Génesis 19:24 - Li Santil hu

²⁴ Li Ka̱cuaꞌ Dios toj saꞌ choxa quixtakla chak li xam ut li azufre saꞌ xbe̱neb li tenamit Sodoma ut Gomorra.

Q'eqchi Bible

²⁴ Toja' naq li Qaawa' kixtaqla chaq asuupr ut xam sa' xb'een Sodoom ut Gomoor

Génesis 19:24 ပူးပေါင်းရင်းမြစ်များ

Deuteronomio 29:23

Ma̱cꞌaꞌ chic ta̱e̱lk saꞌ eb le̱ cꞌaleba̱l. Junes azufre ut atzꞌam ta̱cua̱nk saꞌ le̱ chꞌochꞌ. Incꞌaꞌ ta̱e̱lk li acui̱mk chi moco li rax pim. Le̱ naꞌaj chanchanak chic li tenamit Sodoma ut Gomorra ut eb li tenamit Adma ut Zeboim, li queꞌsacheꞌ xban li Ka̱cuaꞌ nak yo̱ xjoskꞌil saꞌ xbe̱neb.

Isaías 13:19

Li naꞌajej Babilonia kꞌaxal chꞌinaꞌus saꞌ xya̱nkeb chixjunileb li tenamit. Chiruheb laj Caldea kꞌaxal lokꞌ ut nim xcuanquil. Abanan la̱in li Ka̱cuaꞌ tinsach li tenamit aꞌan joꞌ nak xinsacheb li tenamit Sodoma ut Gomorra.

San Judas 1:7

Joꞌcan ajcuiꞌ queꞌxcꞌul li tenamit Sodoma ut Gomorra joꞌqueb ajcuiꞌ li tenamit cuanqueb chixcꞌatk. Juntakꞌe̱teb lix naꞌlebeb riqꞌuineb li ángel li queꞌma̱cob. Queꞌmuxuc caxa̱r ut queꞌma̱cob ajcuiꞌ riqꞌuin rech cui̱nkilal ut riqꞌuin rech ixkilal. Queꞌxkꞌaxtesi rib chixba̱nunquil chixjunil li ma̱usilal. Lix cꞌatic eb li tenamit aꞌan, aꞌan re xcꞌutbesinquil chiku nak cuan xtojbal rix li ma̱c. Aꞌan li ta̱cꞌulma̱nk mokon saꞌ li xam li ta̱cua̱nk chi junelic.

2 Pedro 2:6

Joꞌcan ajcuiꞌ li Dios quixrak a̱tin saꞌ xbe̱neb laj Sodoma ut laj Gomorra. Quixsacheb nak quixcꞌat lix tenamiteb. Junes cha quicana. Li Dios quixba̱nu chi joꞌcan chokꞌ retalil chiruheb chixjunileb li yo̱keb chi ma̱cobc mokon re nak teꞌxucuak xban li cꞌaꞌru ta̱cha̱lk saꞌ xbe̱neb.

Amós 4:11

La̱in xinsachoc e̱re joꞌ nak quinsacheb laj Sodoma ut eb laj Gomorra. Ut li joꞌ qꞌuialex quexcoleꞌ, chanchan li cheꞌ li qui-isi̱c saꞌ xam. Ut riqꞌuin chixjunil li raylal aꞌin, incꞌaꞌ ajcuiꞌ nequecꞌoxla sukꞌi̱c cuiqꞌuin.

Jeremías 50:40

Joꞌ quinba̱nu reheb li tenamit Sodoma ut Gomorra ut eb li tenamit li cuanqueb chi xjun sutam, joꞌcan ajcuiꞌ tinba̱nu re li tenamit Babilonia ut eb li cuanqueb chi xjun sutam. Ma̱ ani chic ta̱cua̱nk saꞌ li naꞌajej aꞌan, chan li Ka̱cuaꞌ.

Sofonías 2:9

La̱in li yoꞌyo̱quil Dios. La̱in li nimajcual Dios, lix Dioseb laj Israel. La̱in ninye aꞌin: Relic chi ya̱l nak teꞌosokꞌ eb laj Moab ut eb laj Amón joꞌ nak queꞌosoꞌ laj Sodoma ut laj Gomorra. Nak qui-osoꞌ li naꞌajej aꞌan, junes qꞌuix chic quimok aran ut junes atzꞌam chic quicuan aran. Ut li joꞌ qꞌuial chic lin tenamit queꞌcoleꞌ, aꞌaneb chic teꞌcꞌamok re li cꞌaꞌru reheb laj Moab ut aꞌaneb chic teꞌe̱chani̱nk re lix naꞌajeb, chan li Ka̱cuaꞌ.

Lamentaciones 4:6

Kꞌaxal cuiꞌchic xnumta lix ma̱usilal lin tenamit chiru li ma̱usilal li queꞌxba̱nu eb laj Sodoma, li queꞌsacheꞌ ruheb saꞌ junpa̱t chi ma̱ ani quipletic riqꞌuineb.

Jeremías 20:16

Li cui̱nk aꞌan chanchanak ta li tenamit li queꞌsacheꞌ ru xban li Ka̱cuaꞌ chi incꞌaꞌ quiril xtokꞌoba̱l ruheb. Junelic taxak li ple̱t ut li ya̱bac ta̱rabi chi kꞌek chi cutan.

Li xHu LAJ JOB 18:15

Teꞌxqꞌue azufre saꞌ li rochoch ut teꞌxcꞌat.

