Génesis 18:31 - Li Santil hu

³¹ Ut quixye cuiꞌchic laj Abraham: —At Ka̱cuaꞌ, chacuy inma̱c. Tinpatzꞌok cuiꞌchic a̱cue. Cui junmay (20) ajcuiꞌ li ti̱queb xchꞌo̱l, ¿ma ta̱sach ru li tenamit? chan. Ut li Ka̱cuaꞌ quixye re: —Saꞌ xcꞌabaꞌeb li junmay (20) li ti̱queb xchꞌo̱l, incꞌaꞌ tinsach ru li tenamit, chan.

Q'eqchi Bible

³¹ Kixye wi' chik laj Abrahán: “At inQaawa', chakuyaq inmaak. Ink'a' ninxiwak chawaatinankil: wi junmay ajwi' li tiikeb' xch'ool, ma taasach chixjunil li tenamit?”. Kichaq'ok li Qaawa' ut kixye: “Ink'a' ajwi' tinsach, sa' xk'ab'a'eb' li junmay”.

Génesis 18:31 ပူးပေါင်းရင်းမြစ်များ

Hebreos 4:16

Chotijok chi anchal kachꞌo̱l chiru li nimajcual Dios. Aꞌan ta̱ril xtokꞌoba̱l ku ut riqꞌuin xnimal rusilal toxtenkꞌa nak cua̱nko saꞌ junak raylal.

Efesios 6:18

Ut yoꞌon cua̱nkex. Junelic chextijok joꞌ naxcꞌut che̱ru li Santil Musikꞌej. Junelic chextzꞌa̱ma̱nk chiru chi anchal e̱chꞌo̱l nak li Dios ta̱tenkꞌa̱nk e̱re. Ut chetzꞌa̱ma chiru nak tixtenkꞌaheb chixjunileb li ralal xcꞌajol li Dios.

San Lucas 18:1

Li Jesús quixye li jaljo̱quil ru a̱tin aꞌin reheb lix tzolom re xcꞌutbal chiruheb nak tento teꞌtijok junelic ut incꞌaꞌ ta̱chꞌina̱nk xchꞌo̱leb.

San Lucas 11:8

Moco xban ta nak rami̱g nak ta̱cuacli̱k chixqꞌuebal re li cꞌaꞌru ta̱raj ru. Tixqꞌue ban re xban nak yo̱k chixpatzꞌbal ut re nak tixcanab xchꞌiꞌchꞌiꞌinquil.

San Mateo 7:11

Cui la̱ex li moco cha̱bilex ta nequenau xqꞌuebal li cꞌaꞌru cha̱bil re le̱ ralal e̱cꞌajol, ¿ma tojaꞌ ta chic le̱ Yucuaꞌ li cuan saꞌ choxa incꞌaꞌ tixqꞌue li kꞌaxal cha̱bil re li ani tixtzꞌa̱ma chiru?

San Mateo 7:7

Nak ta̱paltok cꞌaꞌru e̱re, chextzꞌa̱ma̱nk chiru li Dios ut aꞌan tixqꞌue e̱re; chesicꞌak ut te̱tau, chebokak ut li puerta ta̱tehekꞌ che̱ru.

Génesis 18:27

Ut laj Abraham quixye cuiꞌchic re li Ka̱cuaꞌ: —Chacuy inma̱c nak tina̱tinak cuiꞌchic a̱cuiqꞌuin chi joꞌcaꞌin. La̱at li Ka̱cuaꞌ Dios ut la̱in yal cui̱nkin.

Génesis 18:30

Laj Abraham quixye cuiꞌchic re li Ka̱cuaꞌ: —Chacuy inma̱c. Us cui incꞌaꞌ tatjoskꞌokꞌ cuiqꞌuin xban nak tinpatzꞌok cuiꞌchic a̱cue. Ma̱re caꞌaj cuiꞌ laje̱b xcaꞌcꞌa̱l (30) cuanqueb. ¿Ma ta̱sacheb ru li tenamit? chan. Ut li Ka̱cuaꞌ quixye re, —Saꞌ xcꞌabaꞌeb li laje̱b xcaꞌcꞌa̱l (30) li ti̱queb xchꞌo̱l, la̱in tincuy xma̱queb li tenamit, chan.

Génesis 18:32

Toj quixtzꞌa̱ma cuiꞌchic xcuybal laj Abraham ut quixye re li Ka̱cuaꞌ: —Ba̱nu usilal, at Ka̱cuaꞌ, matjoskꞌoꞌ cuiqꞌuin. Caꞌaj chic anakcuan tinpatzꞌok a̱cue ut incꞌaꞌ chic tatinchꞌiꞌchꞌiꞌi. ¿Cꞌaꞌru ta̱ba̱nu cui laje̱b (10) ajcuiꞌ li ti̱queb xchꞌo̱l li cuanqueb saꞌ li tenamit? chan. Ut li Ka̱cuaꞌ quixye re laj Abraham: —Saꞌ xcꞌabaꞌeb li laje̱b li ti̱queb xchꞌo̱l, incꞌaꞌ tinsach ru li tenamit, chan li Ka̱cuaꞌ.