Génesis 18:6 - Li Santil hu

⁶ Laj Abraham qui-oc saꞌ lix muheba̱l ut quixye re lix Sara: —Se̱ba a̱cuib. Chap oxib bis li cꞌaj li cha̱bil ut ta̱yi̱b li caxlan cua, chan.

Q'eqchi Bible

⁶ Koho laj Abrahán chi junpaat sa' xmuheb'aal, wan wi' lix Sara, ut kixye re: “Seeb'a oxib'aq aroow chi k'aj, yoq' ut yiib' kach'inaq li k'uluj”.

Génesis 18:6 ပူးပေါင်းရင်းမြစ်များ

San Mateo 13:33

Jun chic li jaljo̱quil ru a̱tin quixye: —Jun li ixk quixqꞌue caꞌchꞌin lix chꞌamal caxlan cua saꞌ xya̱nk li oxib bisoc li cꞌaj ut quisi̱poꞌ li kꞌem xban, ut nabal chic li caxlan cua qui-el. Lix nimajcual cuanquilal li Dios chanchan ajcuiꞌ aꞌan. Nak nequeꞌrabi resil, nabal nequeꞌpa̱ban re.—

1 Pedro 4:9

Chexqꞌuehok ochochna̱l che̱ribil e̱rib chi sa saꞌ e̱chꞌo̱l.

Hebreos 13:2

Me̱kꞌetkꞌeti e̱rib chixcꞌulbal le̱ rulaꞌ. Checꞌuleb ban saꞌ usilal. Cuanqueb li queꞌxcꞌul li rulaꞌeb, abanan incꞌaꞌ nequeꞌxnau nak ángel li queꞌcuulac chi ulaꞌani̱nc reheb.

Gálatas 5:13

Ex inherma̱n, la̱ex sicꞌbil e̱ru re nak libre chic cua̱nkex. Abanan moco xban ta nak libre chic cuanquex nak tex-oc chixba̱nunquil li naxrahi ru le̱ chꞌo̱l. Chera ban e̱rib ut chetenkꞌa e̱rib chi ribil e̱rib.

Romanos 12:13

Chetenkꞌa le̱ rech aj pa̱banelil li cuanqueb saꞌ raylal ut cheqꞌuehak rochochnal laj cꞌanjel chiru li Dios, li yal numequeb re.

Hechos 16:15

Quixcꞌul li cubi haꞌ rochbeneb chixjunileb li cuanqueb saꞌ rochoch, ut quixye ke: —Cui nequepa̱b nak la̱in xinpa̱b li Ka̱cuaꞌ chi anchal inchꞌo̱l, naru nequexcana chi hila̱nc saꞌ li cuochoch, chan ke. Ut quirelaji ku chi cana̱c.

Isaías 32:8

Abanan li ani cha̱bil xnaꞌleb junes xba̱nunquil li cha̱bilal naxcꞌoxla. Ut riqꞌuin xba̱nunquil li cha̱bilal ta̱qꞌuehekꞌ xlokꞌal.

Génesis 18:5

Xban nak xexcꞌulun cuiqꞌuin, tincꞌam chak caꞌchꞌinak le̱ tzacae̱mk re nak sahak saꞌ le̱ chꞌo̱l nak texxic, chan laj Abraham. Ut eb aꞌan queꞌchakꞌoc ut queꞌxye re: —Us, bantiox a̱cue.

Génesis 18:7

Laj Abraham co̱ saꞌ junpa̱t cuanqueb cuiꞌ lix queto̱mk. Quixchap jun li cuacax cha̱bil ut toj al. Quixqꞌue li xul re lix mo̱s re nak tixcꞌu̱b chak chi cha̱bil.

Génesis 19:3

Abanan laj Lot quirelaji ruheb re nak teꞌxic saꞌ rochoch toj retal queꞌxsume cana̱c. Nak queꞌoc saꞌ li rochoch laj Lot quixyi̱b chi cha̱bil lix tibeleb xcua. Quixyi̱b lix caxlan cua xcomon li incꞌaꞌ nasipoꞌ, ut queꞌcuaꞌac.

Jueces 6:19

Ut laj Gedeón co̱ saꞌ rochoch ut quixcamsi jun li chiba̱t toj sa̱j ut quixchik. Riqꞌuin junmay litro li harina quixyi̱b li caxlan cua ma̱cꞌaꞌ xchꞌamal. Quixqꞌue li tib saꞌ jun li chacach ut quixqꞌue li caldo saꞌ jun li ucꞌal. Quixcꞌam chixjunil aran rubel li cheꞌ ji ut quixqꞌue re li ángel.

1 Samuel 28:24

Li ixk aꞌan cuan jun li cuacax toj sa̱j riqꞌuin ut nim xtibel. Quixcamsi ut quixcꞌu̱b. Quixchap li cꞌaj ut quixyi̱b ajcuiꞌ li caxlan cua ma̱cꞌaꞌ xchꞌamal.

2 Samuel 13:6

Joꞌcan nak laj Amnón quiyocla ut quixba̱nu rib joꞌ nak yaj. Li rey David co̱ chirilbal ut laj Amnón quixye re: —Nintzꞌa̱ma cha̱cuu nak ta̱takla lix Tamar arin re nak tixyi̱b chicuu cuibak incaxlan cua ut tixqꞌue cue re tintzaca, chan.

Salmos 119:60

Junpa̱t xin-oc cuiꞌchic xba̱nunquil li cꞌaꞌru naxye la̱ chakꞌrab. Incꞌaꞌ xinbay cuib.