Oseas 11:8

¿Chanru nak texincanab e̱junes, la̱ex ralal xcꞌajol laj Efraín? ¿Chanru nak texinkꞌaxtesi saꞌ rukꞌeb li xicꞌ nequeꞌiloc e̱re, la̱ex aj Israel? ¿Ma ta̱ru̱k ta biꞌ texinsach joꞌ xinba̱nu riqꞌuineb laj Adma ut riqꞌuineb laj Zeboim? La̱in cꞌajoꞌ nak nequexinra. Joꞌcan nak nayotꞌeꞌ inchꞌo̱l e̱ban.

Jeremías 49:18

Joꞌ nak queꞌsacheꞌ ru li tenamit Sodoma ut Gomorra rochbeneb li cocꞌ tenamit li cuanqueb chi xjun sutam, joꞌcan ajcuiꞌ teꞌxcꞌul eb laj Edom nak teꞌsachekꞌ ruheb. Ma̱ ani chic teꞌcua̱nk saꞌ li tenamit aꞌan, chan li Dios.

Isaías 1:9

Cui ta incꞌaꞌ quixcanab coꞌxibakeb kacomon nak quixsach ru li katenamit li nimajcual Dios, co-osoꞌ raj joꞌ nak queꞌosoꞌ li tenamit Sodoma ut Gomorra.

Salmos 11:6

Li Dios tixtakla nabal li raylal saꞌ xbe̱neb li incꞌaꞌ useb xnaꞌleb. Cꞌatbilakeb riqꞌuin xam ut azufre nak teꞌosokꞌ.

San Lucas 10:12

Relic chi ya̱l tinye e̱re nak toj cubenak caꞌchꞌin lix tojbal xma̱queb li tenamit Sodoma chiru lix tojbal xma̱queb li tenamit aꞌin saꞌ xkꞌehil li rakba a̱tin.—

Apocalipsis 14:10

aꞌan tixcꞌul nabal li raylal nak li Dios ta̱rakok a̱tin saꞌ xbe̱neb riqꞌuin xjoskꞌil. Chiruheb li santil ángel ut chiru li Jun li chanchan carner ta̱rahobtesi̱k riqꞌuin azufre yo̱ xxamlel nak ta̱qꞌuehekꞌ chixtojbal rix lix ma̱c.

Génesis 13:10

Laj Lot quiril nak cꞌajoꞌ xchꞌinaꞌusal li ru takꞌa cuan chire li nimaꞌ Jordán. Li naꞌajej aꞌan cha̱bil ut nim. Nacuulac toj cuan cuiꞌ li tenamit Zoar. Ut quiril nak cuan li haꞌ chokꞌ re li acui̱mk. Chanchan li naꞌajej Egipto li queꞌel cuiꞌ chak. Aꞌan quicꞌulman nak li Dios toj ma̱jiꞌ naxsach li tenamit Sodoma ut Gomorra.

Génesis 13:12

Laj Abram quicana saꞌ li naꞌajej Canaán. Ut laj Lot co̱ saꞌ li ru takꞌa cuanqueb cuiꞌ li cocꞌ tenamit. Quixyi̱b lix muheba̱l nachꞌ riqꞌuin li tenamit Sodoma.

Génesis 18:17

Tojoꞌnak li Ka̱cuaꞌ Dios quixye saꞌ xchꞌo̱l: —Incꞌaꞌ tinmuk chiru laj Abraham li cꞌaꞌru tinba̱nu.

Génesis 19:23

Nak queꞌcuulac laj Lot saꞌ li chꞌina tenamit Zoar, ac x-el chak li sakꞌe.

Éxodo 9:23

Tojoꞌnak laj Moisés quixtaksi lix xukꞌ saꞌ choxa ut li Ka̱cuaꞌ Dios quixtakla li ca̱k ut li sakbach. Ni̱nki sakbach quixtakla chak li Ka̱cuaꞌ Dios saꞌ xbe̱n li tenamit.

Li xHu LAJ JOB 1:16

Toj yo̱ ajcuiꞌ chi a̱tinac li cui̱nk aꞌan nak quicuulac jun chic li mo̱s. Quixye: —Xmok li ca̱k ut xcamsiheb la̱ carner ut xcamsiheb ajcuiꞌ laj ilol reheb. Caꞌaj chic la̱in xincoleꞌ. Joꞌcan nak xinchal chixyebal a̱cue, chan.

Isaías 30:33

Ac junxil cauresinbil chak li naꞌajej Tofet li ta̱cꞌatekꞌ cuiꞌ lix reyeb laj Asiria. Li naꞌajej aꞌan nim ru ut cꞌajoꞌ xchamal. Nabal li siꞌ ac tusbil saꞌ li naꞌajej aꞌan. Li Ka̱cuaꞌ nak ta̱musikꞌak tixloch xxamlel ut tixcꞌat riqꞌuin azufre.

Deuteronomio 28:24

Li Ka̱cuaꞌ toj saꞌ choxa tixtakla chak li poks ut li samaib saꞌ e̱be̱n chokꞌ re̱kaj li hab toj retal tex-osokꞌ.

Deuteronomio 29:22

Eb le̱ ralal e̱cꞌajol li teꞌcua̱nk mokon ut eb li jalan xtenamiteb li teꞌcha̱lk chi najt teꞌril li raylal li te̱cꞌul nak li Ka̱cuaꞌ tixsach ru le̱ naꞌaj.

Jeremías 23:14

Joꞌcaneb ajcuiꞌ li profetas li cuanqueb Jerusalén. Kꞌaxal cuiꞌchic yibru nequeꞌxba̱nu. Nequeꞌxmux ru lix sumlajiqueb ut nequeꞌticꞌtiꞌic. Eb aꞌan nequeꞌoquen chirixeb li incꞌaꞌ useb xnaꞌleb. Ut incꞌaꞌ nequeꞌxcanab xba̱nunquil li ma̱usilal. Chicuu la̱in eb aꞌan juntakꞌe̱teb riqꞌuineb laj Sodoma ut eb laj Gomorra.