Génesis 19:17 - Li Santil hu

¹⁷ Nak ac xeꞌel saꞌ li tenamit li cui̱nk quixye reheb: —A̱linankex re nak texcolekꞌ. Mex-iloc che̱rix chi moco te̱xakab e̱rib saꞌ li ru takꞌa. Ti̱c texxic toj saꞌ li tzu̱l re nak incꞌaꞌ tex-osokꞌ, chan reheb.

Q'eqchi Bible

¹⁷ Naq yo risinkileb', jun reheb' li ánjel kixye: “Elelin, kol aawib'! Mat-ilok chawix chi moko tatxaqliiq sa' li taq'a; ayu b'an sa' li tzuul re naq ink'a' tat-oso'q”, chankeb' li ánjel.

Génesis 19:17 ပူးပေါင်းရင်းမြစ်များ

San Lucas 9:62

Ut li Jesús quixye re: —Li ani naxtiquib cꞌanjelac chiru li Dios ut cui toj yo̱ chixcꞌoxlanquil li cꞌaꞌru re, li jun aꞌan incꞌaꞌ us chokꞌ aj cꞌanjel saꞌ lix nimajcual cuanquilal li Dios, chan li Jesús.

Génesis 19:26

Li rixakil laj Lot qui-iloc chirix ut aran quicana chokꞌ xpecal atzꞌam.

Génesis 19:22

Se̱ba a̱cuib. Ayu saꞌ junpa̱t. La̱in ma̱cꞌaꞌ naru tinba̱nu cui ma̱jiꞌ nequexcuulac aran, chan. Joꞌcan nak li tenamit aꞌan queꞌxqꞌue Zoar chokꞌ xcꞌabaꞌ.

San Mateo 3:7

Nak quiril nabaleb xcomoneb laj fariseo ut xcomoneb laj saduceo yo̱queb chi cuulac yal re nak teꞌcubsi̱k xhaꞌeb, quixye reheb: —La̱ex chanchanex li ral li cꞌambolay. ¿Ani xyehoc e̱re la̱ex nak ta̱ru̱k te̱col e̱rib chiru lix joskꞌil li Dios li ta̱cha̱lk saꞌ e̱be̱n?

Jeremías 48:6

¡Elenkex! ¡Colomak e̱rib, la̱ex aj Moab! Chanchanakex li qꞌuix li cuan saꞌ li chaki chꞌochꞌ.

1 Reyes 19:3

Laj Elías quixqꞌue retal li chꞌaꞌajquilal cuan cuiꞌ. Qui-oc xcꞌaꞌux ut qui-el saꞌ li naꞌajej aꞌan re xcolbal rib. Co̱ toj Beerseba li cuan xcue̱nt Judá ut aran quixcanab lix mo̱s.

Génesis 13:10

Laj Lot quiril nak cꞌajoꞌ xchꞌinaꞌusal li ru takꞌa cuan chire li nimaꞌ Jordán. Li naꞌajej aꞌan cha̱bil ut nim. Nacuulac toj cuan cuiꞌ li tenamit Zoar. Ut quiril nak cuan li haꞌ chokꞌ re li acui̱mk. Chanchan li naꞌajej Egipto li queꞌel cuiꞌ chak. Aꞌan quicꞌulman nak li Dios toj ma̱jiꞌ naxsach li tenamit Sodoma ut Gomorra.

Salmos 121:1

Nak nacuil li tzu̱l, nincꞌoxla ut ninye saꞌ inchꞌo̱l: ¿Ani ta̱tenkꞌa̱nk cue?

1 Samuel 19:11

Saꞌ ajcuiꞌ li kꞌojyi̱n aꞌan laj Saúl quixtaklaheb li cui̱nk chixcꞌacꞌalenquil li rochoch laj David re teꞌxcamsi nak ta̱sake̱uk. Abanan, lix Mical li rixakil quixye re laj David: —Cui incꞌaꞌ tate̱lelik ut ta̱col a̱cuib chiru li kꞌojyi̱n aꞌin, cuulaj tateꞌxcamsi, chan re.

Génesis 18:22

Eb li cuib chi cui̱nk queꞌco̱eb aran Sodoma. Ut laj Abraham quicana rochben li Ka̱cuaꞌ Dios.

Hebreos 2:3

Cui eb aꞌan queꞌxcꞌul xtojbal xma̱c, ¿chan put ru nak tocolekꞌ la̱o chiru li tojba ma̱c cui nakatzꞌekta̱na li lokꞌlaj colba-ib li quixyechiꞌi ke li Ka̱cuaꞌ Jesucristo? Li Jesucristo quixyechiꞌi ke li kacolbal kꞌaxal lokꞌ. Ut chirix aꞌan, eb li queꞌabin re li ra̱tin, aꞌan eb ajcuiꞌ queꞌchꞌoloban lix ya̱lal chiku.

Génesis 14:10

Saꞌ li ru takꞌa Sidim cꞌajoꞌ li jul cuan. Saꞌ eb li jul aꞌin cuan li asfalto. Nak yo̱queb chi e̱lelic chiruheb li ca̱hib chi rey, eb li soldados re Sodoma ut Gomorra queꞌlajeꞌtꞌaneꞌ saꞌ li jul ut cuan li queꞌe̱lelic saꞌ li tzu̱l. Eb li o̱b chi rey incꞌaꞌ queꞌxcuy xcolbal ribeb saꞌ rukꞌeb li ca̱hib chic.

Génesis 19:18

Ut laj Lot quixye reheb: —Checuy inma̱c, ex Ka̱cuaꞌ. Incꞌaꞌ nacuaj xic saꞌ li tzu̱l.

Génesis 19:30

Laj Lot quixucuac chi cana̱c saꞌ li chꞌina tenamit Zoar. Joꞌcan nak co̱ chi cua̱nc saꞌ li tzu̱l. Ut lix rabin cuib co̱eb chirix. Aran coxeꞌocak saꞌ jun ochoch pec.

Números 16:26

Ut laj Moisés quixye reheb laj Israel: —Elenkex chixcꞌatk lix muheba̱leb li cui̱nk aꞌin li incꞌaꞌ useb xnaꞌleb. Ut me̱chꞌeꞌ li cꞌaꞌru reheb ma̱re anchal texca̱mk xban lix ma̱usilaleb, chan. Joꞌcan nak queꞌel chixcꞌatk lix muheba̱leb laj Coré, laj Datán ut laj Abiram. Laj Datán ut laj Abiram queꞌel chak saꞌ lix muheba̱leb. Xakxo̱queb chiru li oqueba̱l rochbeneb li rixakil ut eb lix cocꞌal.

1 Reyes 1:12

Anakcuan ba̱nu li cꞌaꞌru tinye a̱cue re nak ta̱col a̱cuib la̱at ut ta̱col ajcuiꞌ rix lix yuꞌam la̱ yum laj Salomón.

San Lucas 12:23

Li kayuꞌam, aꞌan kꞌaxal lokꞌ chiru li katzacae̱mk. Ut li katibel, aꞌan kꞌaxal lokꞌ chiru li kakꞌ.