Génesis 18:5 - Li Santil hu

⁵ Xban nak xexcꞌulun cuiqꞌuin, tincꞌam chak caꞌchꞌinak le̱ tzacae̱mk re nak sahak saꞌ le̱ chꞌo̱l nak texxic, chan laj Abraham. Ut eb aꞌan queꞌchakꞌoc ut queꞌxye re: —Us, bantiox a̱cue.

Q'eqchi Bible

⁵ ut laa'in tink'am chaq kach'inaq eewa re taak'ulunq eech'ool. Toja' naq texxik: a'in aj e naq xexnume'k rik'in laj k'anjel cheru”. Ke'chaq'ok eb' a'an: “Us, maak'a' naxye”, chankeb'.

Génesis 18:5 ပူးပေါင်းရင်းမြစ်များ

Jueces 13:15

Ut laj Manoa quixye re lix ángel li Ka̱cuaꞌ: —Matxic cuan. Oybeni cuan junpa̱tak re nak takachik junak li chiba̱t ut takaqꞌue xtibel a̱cua, chan.

Salmos 104:15

Nacaqꞌue lix tzacae̱mk re nak ta̱cua̱nk xmetzꞌe̱u li cui̱nk. Nacaqꞌue li vino ut nacaqꞌue li aceite re nak ta̱sahokꞌ saꞌ xchꞌo̱l.

Jueces 19:5

Saꞌ li xca̱ li cutan nak quisake̱u, queꞌcuacli toj ekꞌela ut laj levita quixcauresi rib re ta̱xic saꞌ xtenamit. Abanan lix yucuaꞌ li ixk quixye re: —Cuaꞌin cuan, tojoꞌnak tatxic re nak cauhak a̱cuib chi be̱c, chan.

Jueces 6:18

Ba̱nu usilal. China̱cuoybeni junpa̱tak. Toj xic cue chixcꞌambal lin mayej re tinqꞌue a̱cue, chan laj Gedeón. Ut li Ka̱cuaꞌ quixye: —Arin cua̱nkin cha̱cuoybeninquil, chan.

Génesis 33:10

Laj Jacob quichakꞌoc ut quixye re: —Ba̱nu usilal, cui ac xina̱cꞌul saꞌ usilal, tento nak ta̱cꞌul li ma̱tan li xinqꞌue a̱cue. Cꞌajoꞌ xsahil inchꞌo̱l nak xcuil a̱cuu. Chanchan xcuil ru li Dios nak xatcuil. La̱at xina̱cꞌul saꞌ xya̱lal.

Génesis 19:8

Cuanqueb cuib inrabin ma̱jiꞌ nequeꞌcuan riqꞌuin cui̱nk. Tincuisiheb chirix cab ut ba̱nuhomak li cꞌaꞌru te̱raj riqꞌuineb. Caꞌaj cuiꞌ li cuib chi ulaꞌ, ma̱cꞌaꞌ te̱ba̱nu reheb, chan.

Isaías 3:1

Qꞌuehomak retal. Li Ka̱cuaꞌ li kꞌaxal nim xcuanquil ta̱risi Jerusalén ut Judá li cꞌaꞌak re ru li nequecꞌojob cuiꞌ e̱chꞌo̱l. Ut ta̱risi le̱ cua ut le̱ haꞌ.

San Mateo 6:11

Chaqꞌue taxak ke li kacua kucꞌa chi cuulaj cuulaj.

Génesis 18:6

Laj Abraham qui-oc saꞌ lix muheba̱l ut quixye re lix Sara: —Se̱ba a̱cuib. Chap oxib bis li cꞌaj li cha̱bil ut ta̱yi̱b li caxlan cua, chan.

Jueces 6:19

Ut laj Gedeón co̱ saꞌ rochoch ut quixcamsi jun li chiba̱t toj sa̱j ut quixchik. Riqꞌuin junmay litro li harina quixyi̱b li caxlan cua ma̱cꞌaꞌ xchꞌamal. Quixqꞌue li tib saꞌ jun li chacach ut quixqꞌue li caldo saꞌ jun li ucꞌal. Quixcꞌam chixjunil aran rubel li cheꞌ ji ut quixqꞌue re li ángel.

Jueces 13:16

Abanan li ángel quixye re: —Usta tincana̱k e̱riqꞌuin junpa̱tak, incꞌaꞌ tintzaca li cꞌaꞌru nacayi̱b. Abanan cui nacacuaj xba̱nunquil, ta̱mayeja li xul aꞌan chiru li Ka̱cuaꞌ, chan. Laj Manoa incꞌaꞌ quixnau nak li cui̱nk aꞌan x-ángel li Ka̱cuaꞌ.

1 Reyes 17:11

Ac yo̱ chi xic li ixk nak laj Elías quixbok cuiꞌchic ut quixye re: —Ta̱ba̱nu usilal, ta̱cꞌam ajcuiꞌ chak caꞌchꞌinak incaxlan cua, chan re.