Génesis 18:3 - Li Santil hu

³ —At Ka̱cuaꞌ, chan laj Abraham, —ta̱ba̱nu usilal, matxic cuan chi junpa̱t.

Q'eqchi Bible

³ ut kixye: “At inQaawa', wi usilal xintaw chawu, ma tik at nume'k chi xk'atq laj k'anjel chawu.

Génesis 18:3 ပူးပေါင်းရင်းမြစ်များ

Génesis 32:5

Ut te̱ye ajcuiꞌ re nak nabaleb lin queto̱mk cuan; cuan incuacax, cuan inbu̱r. Ut cuan ajcuiꞌ nabaleb inmo̱s, joꞌ cui̱nk joꞌ ixk. Joꞌcan nak xintakla xyebal chi joꞌcaꞌin. Usan cui tinixcꞌul saꞌ xya̱lal, chan laj Jacob. Ut eb lix takl laj Jacob queꞌco̱eb riqꞌuin laj Esaú.

Génesis 18:2

Laj Abraham quiril nak xaka̱mileb oxibeb li cui̱nk chiru. Saꞌ junpa̱t qui-el chixcꞌulbaleb. Quixcuikꞌib rib ut quixxulub lix jolom saꞌ chꞌochꞌ, ut quixye:

Génesis 18:4

Tintakla xcꞌambal caꞌchꞌinak li haꞌ re te̱chꞌaj le̱ rok. Chexhila̱nk rubel xmu li cheꞌ.

Génesis 24:31

Laj Labán quixye re: —La̱at raro̱cat xban li Dios. Incꞌaꞌ tatcana̱k arin chire li haꞌ. Yoꞌo saꞌ kochoch ut tathila̱nk kiqꞌuin. Ac yi̱banbil le̱ naꞌaj joꞌ ajcuiꞌ xnaꞌajeb la̱ camellos, chan.

Génesis 39:4

Ut quixqꞌue ajcuiꞌ retal nak laj José naxqꞌue xchꞌo̱l chixba̱nunquil lix cꞌanjel. Joꞌcan nak quixqꞌue chokꞌ xbe̱n mo̱s ut quixkꞌaxtesi saꞌ rukꞌ chixjunil li cꞌaꞌru cuan re.

Jueces 6:18

Ba̱nu usilal. China̱cuoybeni junpa̱tak. Toj xic cue chixcꞌambal lin mayej re tinqꞌue a̱cue, chan laj Gedeón. Ut li Ka̱cuaꞌ quixye: —Arin cua̱nkin cha̱cuoybeninquil, chan.

Jueces 6:19

Ut laj Gedeón co̱ saꞌ rochoch ut quixcamsi jun li chiba̱t toj sa̱j ut quixchik. Riqꞌuin junmay litro li harina quixyi̱b li caxlan cua ma̱cꞌaꞌ xchꞌamal. Quixqꞌue li tib saꞌ jun li chacach ut quixqꞌue li caldo saꞌ jun li ucꞌal. Quixcꞌam chixjunil aran rubel li cheꞌ ji ut quixqꞌue re li ángel.

Jueces 6:20

Ut lix ángel li Ka̱cuaꞌ quixye re: —Qꞌue li tib ut li caxlan cua saꞌ xbe̱n li pec aꞌin ut ta̱hoy li caldo saꞌ xbe̱n, chan. Ut laj Gedeón quixba̱nu joꞌ quiyeheꞌ re.