Génesis 18:7 - Li Santil hu

⁷ Laj Abraham co̱ saꞌ junpa̱t cuanqueb cuiꞌ lix queto̱mk. Quixchap jun li cuacax cha̱bil ut toj al. Quixqꞌue li xul re lix mo̱s re nak tixcꞌu̱b chak chi cha̱bil.

Q'eqchi Bible

⁷ Chirix a'an laj Abrahán koho sa' aanil wankeb' wi' li xwakax, kixchap jun ch'ina wakax q'axal chaab'il, kixk'e re li xmoos ut a'in kixseeb'a xk'uub'ankil.

Génesis 18:7 ပူးပေါင်းရင်းမြစ်များ

San Lucas 15:30

Abanan anakcuan xcꞌulun la̱ cualal aꞌin li quisachoc re la̱ jun cablal riqꞌuineb li ixk li nequeꞌxcꞌayi rib ut la̱at xatakla xcamsinquil chokꞌ re li chꞌina cuacax li chꞌolaninbil chi us, chan li asbej.

San Lucas 15:27

Li mo̱s quixye re: —Xsukꞌi chak la̱ cui̱tzꞌin ut la̱ yucuaꞌ xtakla xcamsinquil li ral li cuacax li chꞌolaninbil chi us, xban nak la̱ cui̱tzꞌin xsukꞌi cuiꞌchic chi cau ut chi sa saꞌ xchꞌo̱l, chan.

San Lucas 15:23

Ut cꞌamomak chak li chꞌina cuacax, li chꞌolaninbil chi us. Camsihomak ut toninkꞌei̱k,

San Mateo 22:4

Quixtakla cuiꞌchic jalaneb chic lix mo̱s ut quixye reheb: “Yehomak reheb li ac bokbileb, ‘Ac cꞌu̱bcꞌu li tzacae̱mk, ac xeꞌcamsiman eb li cuacax ut chixjunil li xul li ni̱nk xtibeleb. Ac cauresinbil chixjunil. Cha̱lkex saꞌ li sumla̱c,’ chaꞌakex reheb.”

Malaquías 1:14

Tzꞌekta̱nanbilak li ani nabalakꞌin riqꞌuin xyechiꞌinquil jun li cha̱bil xul te̱lom chokꞌ xmayej ut incꞌaꞌ ajcuiꞌ naxqꞌue. Naxmayeja ban li xul li yaj li incꞌaꞌ us. La̱in li tzꞌakal Rey, chan li nimajcual Dios, ut xucuanbilak cuu saꞌ xya̱nkeb li xni̱nkal ru tenamit.

Amós 6:4

Nequexcuar saꞌ le̱ cha̱bil chꞌa̱t yi̱banbil riqꞌuin marfil ut nequexhilan saꞌ le̱ cha̱bil hiloba̱l nak nequexcuaꞌac. Nequetiu li ral li carner nequechap chak saꞌ xya̱nkeb li queto̱mk joꞌ ajcuiꞌ li ral cuacax li cuanqueb saꞌ corral.

Génesis 19:3

Abanan laj Lot quirelaji ruheb re nak teꞌxic saꞌ rochoch toj retal queꞌxsume cana̱c. Nak queꞌoc saꞌ li rochoch laj Lot quixyi̱b chi cha̱bil lix tibeleb xcua. Quixyi̱b lix caxlan cua xcomon li incꞌaꞌ nasipoꞌ, ut queꞌcuaꞌac.

Génesis 18:6

Laj Abraham qui-oc saꞌ lix muheba̱l ut quixye re lix Sara: —Se̱ba a̱cuib. Chap oxib bis li cꞌaj li cha̱bil ut ta̱yi̱b li caxlan cua, chan.

Génesis 18:8

Quixcꞌam li cꞌu̱banbil tib chokꞌ reheb li rulaꞌ. Quixcꞌam ajcuiꞌ li queso ut li leche. Ut laj Abraham quixqꞌue xchꞌo̱l chixjecꞌbaleb xtzacae̱mkeb li rulaꞌ nak yo̱queb chi cuaꞌac rubel xmu li cheꞌ.

1 Samuel 28:24

Li ixk aꞌan cuan jun li cuacax toj sa̱j riqꞌuin ut nim xtibel. Quixcamsi ut quixcꞌu̱b. Quixchap li cꞌaj ut quixyi̱b ajcuiꞌ li caxlan cua ma̱cꞌaꞌ xchꞌamal.