Génesis 19:12 - Li Santil hu

¹² Ut eb li cuib chi cui̱nk queꞌxye re laj Lot: —¿Ma toj cuanqueb a̱cuechꞌalal saꞌ li tenamit aꞌin? Cui cuanqueb, isiheb saꞌ li tenamit aꞌin. Cꞌameb la̱ rabin ut la̱ cualal ut la̱ hiꞌ ut ayu. Ta̱cꞌameb chi najt chixjunileb la̱ cuechꞌalal li cuanqueb saꞌ li tenamit.

Q'eqchi Bible

¹² Toja' naq ke'xye eb' li wiib' chi winq re laj Lot: “Anihatqeb' chik wank aawe arin? Isiheb' laahi' sa' li na'ajej a'in, eb' laawalal, eb' laarab'in ut yalaq ani wank aawe sa' li tenamit,

Génesis 19:12 ပူးပေါင်းရင်းမြစ်များ

Génesis 7:1

Li Ka̱cuaꞌ Dios quixye re laj Noé, —Anakcuan ocan saꞌ li jucub cab la̱at a̱cuochbeneb la̱ cualal a̱cꞌajol ut la̱ cuixakil, xban nak caꞌaj cuiꞌ la̱at ti̱c a̱chꞌo̱l chicuu saꞌ xya̱nkeb li cristian li cuanqueb saꞌ eb li cutan aꞌin.

Apocalipsis 18:4

Ut quicuabi jun chic yo̱ chak chi a̱tinac saꞌ choxa ut quixye: Ex ralal xcꞌajol li Dios, elenkex saꞌ li tenamit aꞌan re nak incꞌaꞌ textzꞌako̱nk riqꞌuin lix ma̱queb ut re nak incꞌaꞌ textzꞌako̱nk riqꞌuin li raylal li teꞌxcꞌul.

2 Pedro 2:7

Quixcol laj Lot li ti̱c xchꞌo̱l. Aꞌan cꞌajoꞌ nak narahoꞌ saꞌ xchꞌo̱l xban nak numtajenak li ma̱usilal li nequeꞌxba̱nu li cuanqueb aran Sodoma.

2 Pedro 2:9

Joꞌcan ajcuiꞌ anakcuan. Li Dios naxtenkꞌaheb li ti̱queb xchꞌo̱l re nak incꞌaꞌ teꞌxqꞌue rib chi a̱le̱c. Ut eb li incꞌaꞌ ti̱queb xchꞌo̱l tixcanabeb chixcꞌulbal li tojba ma̱c nak tixtau xkꞌehil li rakba a̱tin.

Números 16:26

Ut laj Moisés quixye reheb laj Israel: —Elenkex chixcꞌatk lix muheba̱leb li cui̱nk aꞌin li incꞌaꞌ useb xnaꞌleb. Ut me̱chꞌeꞌ li cꞌaꞌru reheb ma̱re anchal texca̱mk xban lix ma̱usilaleb, chan. Joꞌcan nak queꞌel chixcꞌatk lix muheba̱leb laj Coré, laj Datán ut laj Abiram. Laj Datán ut laj Abiram queꞌel chak saꞌ lix muheba̱leb. Xakxo̱queb chiru li oqueba̱l rochbeneb li rixakil ut eb lix cocꞌal.

Génesis 19:17

Nak ac xeꞌel saꞌ li tenamit li cui̱nk quixye reheb: —A̱linankex re nak texcolekꞌ. Mex-iloc che̱rix chi moco te̱xakab e̱rib saꞌ li ru takꞌa. Ti̱c texxic toj saꞌ li tzu̱l re nak incꞌaꞌ tex-osokꞌ, chan reheb.

Jeremías 32:39

La̱in tinqꞌue saꞌ xchꞌo̱leb nak caꞌaj cuiꞌ la̱in tineꞌxlokꞌoni chi junaj xchꞌo̱leb. Ut junelic teꞌxxucua cuu re nak us teꞌe̱lk joꞌ eb ajcuiꞌ li ralal xcꞌajol li teꞌcua̱nk mokon.

Génesis 19:22

Se̱ba a̱cuib. Ayu saꞌ junpa̱t. La̱in ma̱cꞌaꞌ naru tinba̱nu cui ma̱jiꞌ nequexcuulac aran, chan. Joꞌcan nak li tenamit aꞌan queꞌxqꞌue Zoar chokꞌ xcꞌabaꞌ.

Génesis 19:14

Ut laj Lot co̱ chixyebal reheb li cui̱nk li teꞌsumla̱k cuiꞌ lix rabin ut quixye reheb: —Elenkex saꞌ li tenamit aꞌin ut ayukex chi najt xban nak li Ka̱cuaꞌ Dios oc re chixsachbal ru li tenamit, chan. Abanan eb li cui̱nk aꞌan incꞌaꞌ queꞌxpa̱b li cꞌaꞌru quixye laj Lot.

Génesis 19:11

Eb li cuib chi cui̱nk lix takl li Dios queꞌqꞌuehoc reheb chi mutzꞌi̱rc eb li cui̱nk li teꞌraj oc saꞌ cab. Queꞌmutzꞌir li ti̱x joꞌ eb ajcuiꞌ li toj sa̱jeb. Ut eb li cui̱nk aꞌan queꞌlub chixsicꞌbal li puerta ut incꞌaꞌ queꞌxtau.

Génesis 19:13

Anakcuan oc ke chixsachbal ru chi junaj cua li tenamit aꞌin xban nak kꞌaxal xnumta li ma̱c xeꞌxba̱nu. Aꞌan aj e nak xoxtakla chak li Ka̱cuaꞌ Dios chixsachbal ru li tenamit aꞌin, chanqueb.

Jeremías 51:45

La̱ex aj Israel, lin tenamit, elenkex saꞌ li tenamit Babilonia. Tex-e̱lelik ut colomak le̱ yuꞌam xban nak la̱in yo̱ injoskꞌil saꞌ xbe̱neb laj Babilonia, chan li Dios.