Génesis 19:13 - Li Santil hu

¹³ Anakcuan oc ke chixsachbal ru chi junaj cua li tenamit aꞌin xban nak kꞌaxal xnumta li ma̱c xeꞌxba̱nu. Aꞌan aj e nak xoxtakla chak li Ka̱cuaꞌ Dios chixsachbal ru li tenamit aꞌin, chanqueb.

Q'eqchi Bible

¹³ xb'aan naq ok qe chi xsachb'al li na'ajej a'in. Jwal kaw li xyaab' kuxej neke'jite'k wi' chiru li Qaawa', ut A'an xooxtaqla chaq chi xsachb'aleb'”, chankeb'.

Génesis 19:13 ပူးပေါင်းရင်းမြစ်များ

Génesis 18:20

Ut li Ka̱cuaꞌ Dios quixye re laj Abraham: —Nabal li cꞌaꞌak re ru incꞌaꞌ us xcuabi chirixeb laj Sodoma ut laj Gomorra. Numtajenakeb lix ma̱c.

San Judas 1:7

Joꞌcan ajcuiꞌ queꞌxcꞌul li tenamit Sodoma ut Gomorra joꞌqueb ajcuiꞌ li tenamit cuanqueb chixcꞌatk. Juntakꞌe̱teb lix naꞌlebeb riqꞌuineb li ángel li queꞌma̱cob. Queꞌmuxuc caxa̱r ut queꞌma̱cob ajcuiꞌ riqꞌuin rech cui̱nkilal ut riqꞌuin rech ixkilal. Queꞌxkꞌaxtesi rib chixba̱nunquil chixjunil li ma̱usilal. Lix cꞌatic eb li tenamit aꞌan, aꞌan re xcꞌutbesinquil chiku nak cuan xtojbal rix li ma̱c. Aꞌan li ta̱cꞌulma̱nk mokon saꞌ li xam li ta̱cua̱nk chi junelic.

Hechos 12:23

Ut saꞌ ajcuiꞌ li ho̱nal aꞌan, jun x-ángel li Ka̱cuaꞌ quixqꞌue jun yajel saꞌ xbe̱n laj Herodes xban nak quixqꞌue rib chixlokꞌoniheb li tenamit ut incꞌaꞌ quixqꞌue xlokꞌal li Dios. Quimotzoꞌin ut aꞌan quicamsin re.

Santiago 5:4

La̱ex yo̱quex chixxocbal e̱tumin ut incꞌaꞌ nequeqꞌue xtojbaleb li queꞌkꞌoloc e̱riqꞌuin. Eb aꞌan yo̱queb chi kꞌoko̱nc ut li nimajcual Dios yo̱ chirilbal xtokꞌoba̱l ruheb nak yo̱queb chi kꞌoko̱nc li queꞌcꞌanjelac e̱riqꞌuin.

Isaías 37:36

Saꞌ ajcuiꞌ li kꞌojyi̱n aꞌan jun x-ángel li Dios quicuulac saꞌ xmuheba̱leb laj Asiria ut quixcamsiheb jun ciento riqꞌuin o̱b roxcꞌa̱l mil (185,000) chi soldado aj Asiria. Joꞌ cuulajak chic nak quisake̱u, ac camenakeb chic chixjunileb.

Isaías 36:10

¿Ma ma̱cuaꞌ ta biꞌ li Ka̱cuaꞌ xtaklan chak cue saꞌ li naꞌajej aꞌin chi pletic? ¿Ma xinchal ta biꞌ chixsachbal ru yal injunes? chan.

Isaías 3:11

Abanan eb li incꞌaꞌ useb xnaꞌleb ra teꞌxcꞌul xban nak eb aꞌan teꞌxcꞌul lix kꞌajca̱munquil aꞌ yal chanru lix yehom xba̱nuhomeb.

Génesis 13:13

Eb li cristian li cuanqueb aran saꞌ li tenamit Sodoma numtajenak xma̱queb chiru li Ka̱cuaꞌ Dios.

Génesis 19:12

Ut eb li cuib chi cui̱nk queꞌxye re laj Lot: —¿Ma toj cuanqueb a̱cuechꞌalal saꞌ li tenamit aꞌin? Cui cuanqueb, isiheb saꞌ li tenamit aꞌin. Cꞌameb la̱ rabin ut la̱ cualal ut la̱ hiꞌ ut ayu. Ta̱cꞌameb chi najt chixjunileb la̱ cuechꞌalal li cuanqueb saꞌ li tenamit.

Levítico 26:30

La̱in tintꞌan li naꞌajej li najt xteram li nequexlokꞌonin cuiꞌ. Ut tinjucꞌ li artal li nequecꞌat cuiꞌ le̱ pom. Ut la̱in tintu̱b le̱ camenak saꞌ xbe̱neb le̱ yi̱banbil dios, li moco yoꞌyo̱queb ta. Ut xicꞌ chic texcuil.

Deuteronomio 4:26

Cutan saken chiru li choxa ut li ruchichꞌochꞌ nak ya̱l li yo̱quin chixyebal e̱re. Cui la̱ex te̱yi̱b le̱ pechꞌbil dios, saꞌ junpa̱t ta̱sachekꞌ e̱ru. Incꞌaꞌ najt texcua̱nk saꞌ li chꞌochꞌ li oc e̱re chire̱chaninquil nak texnumekꞌ jun pacꞌal li nimaꞌ Jordán.

Deuteronomio 28:45

Chixjunil li raylal aꞌin ta̱cha̱lk saꞌ e̱be̱n toj retal nak ta̱sachekꞌ e̱ru xban nak incꞌaꞌ te̱ba̱nu li cꞌaꞌru quixye li Ka̱cuaꞌ le̱ Dios. Incꞌaꞌ te̱ba̱nu li chakꞌrab li quixqꞌue e̱re.

Jeremías 44:22

Li Dios incꞌaꞌ chic quixcuy rilbal li ma̱c ut li ma̱usilal xeba̱nu. Incꞌaꞌ chic quixcuy rilbal lix yibal ru le̱ naꞌleb. Joꞌcan nak quixsach ru le̱ naꞌaj. Ma̱cꞌaꞌ chic cuan chi saꞌ anakcuan ut majecuanbil chic.

Números 16:21

—Elenkex saꞌ xya̱nkeb li tenamit aꞌin re nak tinsach ruheb chixjunileb saꞌ junpa̱t, chan.