Génesis 2:19 - Li Santil hu

¹⁹ Li Ka̱cuaꞌ Dios quixyi̱b riqꞌuin chꞌochꞌ chixjunil li xul cuanqueb saꞌ li pim. Quixyi̱b ajcuiꞌ chixjunileb li xul li nequeꞌrupupic. Quixcꞌameb chak li xul riqꞌuin laj Adán re nak ta̱ril chanru lix cꞌabaꞌeb tixqꞌue. Ut laj Adán quixqꞌueheb xcꞌabaꞌeb chixjunileb li xul.

Q'eqchi Bible

¹⁹ Toja' naq li Qaawa' Yos kixyoob'tesi rik'in ch'och' chixjunileb' li xul li wankeb' sa' li pim ut chixjunileb' li neke'rupupik chiru choxa, ut kixk'ameb' rik'in li winq re rilb'al k'aru tixk'e cho'q xk'ab'a'eb': li k'ab'a'ej li tixk'ul li junjunq chi xul, a'an li taanawe'q wi' ru.

Génesis 2:19 ပူးပေါင်းရင်းမြစ်များ

Génesis 1:28

Li Dios quirosobtesiheb aꞌan ut quixye reheb: —Chicua̱nk le̱ cocꞌal ut chexqꞌuia̱nk toj retal nak ta̱nujak li ruchichꞌochꞌ. La̱ex textakla̱nk saꞌ xbe̱n chixjunil li cꞌaꞌru cuan. Textakla̱nk saꞌ xbe̱neb chixjunil li xul li cuanqueb saꞌ li haꞌ joꞌ ajcuiꞌ li cuanqueb chiru choxa ut li cuanqueb saꞌ ruchichꞌochꞌ, chan.

Génesis 9:2

—Chixjunileb li xul li cuanqueb saꞌ ruchichꞌochꞌ teꞌxucua̱nk e̱ru. Teꞌxucuak li xul li nequeꞌbe̱c saꞌ chꞌochꞌ, joꞌ ajcuiꞌ li xul li nequeꞌrupupic, joꞌ eb ajcuiꞌ li car li cuanqueb saꞌ li haꞌ, xban nak la̱at chic ta̱cua̱nk a̱cuanquil saꞌ xbe̱neb chixjunileb li xul.

Génesis 6:20

Teꞌoc li xul li nequeꞌrupupic chiru choxa, joꞌ eb ajcuiꞌ li nequeꞌbe̱c saꞌ chꞌochꞌ. Ut teꞌoc ajcuiꞌ li nequeꞌxjucuqui rib saꞌ chꞌochꞌ. Chi caꞌcab aꞌ yal cꞌaꞌru chi xulil teꞌoc saꞌ li jucub cab a̱cuiqꞌuin re nak teꞌcolekꞌ.