Génesis 19:16 - Li Santil hu

¹⁶ Ut laj Lot toj quibay chi e̱lc. Li Ka̱cuaꞌ Dios quiril xtokꞌoba̱l ru laj Lot, joꞌ ajcuiꞌ lix comoneb. Ut eb li cuib chi cui̱nk queꞌxchap chi rukꞌ laj Lot, joꞌ eb ajcuiꞌ lix rabin ut li rixakil. Queꞌisi̱c saꞌ junpa̱t saꞌ li tenamit xbaneb lix takl li Dios.

Q'eqchi Bible

¹⁶ A'ut laj Lot toj yo chi xk'oxlankil. Jo'kan naq li wiib' chi winq xb'aan xnimal ruxtaan li Qaawa' ke'xchap chi ruq'; ke'xchap ajwi' li rixaqil ut xkab'ichaleb' li xrab'in, ut chixjunileb' ke'isiik chirix li tenamit.

Génesis 19:16 ပူးပေါင်းရင်းမြစ်များ

2 Pedro 2:9

Joꞌcan ajcuiꞌ anakcuan. Li Dios naxtenkꞌaheb li ti̱queb xchꞌo̱l re nak incꞌaꞌ teꞌxqꞌue rib chi a̱le̱c. Ut eb li incꞌaꞌ ti̱queb xchꞌo̱l tixcanabeb chixcꞌulbal li tojba ma̱c nak tixtau xkꞌehil li rakba a̱tin.

Tito 3:5

Li Dios xoxcol ut xorisi saꞌ li kanajter naꞌleb. Ma̱cuaꞌ xban kayehom kaba̱nuhom chi moco xban lix ti̱quilal li kachꞌo̱l. Yal xban lix nimal ruxta̱n li Dios nak coxcol. Cuybil sachbil chic li kama̱c ut acꞌobresinbil chic li kayuꞌam xban li Santil Musikꞌej.

2 Corintios 1:3

Lokꞌoninbil taxak li Dios lix Yucuaꞌ li Ka̱cuaꞌ Jesucristo. Li Dios, aꞌan li kaYucuaꞌ ut junelic naruxta̱na ku ut naxcꞌojob kachꞌo̱l.

San Juan 6:44

Ma̱ ani naru ta̱pa̱ba̱nk cue cui incꞌaꞌ ta kꞌaxtesinbil cue xban li Yucuaꞌbej li quitaklan chak cue. Li nequeꞌpa̱ban cue, la̱in tincuaclesiheb cuiꞌchic chi yoꞌyo saꞌ rosoꞌjiqueb li cutan.

San Lucas 18:13

Abanan laj titzꞌol toj najt quixqꞌue chak rib ut quixxulub lix jolom. Yo̱ chixtenbal li re xchꞌo̱l chi rukꞌ xban xrahil xchꞌo̱l ut quixye: “At inDios, la̱in aj ma̱c. Chacuuxta̱na taxak cuu,” chan.

Lamentaciones 3:22

Xban nak junelic naruxta̱na ku li Ka̱cuaꞌ, joꞌcan nak incꞌaꞌ xo-osoꞌ. Junelic naril xtokꞌoba̱l ku.

Isaías 63:9

Quiyotꞌeꞌ xchꞌo̱l li Ka̱cuaꞌ xban li raylal li yo̱queb chixcꞌulbal eb laj Israel. Ut lix takl, aꞌan li quicoloc reheb. Xban nak li Dios naxraheb ut naruxta̱na ruheb, joꞌcan nak quixcoleb. Ut aꞌan qui-iloc chak reheb chalen chak najter.

Salmos 136:1

Cheqꞌuehak taxak xlokꞌal li nimajcual Dios xban nak aꞌan cha̱bil ut kꞌaxal nim li ruxta̱n saꞌ kabe̱n junelic.

Salmos 119:60

Junpa̱t xin-oc cuiꞌchic xba̱nunquil li cꞌaꞌru naxye la̱ chakꞌrab. Incꞌaꞌ xinbay cuib.

