Génesis 19:37 - Li Santil hu

³⁷ Li asbej quicuan jun lix cꞌulaꞌal te̱lom. Aj Moab quixqꞌue chokꞌ xcꞌabaꞌ. Chalen anakcuan aꞌan lix xeꞌto̱nil yucuaꞌeb laj Moab.

Q'eqchi Bible

³⁷ Li chaq'na'b'ej kiwank jun xk'uula'al, ut aj Mohab kixk'e cho'q xk'ab'a': a'an xyuwa'ileb' laj Mohab chalen toj anaqwan.

Génesis 19:37 ပူးပေါင်းရင်းမြစ်များ

Deuteronomio 2:9

Ut li Ka̱cuaꞌ quixye cue, “Me̱chꞌiꞌchꞌiꞌiheb laj Moab li ralal xcꞌajol laj Lot. Me̱chikꞌ xjoskꞌileb re teꞌpletik xban nak la̱in incꞌaꞌ tinqꞌue lix naꞌajeb chokꞌ e̱re la̱ex. La̱in ac quinqꞌue li naꞌajej Ar reheb”.

Li xHu LIX RUT 4:10

Ut xban nak tinlokꞌ li chꞌochꞌ, tinsumla̱k ajcuiꞌ riqꞌuin lix Rut laj Moab li quicuan chokꞌ rixakil laj Mahlón re nak ta̱cua̱nk ralal xcꞌajol saꞌ xcꞌabaꞌ li camenak. Ut lix cꞌabaꞌeb li camenak incꞌaꞌ ta̱sachk saꞌ xchꞌo̱leb lix comon chi moco ta̱sachk saꞌ xchꞌo̱leb li cuanqueb saꞌ li tenamit aꞌin. La̱ex xerabi ut xeril li xkaba̱nu anakcuan, chan laj Booz.

Deuteronomio 23:3

Incꞌaꞌ naru teꞌoc chokꞌ xcomoneb laj Israel lix tenamit li Dios eb laj amonita, chi moco laj moabita, chi moco li ralal xcꞌajol usta toj chirix li laje̱b xte̱paleb li ralal xcꞌajol.

Deuteronomio 2:19

Nak texcuulak cuanqueb cuiꞌ eb li ralal xcꞌajol laj Amón, me̱chꞌiꞌchꞌiꞌiheb ut me̱chikꞌ xjoskꞌileb re teꞌpletik xban nak la̱in incꞌaꞌ tinqꞌue e̱re lix naꞌajeb. La̱in quinqꞌue li naꞌajej aꞌan chokꞌ reheb li ralal xcꞌajol laj Lot,” chan.

Números 21:29

Raylal xchal saꞌ e̱be̱n la̱ex aj Moab. Xsacheꞌ e̱ru la̱ex lix tenamit li yi̱banbil dios Quemos. Quichapeꞌ le̱ tenamit. Eb le̱ ralal queꞌe̱lelic ut eb le̱ rabin queꞌcꞌameꞌ chi pre̱xil xban laj Sehón lix reyeb laj amorreo.

Génesis 19:36

Ut lix rabin laj Lot chi xcabichaleb queꞌcana chi yaj aj ixk xban lix yucuaꞌeb.

1 Samuel 14:47

Nak ac x-oc laj Saúl chokꞌ xreyeb laj Israel, quipletic riqꞌuineb chixjunileb li xicꞌ nequeꞌiloc reheb. Quipletic riqꞌuineb laj Moab, ut eb laj Amón, ut eb laj Edom. Ut quipletic ajcuiꞌ riqꞌuineb lix reyeb laj Soba, joꞌ eb ajcuiꞌ laj filisteo. Saꞌ chixjunil li tenamit li queꞌpletic cuiꞌ, eb laj Israel queꞌnumta saꞌ xbe̱neb li xicꞌ nequeꞌiloc reheb.

Salmos 83:9

At inDios, chasacheb ta ru li xicꞌ nequeꞌiloc a̱cue joꞌ nak casacheb ru li cuanqueb Madián ut joꞌ nak casach ru laj Sísara ut laj Jabín aran cuan cuiꞌ li nimaꞌ Cisón.

Sofonías 2:8

Quixye li Ka̱cuaꞌ li kꞌaxal nim xcuanquil: —La̱in nacuabi nak eb laj Moab ut eb laj Amón nequeꞌxhob lin tenamit. Queꞌrisi xlokꞌal lin tenamit ut queꞌnumta saꞌ xbe̱neb.