Génesis 19:31 - Li Santil hu

³¹ Saꞌ jun li cutan eb lix rabin laj Lot yo̱queb chi a̱tinac chi ribileb rib. Li asbej quixye re li ri̱tzꞌin: —Li kayucuaꞌ yo̱ chi ti̱xc. Ut arin ma̱ jun cui̱nk cuan re tosumla̱k riqꞌuineb joꞌ na-uxman yalak bar.

Q'eqchi Bible

³¹ Sa' jun kutan kixye li chaq'na'b'ej re li riitz'in: “Li qayuwa' ak xtixk ut maajun winq wank sa' li na'ajej a'in li taak'amoq qe, jo' na'uxmank yalaq b'ar.

Génesis 19:31 ပူးပေါင်းရင်းမြစ်များ

Deuteronomio 25:5

Cui cuibak cui̱nk cuanqueb saꞌ jun chi cab, ut li jun ta̱ca̱mk ut tixcanab li rixakil chi ma̱cꞌaꞌ ralal xcꞌajol, li ixk aꞌan tento ta̱cꞌamekꞌ xban li ri̱tzꞌin li camenak re nak ta̱cua̱nk ralal xcꞌajol saꞌ xcꞌabaꞌ li camenak. Incꞌaꞌ ta̱sumla̱k li ixk riqꞌuin junak ma̱cuaꞌ xcomon li camenak.

Isaías 4:1

Saꞌ eb li cutan aꞌan teꞌxpleti rib cuukub chi ixk chirix jun chi cui̱nk. Teꞌraj nak teꞌcꞌamekꞌ xban li jun chi cui̱nk ut teꞌxye re nak eb aꞌan teꞌxchꞌolani ribeb xjuneseb ut teꞌxtikib rib xjuneseb. Teꞌraj nak ta̱sumla̱k riqꞌuineb re nak ta̱e̱lk lix xuta̱neb.

Génesis 16:4

Tojoꞌnak laj Abram quicuan riqꞌuin, ut lix Agar quicana chi yaj aj ixk. Nak quixnau nak ta̱cua̱nk junak lix cꞌulaꞌal, lix Agar incꞌaꞌ chic quixqꞌue saꞌ xnakꞌ ru lix Sarai. Ut lix Agar xicꞌ chic naril aꞌan.

Génesis 16:2

Lix Sarai quixye re laj Abram: —La̱at nacanau nak ma̱ jun incꞌulaꞌal. La̱in tincuaj junak incꞌulaꞌal, aban li Ka̱cuaꞌ Dios incꞌaꞌ naxqꞌue cue. Naru tatcua̱nk riqꞌuin lin mo̱s. Ma̱re ta̱cua̱nk junak a̱cꞌulaꞌal riqꞌuin ut la̱in tinxoc chokꞌ cue, chan lix Sarai. Ut laj Abram quixpa̱b li cꞌaꞌru quiyeheꞌ re xban lix Sarai.

Génesis 6:4

Saꞌ eb li cutan aꞌan queꞌcuan cui̱nk ni̱nkeb rok. Ut eb li ralal xcꞌajol li Dios quilajeꞌcuan ralal xcꞌajol riqꞌuineb li ixk. Ut li ralal xcꞌajol eb aꞌan ni̱nkeb ajcuiꞌ rokeb. Eb li cui̱nk aꞌan cauheb rib ut naꞌno ruheb.

Génesis 4:1

Laj Adán quicuan riqꞌuin lix Eva. Ut lix Eva quicana chi yaj aj ixk. Nak quiyoꞌla li cꞌulaꞌal, aj Caín queꞌxqꞌue chokꞌ xcꞌabaꞌ. Lix Eva quixye: —Saꞌ xcꞌabaꞌ li Ka̱cuaꞌ Dios cuan jun lin chꞌina al, chan.

Génesis 19:28

Laj Abraham qui-iloc saꞌ li naꞌajej li queꞌcuan cuiꞌ li tenamit Sodoma ut Gomorra. Ut aran quiril nak ma̱ caꞌchꞌin li sib nakꞌujujnac chi takecꞌ. Chanchan jun nimla horno li yo̱ xxamlel.

San Marcos 9:6

Quixye chi joꞌcan xban nak incꞌaꞌ chic naxnau cꞌaꞌru tixye xban nak cꞌajoꞌ lix xiuheb.