Salmos 118:1

Junelic chexbantioxi̱nk chiru li nimajcual Dios xban nak aꞌan cha̱bil. Li ruxta̱n li Ka̱cuaꞌ junelic cuan saꞌ kabe̱n.

Salmos 111:4

Ta̱julticama̱nk chi junelic li sachba chꞌo̱lej quilajxba̱nu li Ka̱cuaꞌ. Li Ka̱cuaꞌ, aꞌan cha̱bil ut na-uxta̱nan u.

Salmos 107:1

Chexbantioxi̱nk chiru li Ka̱cuaꞌ xban nak aꞌan cha̱bil ut junelic naruxta̱na ku.

Salmos 106:8

Abanan li Ka̱cuaꞌ quicoloc reheb joꞌ quixye reheb. Quixcꞌut chiruheb lix cuanquil re nak ta̱qꞌuehekꞌ xlokꞌal.

Salmos 106:1

Lokꞌoninbil taxak ru li Ka̱cuaꞌ li nimajcual Dios. Chexbantioxi̱nk chiru xban nak aꞌan cha̱bil ut junelic naruxta̱na ku.

Salmos 103:13

Li Ka̱cuaꞌ naxtokꞌoba ruheb li nequeꞌxucuan ru joꞌ nak naxtokꞌoba ruheb li ralal xcꞌajol junak yucuaꞌbej.

Salmos 86:15

Abanan la̱at, at Ka̱cuaꞌ, at inDios, nim la̱ cuuxta̱n ut nim la̱ cuyum. La̱at incꞌaꞌ nacatjoskꞌoꞌ saꞌ junpa̱t. Kꞌaxal nim ban la̱ cuusilal. La̱at aj rahonel ut la̱at li ya̱l.

Salmos 86:5

At Ka̱cuaꞌ, kꞌaxal cha̱bilat ut nacatcuyuc ma̱c. Kꞌaxal nim la̱ cuusilal saꞌ xbe̱neb chixjunileb li nequeꞌxtzꞌa̱ma xtenkꞌanquileb a̱cue.

Salmos 34:12

¿Ma te̱raj nak najtak rok le̱ yuꞌam saꞌ ruchichꞌochꞌ? Ut, ¿ma te̱raj nak sa cua̱nkex?

1 Crónicas 16:34

Chexbantioxi̱nk chiru li Ka̱cuaꞌ xban nak aꞌan cha̱bil ut junelic na-uxta̱nan u.

Deuteronomio 4:31

Li Ka̱cuaꞌ incꞌaꞌ textzꞌekta̱na chi moco tixsach e̱ru xban nak aꞌan junelic jultic re li contrato li quixba̱nu riqꞌuineb le̱ xeꞌto̱nil yucuaꞌ.

Números 14:18

La̱in li Ka̱cuaꞌ li nimajcual Dios. La̱in nin-uxta̱nan u ut nincuy li ma̱usilal nequeꞌxba̱nu li tenamit usta nequeꞌxkꞌetkꞌeti rib chicuu. La̱in incꞌaꞌ ninjoskꞌoꞌ chi junpa̱t. Numtajenak lin rahom. Incꞌaꞌ nincanabeb yal chi joꞌcan li cuanqueb xma̱c. Ut ninrahobtesiheb li alal cꞌajolbej riqꞌuin lix ma̱queb lix naꞌ xyucuaꞌeb toj saꞌ li rox saꞌ xca̱ xtasalil li ralal xcꞌajoleb, chancat.

Éxodo 34:6

Li Dios quinumeꞌ chiru laj Moisés ut quixye re: —La̱in li Ka̱cuaꞌ Dios. La̱in li nimajcual Dios. La̱in li nintokꞌoban u ut la̱in ajcuiꞌ nin-uxta̱nan u. La̱in incꞌaꞌ ninjoskꞌoꞌ chi junpa̱t. Numtajenak lin rahom. Ma̱ jaruj ninpaltoꞌ. Cuanquin chi junelic.

Romanos 9:18

Joꞌcan nak li Dios naril xtokꞌoba̱l ru li ani naraj xtokꞌobanquil ru ut naxcacuubresi xchꞌo̱l li ani naraj xcacuubresinquil xchꞌo̱l saꞌ li ma̱usilal.

