Génesis 19:9 - Li Santil hu

⁹ Eb laj Sodoma queꞌxye re: —Elen arin. La̱at chalenakat chak saꞌ jalan tenamit ut anakcuan ta̱cuaj la̱at tattakla̱nk ke. Anakcuan nabal chic li raylal ta̱cꞌul la̱at chiru li teꞌxcꞌul eb aꞌan, chanqueb. Cꞌajoꞌ nak queꞌjoskꞌoꞌ saꞌ xbe̱n laj Lot. Queꞌjiloc chixcꞌatk re nak teꞌxcuek li puerta.

Q'eqchi Bible

⁹ A'ut eb' a'an ke'chaq'ok: “Elen arin! Junaq chalenaq sa' jalan tenamit ma taaraqoq aatin sa' qab'een? Anaqwan q'axal ra chik taak'ul laa'at chiruheb' a'an”, chankeb'. Tikto ke'xtiikisi laj Lot ut ke'xyal xweqb'al li kab'l;

Génesis 19:9 ပူးပေါင်းရင်းမြစ်များ

Éxodo 2:14

Ut aꞌan quichakꞌoc ut quixye re: —Ut la̱at, ¿ani xqꞌuehoc a̱cue chi takla̱nc saꞌ kabe̱n? ¿Ma tina̱camsi la̱in joꞌ nak xacamsi laj Egipto? chan. Tojoꞌnak laj Moisés quixucuac ut quixye saꞌ xchꞌo̱l: —Xnauman peꞌ li cꞌaꞌru xinba̱nu.—

Génesis 13:12

Laj Abram quicana saꞌ li naꞌajej Canaán. Ut laj Lot co̱ saꞌ li ru takꞌa cuanqueb cuiꞌ li cocꞌ tenamit. Quixyi̱b lix muheba̱l nachꞌ riqꞌuin li tenamit Sodoma.

San Mateo 7:6

Me̱qꞌue reheb li tzꞌiꞌ li cꞌaꞌru kꞌaxal lokꞌ xban nak naru nequeꞌchal saꞌ e̱be̱n ut textiu. Chi moco te̱qꞌue li pec li kꞌaxal terto xtzꞌak chiruheb li a̱k re teꞌxyekꞌi.

Jeremías 8:12

¿Ma nequeꞌxuta̱na̱c ta biꞌ xban li ma̱usilal nequeꞌxba̱nu? Incꞌaꞌ. Incꞌaꞌ nequeꞌxnau xuta̱na̱c. Joꞌcan nak la̱in tinqꞌueheb chixtojbal lix ma̱queb joꞌ nak quinqꞌueheb chixtojbal xma̱queb li jun chꞌol chic.

Jeremías 6:15

¿Ma nequeꞌxuta̱na̱c ta biꞌ xban li ma̱usilal li nequeꞌxba̱nu? Incꞌaꞌ. Incꞌaꞌ nequeꞌxnau xuta̱nac. Joꞌcan nak la̱in tinqꞌueheb chixtojbal lix ma̱queb joꞌ nak quinqꞌueheb chixtojbal xma̱queb li jun chꞌol chic, chan li Ka̱cuaꞌ.

Jeremías 3:3

Joꞌcan nak incꞌaꞌ chic naxqꞌue li hab. Incꞌaꞌ xtꞌaneꞌ li hab saꞌ xkꞌehil li a̱uc. Xban nak la̱ex yo̱quex chixlokꞌoninquil li jalanil dios, chanchanex li ixk li naxcꞌayi rib. Incꞌaꞌ nequexxuta̱nac.

Isaías 65:5

Nequeꞌxye reheb li ras ri̱tzꞌin, “Cana̱kat aran. Matjiloc chak cuiqꞌuin. Mina̱mux xban nak santin la̱in,” chanqueb. Cꞌajoꞌ nak nequeꞌxtaksi lin joskꞌil. Chanchaneb li xam li naxnumsi li cutan chi lochlo. Chanchaneb li sib li nachꞌiꞌchꞌiꞌin cue.

