Génesis 19:38 - Li Santil hu

³⁸ Joꞌcan ajcuiꞌ li i̱tzꞌinbej quicuan ajcuiꞌ jun lix cꞌulaꞌal te̱lom. Ut aj Ben-ammi quixqꞌue chokꞌ xcꞌabaꞌ. Chalen anakcuan aꞌan lix xeꞌto̱nil yucuaꞌeb laj Amón.

Q'eqchi Bible

³⁸ Jo'kan ajwi' li iitz'inb'ej kiwank jun xk'uula'al, ut aj Ben-Amí kixk'e cho'q xk'ab'a': a'an xyuwa'ileb' laj Amón chalen toj anaqwan.

Génesis 19:38 ပူးပေါင်းရင်းမြစ်များ

Deuteronomio 2:19

Nak texcuulak cuanqueb cuiꞌ eb li ralal xcꞌajol laj Amón, me̱chꞌiꞌchꞌiꞌiheb ut me̱chikꞌ xjoskꞌileb re teꞌpletik xban nak la̱in incꞌaꞌ tinqꞌue e̱re lix naꞌajeb. La̱in quinqꞌue li naꞌajej aꞌan chokꞌ reheb li ralal xcꞌajol laj Lot,” chan.

Sofonías 2:9

La̱in li yoꞌyo̱quil Dios. La̱in li nimajcual Dios, lix Dioseb laj Israel. La̱in ninye aꞌin: Relic chi ya̱l nak teꞌosokꞌ eb laj Moab ut eb laj Amón joꞌ nak queꞌosoꞌ laj Sodoma ut laj Gomorra. Nak qui-osoꞌ li naꞌajej aꞌan, junes qꞌuix chic quimok aran ut junes atzꞌam chic quicuan aran. Ut li joꞌ qꞌuial chic lin tenamit queꞌcoleꞌ, aꞌaneb chic teꞌcꞌamok re li cꞌaꞌru reheb laj Moab ut aꞌaneb chic teꞌe̱chani̱nk re lix naꞌajeb, chan li Ka̱cuaꞌ.

Isaías 11:14

Teꞌxjunaji ribeb ut teꞌxic chi pletic riqꞌuineb laj filisteo li cuanqueb saꞌ li oeste ut teꞌnumta̱k saꞌ xbe̱neb li cuanqueb saꞌ li este. Teꞌnumta̱k saꞌ xbe̱neb li cuanqueb Edom ut Moab. Ut eb li cuanqueb aran Amón teꞌabi̱nk chiruheb.

Jueces 10:6

Ut eb laj Israel queꞌxba̱nu cuiꞌchic li ma̱usilal chiru li Ka̱cuaꞌ Dios. Queꞌxlokꞌoniheb li yi̱banbil dios Baal ut Astarot. Ut queꞌxlokꞌoniheb ajcuiꞌ lix dioseb laj Siria, ut lix dioseb laj Sidón, joꞌ ajcuiꞌ lix dioseb laj Moab. Ut queꞌxlokꞌoniheb lix dioseb laj Amón ut eb laj filisteo. Eb laj Israel queꞌxtzꞌekta̱na li Ka̱cuaꞌ Dios ut incꞌaꞌ chic queꞌcꞌanjelac chiru.

Deuteronomio 23:3

Incꞌaꞌ naru teꞌoc chokꞌ xcomoneb laj Israel lix tenamit li Dios eb laj amonita, chi moco laj moabita, chi moco li ralal xcꞌajol usta toj chirix li laje̱b xte̱paleb li ralal xcꞌajol.

Deuteronomio 2:9

Ut li Ka̱cuaꞌ quixye cue, “Me̱chꞌiꞌchꞌiꞌiheb laj Moab li ralal xcꞌajol laj Lot. Me̱chikꞌ xjoskꞌileb re teꞌpletik xban nak la̱in incꞌaꞌ tinqꞌue lix naꞌajeb chokꞌ e̱re la̱ex. La̱in ac quinqꞌue li naꞌajej Ar reheb”.

Génesis 20:1

Laj Abraham queꞌel saꞌ li naꞌajej li queꞌcuan cuiꞌ ut queꞌco̱eb saꞌ li naꞌajej Neguev. Queꞌcana saꞌ jun li naꞌajej li cuan saꞌ xya̱nk li cuib chi tenamit Cades ut Shur. Ut mokon chic queꞌel saꞌ li naꞌajej aꞌan. Queꞌco̱eb saꞌ li tenamit Gerar. Ut aran queꞌcana.

1 Samuel 14:47

Nak ac x-oc laj Saúl chokꞌ xreyeb laj Israel, quipletic riqꞌuineb chixjunileb li xicꞌ nequeꞌiloc reheb. Quipletic riqꞌuineb laj Moab, ut eb laj Amón, ut eb laj Edom. Ut quipletic ajcuiꞌ riqꞌuineb lix reyeb laj Soba, joꞌ eb ajcuiꞌ laj filisteo. Saꞌ chixjunil li tenamit li queꞌpletic cuiꞌ, eb laj Israel queꞌnumta saꞌ xbe̱neb li xicꞌ nequeꞌiloc reheb.

Salmos 83:9

At inDios, chasacheb ta ru li xicꞌ nequeꞌiloc a̱cue joꞌ nak casacheb ru li cuanqueb Madián ut joꞌ nak casach ru laj Sísara ut laj Jabín aran cuan cuiꞌ li nimaꞌ Cisón.

Sofonías 2:8

Quixye li Ka̱cuaꞌ li kꞌaxal nim xcuanquil: —La̱in nacuabi nak eb laj Moab ut eb laj Amón nequeꞌxhob lin tenamit. Queꞌrisi xlokꞌal lin tenamit ut queꞌnumta saꞌ xbe̱neb.