Génesis 19:25 - Li Santil hu

²⁵ Ut queꞌsacheꞌ chixjunil li tenamit. Queꞌosoꞌ chi junaj cua li cristian li cuanqueb aran ut chixjunil li acui̱mk. Queꞌosoꞌ chi junaj cua chixjunil li cuan saꞌ li ru takꞌa aꞌan.

Q'eqchi Bible

²⁵ ut kixsacheb' li tenamit a'an; kixsach ajwi' li ru taq'a, chixjunileb' li wankeb' sa' li tenamit ut chixjunil li che'k'aam.

Génesis 19:25 ပူးပေါင်းရင်းမြစ်များ

Salmos 107:34

Ut li chꞌochꞌ li cha̱bil na-el li acui̱mk chiru, naxsukꞌisi chi ma̱cꞌaꞌ chic na-el chiru. Naxba̱nu chi joꞌcan xban li ma̱usilal li nequeꞌxba̱nu li tenamit.

Génesis 14:3

Li o̱b chi rey aꞌin queꞌxchꞌutub ribeb rochbeneb lix soldados saꞌ li ru takꞌa Sidim. Anakcuan li naꞌajej aꞌan Mar Muerto xcꞌabaꞌ.

Génesis 13:10

Laj Lot quiril nak cꞌajoꞌ xchꞌinaꞌusal li ru takꞌa cuan chire li nimaꞌ Jordán. Li naꞌajej aꞌan cha̱bil ut nim. Nacuulac toj cuan cuiꞌ li tenamit Zoar. Ut quiril nak cuan li haꞌ chokꞌ re li acui̱mk. Chanchan li naꞌajej Egipto li queꞌel cuiꞌ chak. Aꞌan quicꞌulman nak li Dios toj ma̱jiꞌ naxsach li tenamit Sodoma ut Gomorra.

2 Pedro 2:6

Joꞌcan ajcuiꞌ li Dios quixrak a̱tin saꞌ xbe̱neb laj Sodoma ut laj Gomorra. Quixsacheb nak quixcꞌat lix tenamiteb. Junes cha quicana. Li Dios quixba̱nu chi joꞌcan chokꞌ retalil chiruheb chixjunileb li yo̱keb chi ma̱cobc mokon re nak teꞌxucuak xban li cꞌaꞌru ta̱cha̱lk saꞌ xbe̱neb.

Génesis 13:12

Laj Abram quicana saꞌ li naꞌajej Canaán. Ut laj Lot co̱ saꞌ li ru takꞌa cuanqueb cuiꞌ li cocꞌ tenamit. Quixyi̱b lix muheba̱l nachꞌ riqꞌuin li tenamit Sodoma.

Deuteronomio 29:23

Ma̱cꞌaꞌ chic ta̱e̱lk saꞌ eb le̱ cꞌaleba̱l. Junes azufre ut atzꞌam ta̱cua̱nk saꞌ le̱ chꞌochꞌ. Incꞌaꞌ ta̱e̱lk li acui̱mk chi moco li rax pim. Le̱ naꞌaj chanchanak chic li tenamit Sodoma ut Gomorra ut eb li tenamit Adma ut Zeboim, li queꞌsacheꞌ xban li Ka̱cuaꞌ nak yo̱ xjoskꞌil saꞌ xbe̱neb.

Isaías 13:19

Li naꞌajej Babilonia kꞌaxal chꞌinaꞌus saꞌ xya̱nkeb chixjunileb li tenamit. Chiruheb laj Caldea kꞌaxal lokꞌ ut nim xcuanquil. Abanan la̱in li Ka̱cuaꞌ tinsach li tenamit aꞌan joꞌ nak xinsacheb li tenamit Sodoma ut Gomorra.

Jeremías 20:16

Li cui̱nk aꞌan chanchanak ta li tenamit li queꞌsacheꞌ ru xban li Ka̱cuaꞌ chi incꞌaꞌ quiril xtokꞌoba̱l ruheb. Junelic taxak li ple̱t ut li ya̱bac ta̱rabi chi kꞌek chi cutan.

Jeremías 49:18

Joꞌ nak queꞌsacheꞌ ru li tenamit Sodoma ut Gomorra rochbeneb li cocꞌ tenamit li cuanqueb chi xjun sutam, joꞌcan ajcuiꞌ teꞌxcꞌul eb laj Edom nak teꞌsachekꞌ ruheb. Ma̱ ani chic teꞌcua̱nk saꞌ li tenamit aꞌan, chan li Dios.

Jeremías 50:40

Joꞌ quinba̱nu reheb li tenamit Sodoma ut Gomorra ut eb li tenamit li cuanqueb chi xjun sutam, joꞌcan ajcuiꞌ tinba̱nu re li tenamit Babilonia ut eb li cuanqueb chi xjun sutam. Ma̱ ani chic ta̱cua̱nk saꞌ li naꞌajej aꞌan, chan li Ka̱cuaꞌ.

Lamentaciones 4:6

Kꞌaxal cuiꞌchic xnumta lix ma̱usilal lin tenamit chiru li ma̱usilal li queꞌxba̱nu eb laj Sodoma, li queꞌsacheꞌ ruheb saꞌ junpa̱t chi ma̱ ani quipletic riqꞌuineb.

Ezequiel 16:50

Nequeꞌxnimobresi ribeb ut la̱in xinqꞌue retal li ma̱usilal li nequeꞌxba̱nu chicuu. Joꞌcan nak quebinsach ruheb.

Amós 4:11

La̱in xinsachoc e̱re joꞌ nak quinsacheb laj Sodoma ut eb laj Gomorra. Ut li joꞌ qꞌuialex quexcoleꞌ, chanchan li cheꞌ li qui-isi̱c saꞌ xam. Ut riqꞌuin chixjunil li raylal aꞌin, incꞌaꞌ ajcuiꞌ nequecꞌoxla sukꞌi̱c cuiqꞌuin.

Jeremías 23:14

Joꞌcaneb ajcuiꞌ li profetas li cuanqueb Jerusalén. Kꞌaxal cuiꞌchic yibru nequeꞌxba̱nu. Nequeꞌxmux ru lix sumlajiqueb ut nequeꞌticꞌtiꞌic. Eb aꞌan nequeꞌoquen chirixeb li incꞌaꞌ useb xnaꞌleb. Ut incꞌaꞌ nequeꞌxcanab xba̱nunquil li ma̱usilal. Chicuu la̱in eb aꞌan juntakꞌe̱teb riqꞌuineb laj Sodoma ut eb laj Gomorra.

Sofonías 2:9

La̱in li yoꞌyo̱quil Dios. La̱in li nimajcual Dios, lix Dioseb laj Israel. La̱in ninye aꞌin: Relic chi ya̱l nak teꞌosokꞌ eb laj Moab ut eb laj Amón joꞌ nak queꞌosoꞌ laj Sodoma ut laj Gomorra. Nak qui-osoꞌ li naꞌajej aꞌan, junes qꞌuix chic quimok aran ut junes atzꞌam chic quicuan aran. Ut li joꞌ qꞌuial chic lin tenamit queꞌcoleꞌ, aꞌaneb chic teꞌcꞌamok re li cꞌaꞌru reheb laj Moab ut aꞌaneb chic teꞌe̱chani̱nk re lix naꞌajeb, chan li Ka̱cuaꞌ.