Génesis 19:22 - Li Santil hu

²² Se̱ba a̱cuib. Ayu saꞌ junpa̱t. La̱in ma̱cꞌaꞌ naru tinba̱nu cui ma̱jiꞌ nequexcuulac aran, chan. Joꞌcan nak li tenamit aꞌan queꞌxqꞌue Zoar chokꞌ xcꞌabaꞌ.

Q'eqchi Bible

²² Seeb'a aawib', ayu aran, xb'aan naq maak'a' truuq tinb'aanu wi toj maji' tat-ok aran”. Jo'kan naq Sohar kixk'ab'a'in li tenamit a'an.

Génesis 19:22 ပူးပေါင်းရင်းမြစ်များ

Génesis 13:10

Laj Lot quiril nak cꞌajoꞌ xchꞌinaꞌusal li ru takꞌa cuan chire li nimaꞌ Jordán. Li naꞌajej aꞌan cha̱bil ut nim. Nacuulac toj cuan cuiꞌ li tenamit Zoar. Ut quiril nak cuan li haꞌ chokꞌ re li acui̱mk. Chanchan li naꞌajej Egipto li queꞌel cuiꞌ chak. Aꞌan quicꞌulman nak li Dios toj ma̱jiꞌ naxsach li tenamit Sodoma ut Gomorra.

Génesis 14:2

Eb li ca̱hib chi rey aꞌin queꞌxpleti ribeb riqꞌuineb o̱b chic li rey. Eb li rey o̱b chic, aꞌaneb aꞌin: laj Bera, aꞌan lix reyeb li tenamit Sodoma; laj Birsa, aꞌan lix reyeb li tenamit Gomorra; laj Sinab, aꞌan lix reyeb li tenamit Adma; laj Semeber, aꞌan lix reyeb li tenamit Zeboim; ut li rey jun chic, aꞌan lix reyeb li tenamit Bela, li nayeman ajcuiꞌ Zoar re.

Deuteronomio 9:14

Canabin chixba̱nunquil li tincuaj. Tinsach ruheb chi junaj cua ut incꞌaꞌ chic ta̱patzꞌekꞌ lix cꞌabaꞌ jun sut rubel choxa. Ut la̱in tinqꞌueheb chi ta̱mc la̱ cualal a̱cꞌajol la̱at. Kꞌaxal nabalakeb chiruheb aꞌan. Ut riqꞌuineb aꞌan tinyi̱b jun tenamit kꞌaxal cauheb rib chiruheb aꞌan”, chan li Dios.

Éxodo 32:10

Canabin chixba̱nunquil li tincuaj. Xchal injoskꞌil xbaneb. Tinsach ruheb chi jun aj cua. Ut la̱at, at Moisés, eb chic la̱ cualal a̱cꞌajol teꞌqꞌuia̱nk ut teꞌta̱mk. Ut eb aꞌan chic li sicꞌbilakeb ru inban, chan li Dios.

Tito 1:2

Ninchꞌolob lix ya̱lal aꞌin chiruheb re nak teꞌpa̱ba̱nk ut teꞌxyoꞌoni li junelic yuꞌam. Najter kꞌe cutan li Dios quixyechiꞌi chak li junelic yuꞌam. Li Dios incꞌaꞌ naticꞌtiꞌic.

2 Timoteo 2:13

Cuan nak la̱o incꞌaꞌ nakaba̱nu li cꞌaꞌru nakaye, abanan li Dios ti̱c xchꞌo̱l ut junelic naxba̱nu li cꞌaꞌru naxye. Aꞌan incꞌaꞌ nacuiban xchꞌo̱l.

San Marcos 6:5

Ut incꞌaꞌ quiru quixba̱nu li milagro saꞌ lix tenamit xban nak incꞌaꞌ queꞌxpa̱b nak cuan xcuanquil. Cuib oxib ajcuiꞌ li yaj quixqꞌue li rukꞌ saꞌ xbe̱neb re nak teꞌqꞌuira̱k.

Jeremías 48:34

Eb li cuanqueb Hesbón yo̱queb chi ya̱bac ut lix ya̱beb nacuulac toj Eleale ut Jahaza. Lix ya̱beb na-abi̱c toj Zoar ut Horonaim ut Eglat-selisiya xban nak queꞌchakic li yuꞌam haꞌ li cuanqueb Nimrim.

Isaías 65:8

Joꞌcaꞌin naxye li Ka̱cuaꞌ Dios: —La̱in incꞌaꞌ tinsach ruheb chixjunileb lin tenamit. Toj cuan ban li tebincol, joꞌ nak nasiqꞌueꞌ ru li uvas. Incꞌaꞌ natzꞌekman chixjunil xban nak cuan li toj cha̱bil saꞌ xya̱nkeb.

Isaías 15:5

La̱in tincuil xtokꞌoba̱l ruheb laj Moab. Eb li cristian teꞌe̱lelik toj saꞌ eb li tenamit Zoar, ut Eglat-selisiya. Yo̱keb chi ya̱bac nak teꞌtakekꞌ saꞌ li tzu̱l Luhit ut japjo̱keb re xban xrahil xchꞌo̱leb nak teꞌe̱lelik toj Horonaim.

Génesis 19:21

Jun reheb lix takl li Dios quichakꞌoc ut quixye re laj Lot: —Tinba̱nu li cꞌaꞌru xatzꞌa̱ma. Incꞌaꞌ tinsach ru li chꞌina tenamit li ta̱cuaj cuiꞌ xic.

Génesis 19:23

Nak queꞌcuulac laj Lot saꞌ li chꞌina tenamit Zoar, ac x-el chak li sakꞌe.

Deuteronomio 34:3

Quixcꞌut ajcuiꞌ chiru li naꞌajej Neguev ut eb li ru takꞌa Jordán ut Jericó, li tenamit li cuanqueb cuiꞌ li cheꞌ palmera toj saꞌ li naꞌajej Zoar.