Eclesiastés 10:13

Li cui̱nk li ma̱cꞌaꞌ xnaꞌleb naxtiquib a̱tinac riqꞌuin to̱ntil naꞌleb. Ut nak narakeꞌ chi a̱tinac, kꞌaxal cuiꞌchic yibru li naxye.

Eclesiastés 9:3

Li cꞌaꞌru incꞌaꞌ us ninqꞌue retal, aꞌan nak juntakꞌe̱t nequeꞌxcꞌul chixjunileb li cuanqueb saꞌ ruchichꞌochꞌ. Junes ma̱usilal ut to̱ntil naꞌleb nequeꞌxcꞌoxla xba̱nunquil joꞌ najtil nequeꞌcuan saꞌ ruchichꞌochꞌ. Ut chirix aꞌan nequeꞌcam.

Proverbios 27:3

Li pec ut li samaib kꞌaxal chꞌaꞌaj xcuybal li ra̱lal. Abanan kꞌaxal cuiꞌchic chꞌaꞌaj xcuybal lix joskꞌil li ma̱cꞌaꞌ xnaꞌleb.

Proverbios 17:12

Kꞌaxal us nak ta̱cꞌul jun li oso yo̱ xjoskꞌil li qui-elkꞌa̱c li ral, chiru nak ta̱chꞌic a̱cuib riqꞌuin jun li incꞌaꞌ naxnau xya̱lal xban nak kꞌaxal ra cuiꞌchic ta̱cꞌul.

Proverbios 14:16

Li ani cuan xnaꞌleb naxucuac. Joꞌcan nak incꞌaꞌ naxba̱nu li ma̱usilal. Abanan li ma̱cꞌaꞌ xnaꞌleb nabal li ma̱usilal naxba̱nu ut incꞌaꞌ naxucuac.

1 Samuel 25:17

Ba̱nu usilal, cꞌoxla rix chi us cꞌaꞌru ta̱ba̱nu. Relic chi ya̱l ta̱cha̱lk raylal saꞌ xbe̱n li kapatrón ut saꞌ xbe̱n ajcuiꞌ chixjunileb lix jun cablal. Xban nak kꞌaxal joskꞌ, ma̱ ani naru naa̱tinac riqꞌuin, chan.

1 Samuel 17:44

Quim arin, chan, ut tinqꞌue la̱ tibel reheb li xul li nequeꞌrupupic li nequeꞌtiꞌoc tib ut reheb ajcuiꞌ li xul li cuanqueb saꞌ qꞌuicheꞌ, chan.

Génesis 11:6

Li Ka̱cuaꞌ Dios quixye: —Li tenamit jun ajcuiꞌ ut jun ajcuiꞌ li ra̱tinoba̱leb. Xeꞌxtiquib xba̱nunquil li nimla ochoch aꞌin. Cui joꞌcaꞌin lix naꞌlebeb, ma̱min teꞌxcanab xba̱nunquil li cꞌaꞌru nequeꞌxcꞌoxla.

1 Samuel 2:16

Abanan cuan nak li cristian queꞌchakꞌoc ut queꞌxye: —Incꞌaꞌ. Kaba̱nuhak ban saꞌ xya̱lal. Kacꞌatak cuan xbe̱n cua lix xe̱b, tojoꞌnak te̱cꞌam li joꞌ qꞌuial te̱raj.— Ut cui xsume chi joꞌcan, quijoskꞌoꞌ lix mo̱s laj tij ut quixye: —Qꞌue cue anakcuan. Cui incꞌaꞌ nacaqꞌue cue anakcuan, la̱in tinchap chi pue̱rs, chan.

Ezequiel 16:49

Aꞌan aꞌin lix ma̱queb laj Sodoma ut eb lix coꞌ. Kꞌetkꞌeteb ut cuan nabal cꞌaꞌruheb re ut incꞌaꞌ nequeꞌraj cꞌanjelac. Ut incꞌaꞌ nequeꞌraj xtenkꞌanquileb li nebaꞌ ut eb li rahobtesinbileb.