Josué 6:22

Ut laj Josué quixye reheb li cuib chi cui̱nk li queꞌcuulac Jericó chi qꞌuehoc etal: —Ayukex saꞌ rochoch lix Rahab li naxcꞌayi rib ut te̱risi aran joꞌ ajcuiꞌ chixjunil li cꞌaꞌru cuan re, joꞌ queyechiꞌi re, chan.

2 Pedro 2:7

Quixcol laj Lot li ti̱c xchꞌo̱l. Aꞌan cꞌajoꞌ nak narahoꞌ saꞌ xchꞌo̱l xban nak numtajenak li ma̱usilal li nequeꞌxba̱nu li cuanqueb aran Sodoma.

Génesis 19:15

Nahiqꞌuicꞌnac ru li cutan nak eb li ángel queꞌxye re laj Lot: —Se̱ba a̱cuib, cꞌam la̱ cuixakil joꞌ eb ajcuiꞌ la̱ rabin. Elenkex saꞌ junpa̱t re nak incꞌaꞌ texca̱mk saꞌ xya̱nkeb li tenamit aꞌin li oqueb re chixtojbal xma̱queb, chanqueb.

Éxodo 34:7

La̱in chi qꞌuila okꞌob li cristian nacuuxta̱naheb ru. Nincuy li qꞌuila ma̱c li nequeꞌxba̱nu. Eb li nequeꞌma̱cob teꞌxtoj rix lix ma̱c. Ninrahobtesiheb li alal cꞌajolbej riqꞌuin lix ma̱queb lix naꞌ xyucuaꞌeb toj saꞌ rox saꞌ xca̱ xtasalil li ralal xcꞌajoleb, chan li Dios.

Deuteronomio 5:15

Chijulticokꞌ e̱re la̱ex nak quexcuan chak chokꞌ rahobtesinbil mo̱s aran Egipto. Abanan li Ka̱cuaꞌ le̱ Dios quexrisi chak saꞌ li naꞌajej aꞌan riqꞌuin lix nimal xcuanquilal. Joꞌcan nak li Ka̱cuaꞌ yo̱ chixyebal e̱re nak te̱qꞌue xlokꞌal li hiloba̱l cutan.

Deuteronomio 6:21

Ut la̱ex te̱ye reheb, “Najter cuanco chak Egipto chokꞌ rahobtesinbil mo̱s chiru laj faraón. Abanan li Ka̱cuaꞌ corisi chak Egipto riqꞌuin xnimal xcuanquilal.

Deuteronomio 7:8

Quixsicꞌ ban e̱ru xban nak nequexra ut xban nak quiraj xba̱nunquil li quixyechiꞌi reheb le̱ xeꞌto̱nil yucuaꞌ nak texrisi Egipto. Joꞌcan nak quexrisi riqꞌuin xcuanquil saꞌ li naꞌajej li quexcuan cuiꞌ chokꞌ rahobtesinbil mo̱s rubel xcuanquil laj faraón.

Salmos 32:10

Li incꞌaꞌ useb xnaꞌleb qꞌuila raylal cuan saꞌ xbe̱neb. Aꞌut li cauheb xchꞌo̱l riqꞌuin li Ka̱cuaꞌ, numtajenak li rusilal li Dios li nequeꞌxcꞌul.

Salmos 33:18

Abanan li Ka̱cuaꞌ aꞌan na-iloc reheb li nequeꞌxxucua ru ut li nequeꞌroybeni li rusilal.

Salmos 33:19

Li Ka̱cuaꞌ, aꞌan nacoloc reheb chiru li ca̱mc, ut aꞌan ajcuiꞌ nacoloc reheb saꞌ xkꞌehil li cueꞌej.

Génesis 43:10

Cꞌoxla, cui ta incꞌaꞌ yo̱co chi ba̱yc arin, ac raj xosukꞌi chak caꞌ sutak chixlokꞌbal li katzacae̱mk, chan laj Judá.