Génesis 19:21 - Li Santil hu

²¹ Jun reheb lix takl li Dios quichakꞌoc ut quixye re laj Lot: —Tinba̱nu li cꞌaꞌru xatzꞌa̱ma. Incꞌaꞌ tinsach ru li chꞌina tenamit li ta̱cuaj cuiꞌ xic.

Q'eqchi Bible

²¹ Kisumeek: “Us, tink'e ajwi' a'an: ink'a' tinsach li tenamit li xaye.

Génesis 19:21 ပူးပေါင်းရင်းမြစ်များ

Salmos 145:19

Li Ka̱cuaꞌ naxqꞌue li cꞌaꞌru nequeꞌraj eb li nequeꞌxucuan ru. Narabi nak nequeꞌxtzꞌa̱ma xtenkꞌanquileb chiru ut naxcoleb.

Salmos 102:17

Li Ka̱cuaꞌ tixsume lix tijeb li yo̱queb chi cꞌuluc raylal nak teꞌxtzꞌa̱ma lix tenkꞌanquileb chiru. Incꞌaꞌ tixcanab yal chi joꞌcan lix tijeb lix tenamit li ma̱cꞌaꞌ cuan reheb.

Salmos 34:15

Li Ka̱cuaꞌ aꞌan naril li cꞌaꞌru nequeꞌxcꞌul li ti̱queb xchꞌo̱l ut naxtenkꞌaheb. Aꞌan narabi nak nequeꞌxtzꞌa̱ma xtenkꞌanquil chiru.

Hebreos 2:17

Xban nak li Jesucristo quicꞌulun chixtenkꞌanquileb li cuanqueb saꞌ ruchichꞌochꞌ tento nak quitzꞌejcualoꞌ joꞌ eb lix herma̱n. Chi ya̱l nak quitzꞌejcualoꞌ re nak ta̱ruxta̱na ku ut tixtoj rix li kama̱c. Li Jesucristo aꞌan lix yucuaꞌil aj tij chi cꞌanjelac chiru li Dios.

San Lucas 11:8

Moco xban ta nak rami̱g nak ta̱cuacli̱k chixqꞌuebal re li cꞌaꞌru ta̱raj ru. Tixqꞌue ban re xban nak yo̱k chixpatzꞌbal ut re nak tixcanab xchꞌiꞌchꞌiꞌinquil.

San Mateo 12:20

Incꞌaꞌ tixrahobtesiheb li tacuajenakeb. Incꞌaꞌ tixchoy xtokbal li caxlan aj li ac tokecꞌ re, chi moco tixchoy xchupbal ru li xam li toj yo̱ chi e̱lc xsibel toj nak tixxakab lix cuanquil ut ta̱rakok a̱tin saꞌ ti̱quilal.

Génesis 18:24

Ma̱re cuanqueb mero ciento chi cristian ti̱queb xchꞌo̱l saꞌ xya̱nkeb. Cui cuanqueb mero ciento li ti̱queb xchꞌo̱l, ¿ma incꞌaꞌ ta̱ru̱k ta̱cuy xma̱queb li incꞌaꞌ ti̱queb xchꞌo̱l? ¿Malaj cuan saꞌ a̱chꞌo̱l nak ta̱sach chi junaj cua li tenamit aꞌan? chan.

Génesis 12:2

—Eb la̱ cualal a̱cꞌajol teꞌqꞌuia̱nk. Ut ta̱nima̱nk lix cuanquileb saꞌ ruchichꞌochꞌ. Ut la̱in tin-osobtesi̱nk a̱cue. Ut la̱ cꞌabaꞌ naꞌno̱k ru yalak bar. Saꞌ a̱cꞌabaꞌ la̱at, nabaleb chic li cristian teꞌxcꞌul li usilal xban nak la̱at sicꞌbil a̱cuu inban.

Génesis 4:7

¿Ma incꞌaꞌ ta biꞌ ta̱qꞌuehekꞌ a̱lokꞌal cui us ta̱ba̱nu? Cui incꞌaꞌ us ta̱ba̱nu, yo̱cat xqꞌuebal a̱cuib chi a̱le̱c ut li ma̱c ta̱numta̱k saꞌ a̱be̱n. Abanan cua̱nk raj a̱cuanquil re nak la̱at tatnumta̱k saꞌ xbe̱n li ma̱c, chan li Dios re laj Caín.

Jeremías 14:10

Aꞌan aꞌin li naxye li Ka̱cuaꞌ chirixeb li tenamit Israel: —Eb li tenamit aꞌin incꞌaꞌ tuktu xchꞌo̱leb cuiqꞌuin. Cocꞌ aj xsaꞌ nequeꞌxjal xcꞌaꞌuxeb. Incꞌaꞌ nacuulac chicuu li cꞌaꞌru nequeꞌxba̱nu. Cuan saꞌ inchꞌo̱l li ma̱usilal li nequeꞌxba̱nu. Joꞌcan nak la̱in tinqꞌueheb chixtojbal lix ma̱queb, chan li Dios.

Génesis 19:20

Ilomak. Aran cuan jun chꞌina tenamit. Aꞌan caꞌchꞌin ut nachꞌ cuan. Choe̱canab chi xic aran re nak tocolekꞌ, chan laj Lot.

Génesis 19:22

Se̱ba a̱cuib. Ayu saꞌ junpa̱t. La̱in ma̱cꞌaꞌ naru tinba̱nu cui ma̱jiꞌ nequexcuulac aran, chan. Joꞌcan nak li tenamit aꞌan queꞌxqꞌue Zoar chokꞌ xcꞌabaꞌ.

1 Samuel 25:35

Chirix aꞌan laj David quixcꞌul chixjunil li ma̱tan li quixcꞌam lix Abigail ut quixye re: —Ayu saꞌ la̱ cuochoch chi ma̱cꞌaꞌ a̱cꞌaꞌux. La̱in xcuabi li cꞌaꞌru xaye cue ut tinba̱nu joꞌ xatzꞌa̱ma chicuu, chan laj David.

Éxodo 33:17

Ut li Ka̱cuaꞌ Dios quixye re laj Moisés: —La̱in tinba̱nu li cꞌaꞌru xatzꞌa̱ma chicuu xban nak la̱at xacꞌam a̱cuib saꞌ usilal cuiqꞌuin ut la̱at sicꞌbil a̱cuu inban, chan.