Génesis 19:2 - Li Santil hu

² Ut quixye reheb: —Ex Ka̱cuaꞌ, ba̱nuhomak li usilal. Yoꞌkeb saꞌ li cuochoch ut aran te̱numsi li kꞌojyi̱n. Aran naru te̱chꞌaj le̱ rok. Ut toj cuulaj ekꞌela texxic, chan. Eb aꞌan queꞌxye re: —Bantiox a̱cue. Ma̱chꞌiꞌchꞌiꞌi a̱cuib. Naru nococuar saꞌ be, chanqueb.

Q'eqchi Bible

² ut kixye: “Ex qaawa', b'aanuhomaq usilal, okanqex sa' rochoch laj k'anjel a'in. Tuleenumsi li q'oqyink arin, teech'aj leeroq ut wulaj eq'la teechap wi' chik leeb'e”, chan reheb'. “Ink'a', tqanumsi li q'oqyink sa' li k'ayiil”, chankeb' li ula'.

Génesis 19:2 ပူးပေါင်းရင်းမြစ်များ

Génesis 18:4

Tintakla xcꞌambal caꞌchꞌinak li haꞌ re te̱chꞌaj le̱ rok. Chexhila̱nk rubel xmu li cheꞌ.

Hebreos 13:2

Me̱kꞌetkꞌeti e̱rib chixcꞌulbal le̱ rulaꞌ. Checꞌuleb ban saꞌ usilal. Cuanqueb li queꞌxcꞌul li rulaꞌeb, abanan incꞌaꞌ nequeꞌxnau nak ángel li queꞌcuulac chi ulaꞌani̱nc reheb.

Hechos 16:15

Quixcꞌul li cubi haꞌ rochbeneb chixjunileb li cuanqueb saꞌ rochoch, ut quixye ke: —Cui nequepa̱b nak la̱in xinpa̱b li Ka̱cuaꞌ chi anchal inchꞌo̱l, naru nequexcana chi hila̱nc saꞌ li cuochoch, chan ke. Ut quirelaji ku chi cana̱c.

San Lucas 7:44

Ut li Jesús quiril li ixk ut quixye re laj Simón: —Il a ixk aꞌin. Nak xincꞌulun saꞌ la̱ cuochoch, la̱at incꞌaꞌ xaqꞌue inhaꞌ re xchꞌajbal li cuok joꞌ cꞌaynako xba̱nunquil. Ut li ixk aꞌin xchꞌaj li cuok riqꞌuin xyaꞌal ru ut xmes riqꞌuin rismal xjolom.

San Juan 13:5

Quixqꞌue li haꞌ saꞌ jun li emel ut qui-oc chixchꞌajbal li rokeb lix tzolom. Ut quixmes li rokeb riqꞌuin li tꞌicr bacꞌbo chi xsaꞌ.

Génesis 19:1

Nak ac oc re li kꞌojyi̱n, queꞌcuulac li cuib chi cui̱nk aran Sodoma. Aꞌaneb lix ángel li Dios. Laj Lot chunchu saꞌ li oqueba̱l re li tenamit saꞌ li naꞌajej li nequeꞌxchꞌutub cuiꞌ ribeb li cristian. Nak quirileb li cui̱nk, quicuacli laj Lot chixcꞌulbaleb, quixcuikꞌib rib ut quixxulub lix jolom saꞌ chꞌochꞌ.

Génesis 19:3

Abanan laj Lot quirelaji ruheb re nak teꞌxic saꞌ rochoch toj retal queꞌxsume cana̱c. Nak queꞌoc saꞌ li rochoch laj Lot quixyi̱b chi cha̱bil lix tibeleb xcua. Quixyi̱b lix caxlan cua xcomon li incꞌaꞌ nasipoꞌ, ut queꞌcuaꞌac.

Génesis 24:31

Laj Labán quixye re: —La̱at raro̱cat xban li Dios. Incꞌaꞌ tatcana̱k arin chire li haꞌ. Yoꞌo saꞌ kochoch ut tathila̱nk kiqꞌuin. Ac yi̱banbil le̱ naꞌaj joꞌ ajcuiꞌ xnaꞌajeb la̱ camellos, chan.

Génesis 43:24

Ut li mo̱s quirocsiheb li cui̱nk saꞌ rochoch laj José, ut quixtakla xcꞌambal li haꞌ re nak teꞌxchꞌaj li rokeb. Ut queꞌqꞌueheꞌ ajcuiꞌ xcuaheb lix bu̱r.

Cantares 5:3

Ut la̱in quinye re: —Ac xcuisi li cuakꞌ chicuix. ¿Cꞌaꞌut nak tincuocsi cuiꞌchic? Ac xinchꞌaj li cuok. Incꞌaꞌ naru tintzꞌajni cuiꞌchic.—

2 Samuel 11:8

Chirix aꞌan laj David quixye re: —Tatxic saꞌ la̱ cuochoch ut tathila̱nk caꞌchꞌinak, chan. Nak ac xco̱ laj Urías, laj David quixtakla li tzacae̱mk saꞌ li rochoch xcomon li naxtzaca li rey.

Li xHu LAJ JOB 31:32

Eb li cristian li yo̱queb chi viajic xinqꞌueheb rochochnal saꞌ li cuochoch. Ma̱ jun sut xincanabeb chi cua̱rc saꞌ be.

Proverbios 25:17

Joꞌcan ut nak ta̱cuulaꞌani junak la̱ cuami̱g, ma̱ba̱nu chi cocꞌ aj xsaꞌ xban nak cui yo̱cat chi xic rajlal riqꞌuin naru natitzꞌ cha̱cuilbal ut xicꞌ chic tatril.