mex-a̱tinac chi ma̱cꞌaꞌ rajbal.

Génesis 1:31

Ut li Dios quiril nak tzꞌakal re ru chixjunil li quixba̱nu. Ut qui-oc li kꞌojyi̱n ut quisake̱u. Aꞌan li xcuak li cutan.

Hebreos 4:10

Li ani ac x-oc chi hila̱nc riqꞌuin li Dios, aꞌan ac xhilan chi tzꞌakal, joꞌ nak li Dios quihilan nak quixrak lix cꞌanjel.

Génesis 2:3

Li Dios quirosobtesi li xcuuk li cutan ut quixsantobresi xban nak saꞌ li cutan aꞌan quihilan riqꞌuin chixjunil li cꞌanjel li quixba̱nu.

Éxodo 31:15

Cuakib cutan textrabajik. Ut li xcuuk li cutan, aꞌan jun lokꞌlaj hiloba̱l cutan. Ut aꞌan jun santil cutan chiru li Ka̱cuaꞌ Dios. Li ani natrabajic chiru li hiloba̱l cutan, ta̱camsi̱k”, chaꞌakat reheb.