Génesis 19:3 - Li Santil hu

³ Abanan laj Lot quirelaji ruheb re nak teꞌxic saꞌ rochoch toj retal queꞌxsume cana̱c. Nak queꞌoc saꞌ li rochoch laj Lot quixyi̱b chi cha̱bil lix tibeleb xcua. Quixyi̱b lix caxlan cua xcomon li incꞌaꞌ nasipoꞌ, ut queꞌcuaꞌac.

Q'eqchi Bible

³ A'ut laj Lot kirelaji ruheb' toj reetal ke'hilank sa' rochoch. Ut kixk'uub' xtzekemqeb', kixyiib' xwaheb', ut ke'wa'ak.

Génesis 19:3 ပူးပေါင်းရင်းမြစ်များ

1 Samuel 28:24

Li ixk aꞌan cuan jun li cuacax toj sa̱j riqꞌuin ut nim xtibel. Quixcamsi ut quixcꞌu̱b. Quixchap li cꞌaj ut quixyi̱b ajcuiꞌ li caxlan cua ma̱cꞌaꞌ xchꞌamal.

Jueces 6:19

Ut laj Gedeón co̱ saꞌ rochoch ut quixcamsi jun li chiba̱t toj sa̱j ut quixchik. Riqꞌuin junmay litro li harina quixyi̱b li caxlan cua ma̱cꞌaꞌ xchꞌamal. Quixqꞌue li tib saꞌ jun li chacach ut quixqꞌue li caldo saꞌ jun li ucꞌal. Quixcꞌam chixjunil aran rubel li cheꞌ ji ut quixqꞌue re li ángel.

Hebreos 13:2

Me̱kꞌetkꞌeti e̱rib chixcꞌulbal le̱ rulaꞌ. Checꞌuleb ban saꞌ usilal. Cuanqueb li queꞌxcꞌul li rulaꞌeb, abanan incꞌaꞌ nequeꞌxnau nak ángel li queꞌcuulac chi ulaꞌani̱nc reheb.

1 Corintios 5:8

Joꞌcan nak chikacanabak li najter naꞌleb li naqꞌuehoc ke chi ma̱cobc. Li najter naꞌleb aꞌan chanchan lix chꞌamal li caxlan cua. Ut la̱o chanchanako li xkꞌemal li caxlan cua ma̱cꞌaꞌ xchꞌamal. Naraj naxye nak ti̱cak chic li kachꞌo̱l ut tzꞌakal re ru li kayuꞌam.

Éxodo 12:39

Xban nak queꞌisi̱c saꞌ junpa̱t saꞌ li tenamit Egipto, ma̱cꞌaꞌ xcuaheb yi̱banbil nak queꞌco̱eb. Riqꞌuin lix kꞌemal li caxlan cua queꞌxyi̱b lix cuaheb xcomon li ma̱cꞌaꞌ xchꞌamal.

2 Corintios 5:14

Xban nak kꞌaxal nocoxra li Cristo, joꞌcan nak nakaqꞌue kachꞌo̱l chi cꞌanjelac chiru. Nakanau chi tzꞌakal nak li Cristo quicam saꞌ kacꞌabaꞌ la̱o chikajunilo. Ut xban nak quicam aꞌan, chikajunilo camenako chic chiru li ma̱c.

San Juan 12:2

Queꞌxcauresi xtzacae̱mk li Jesús. Laj Lázaro cuan saꞌ xya̱nkeb li cꞌojcꞌo̱queb saꞌ me̱x rochben li Jesús. Ut lix Marta yo̱ chixqꞌuebal li tzacae̱mk saꞌ li me̱x.

San Lucas 14:23

Li patrón quixye re lix mo̱s: —Tatxic chire li tenamit ut saꞌ cꞌaleba̱l ut ta̱cuelaji chak ruheb chi cha̱lc saꞌ li ninkꞌe re nak ta̱nujak li cuochoch, chan.

San Lucas 11:8

Moco xban ta nak rami̱g nak ta̱cuacli̱k chixqꞌuebal re li cꞌaꞌru ta̱raj ru. Tixqꞌue ban re xban nak yo̱k chixpatzꞌbal ut re nak tixcanab xchꞌiꞌchꞌiꞌinquil.

San Lucas 5:29

Quixba̱nu jun li nimla ninkꞌe laj Leví chokꞌ re li Jesús. Cuanqueb nabaleb xcomoneb laj titzꞌol toj ut cuanqueb ajcuiꞌ nabaleb jalan chic chi cuaꞌac saꞌ li me̱x rochbeneb.

2 Reyes 4:8

Saꞌ jun li cutan li profeta Eliseo quinumeꞌ saꞌ li tenamit Sunem. Ut aran cuan jun li ixk nim xcuanquil. Li ixk aꞌan quirelaji ru laj Eliseo re ta̱xic chi cuaꞌac saꞌ rochoch. Joꞌcan nak rajlal nak nanumeꞌ saꞌ li tenamit aꞌan, laj Eliseo naxic saꞌ li rochoch li ixk chi cuaꞌac.

Éxodo 12:15

Chiru cuukub cutan yo̱kex chi ninkꞌei̱k. Saꞌ li xbe̱n cutan te̱risi saꞌ le̱ rochoch chixjunil li naxqꞌue chi si̱pocꞌ li caxlan cua. Re li cuukub cutan li caxlan cua li te̱cuaꞌ, aꞌan xcomon li ma̱cꞌaꞌ xchꞌamal. Ut cui junak cristian tixcuaꞌ li caxlan cua xcomon li cuan xchꞌamal, li cristian aꞌan ta̱isi̱k saꞌ e̱ya̱nk.

Génesis 21:8

Nak ac nim chic laj Isaac, quimakꞌeꞌ xtuꞌ xban lix naꞌ. Saꞌ li cutan aꞌan laj Abraham quixba̱nu jun li ninkꞌe.

Génesis 19:2

Ut quixye reheb: —Ex Ka̱cuaꞌ, ba̱nuhomak li usilal. Yoꞌkeb saꞌ li cuochoch ut aran te̱numsi li kꞌojyi̱n. Aran naru te̱chꞌaj le̱ rok. Ut toj cuulaj ekꞌela texxic, chan. Eb aꞌan queꞌxye re: —Bantiox a̱cue. Ma̱chꞌiꞌchꞌiꞌi a̱cuib. Naru nococuar saꞌ be, chanqueb.

Génesis 24:31

Laj Labán quixye re: —La̱at raro̱cat xban li Dios. Incꞌaꞌ tatcana̱k arin chire li haꞌ. Yoꞌo saꞌ kochoch ut tathila̱nk kiqꞌuin. Ac yi̱banbil le̱ naꞌaj joꞌ ajcuiꞌ xnaꞌajeb la̱ camellos, chan.

Génesis 26:30

Ut laj Isaac quixba̱nu jun li ninkꞌe. Eb aꞌan queꞌcuaꞌac ut queꞌucꞌac.