Génesis 18:27 - Li Santil hu

²⁷ Ut laj Abraham quixye cuiꞌchic re li Ka̱cuaꞌ: —Chacuy inma̱c nak tina̱tinak cuiꞌchic a̱cuiqꞌuin chi joꞌcaꞌin. La̱at li Ka̱cuaꞌ Dios ut la̱in yal cui̱nkin.

Q'eqchi Bible

²⁷ Kixye laj Abrahán: “At inQaawa', chakuyaq inmaak. Yal pojtz'in ut chahin, ab'anan ink'a' ninxiwak chawaatinankil.

Génesis 18:27 ပူးပေါင်းရင်းမြစ်များ

Isaías 6:5

Tojoꞌnak quinye la̱in: —Tokꞌob xak cuu. La̱in jun cui̱nk aj ma̱c ut incꞌaꞌ us li na-el saꞌ xtzꞌu̱mal cue. Ut saꞌ xya̱nkeb li tenamit aj ma̱c cuanquin. Anakcuan tinca̱mk xban nak riqꞌuin xnakꞌ cuu xcuil ru li Rey, li Ka̱cuaꞌ li nimajcual Dios.—

San Lucas 5:8

Nak quiril chixjunil aꞌin laj Simón Pedro, quixcuikꞌib rib chiru li Jesús ut quixye re: —Canabin injunes, at Ka̱cuaꞌ. Ma̱cuaꞌ incꞌulub nak cua̱nkat cuiqꞌuin xban nak la̱in jun cui̱nk aj ma̱c, chan.

Génesis 3:19

Cau tattrabajik ut riqꞌuin la̱ tikob tatcuaꞌak. Joꞌcaꞌin nak tatcua̱nk toj retal tatca̱mk ut tatsukꞌi̱k cuiꞌchic chꞌochꞌ. Pacꞌbil chꞌochꞌ oquenakat chak ut chꞌochꞌ ajcuiꞌ tatsukꞌi̱k nak tat-osokꞌ, chan li Dios re laj Adán.

San Lucas 18:1

Li Jesús quixye li jaljo̱quil ru a̱tin aꞌin reheb lix tzolom re xcꞌutbal chiruheb nak tento teꞌtijok junelic ut incꞌaꞌ ta̱chꞌina̱nk xchꞌo̱leb.

Isaías 64:8

Anakcuan ut, at Ka̱cuaꞌ, la̱at li kayucuaꞌ. La̱at aj e̱chal ke. La̱o chanchano li seb ut la̱at laj pacꞌonel. La̱at catyi̱ban ke riqꞌuin la̱ cuukꞌ. La̱at catyi̱ban chak ke chikajunilo.

Eclesiastés 12:7

Nak tatca̱mk, tatsukꞌi̱k cuiꞌchic chꞌochꞌ xban nak chꞌochꞌ oquenakat. Ut la̱ musikꞌ ta̱xic cuiꞌchic riqꞌuin li Dios xban nak aꞌan quiqꞌuehoc la̱ musikꞌ.

Li xHu LAJ JOB 30:19

Chanchan xinixcut saꞌ li sulul. Ut chanchanin chic li poks malaj ut li cha.

Li xHu LAJ JOB 4:19

¿Ma tojaꞌ ta chic riqꞌuin li cui̱nk tixcꞌojob xchꞌo̱l li Dios? Li cui̱nk kꞌaxal kꞌun xchꞌo̱l xban nak chꞌochꞌ oquenak ut teꞌosokꞌ joꞌ nak na-osoꞌ li cab xban li cꞌa̱ms.

Génesis 2:7

Li Ka̱cuaꞌ Dios quixyi̱b li cui̱nk. Quixpacꞌ riqꞌuin chꞌochꞌ ut quirapu saꞌ li ruꞌuj re nak tixqꞌue lix musikꞌ. Ut cuan chic xyuꞌam li cui̱nk.

Salmos 144:3

At nimajcual Dios, ¿cꞌaꞌut nak nacacꞌoxlaheb li cui̱nk? Eb aꞌan ma̱cꞌaꞌ xcuanquileb. ¿Cꞌaꞌut nak nacaqꞌue a̱chꞌo̱l chirixeb? Eb aꞌan ma̱cꞌaꞌeb xcuanquileb.

Salmos 8:4

la̱in nincꞌoxla ut ninye, ¿cꞌaꞌut nak nacacꞌoxlaheb li cui̱nk? Ma̱cꞌaꞌ xcuanquileb. ¿Cꞌaꞌut nak nacaqꞌue a̱chꞌo̱l chirixeb? Eb aꞌan ma̱cꞌaꞌ xcuanquileb.

Esdras 9:6

Ut quinye: —At Ka̱cuaꞌ, at inDios, sachso innaꞌleb ut ninxuta̱nac chixtaksinquil li cuiloba̱l cha̱cuu xban nak kꞌaxal numtajenak li kama̱usilal. At Ka̱cuaꞌ, xban nak kꞌaxal nabal li kama̱c chanchan nak ac xcuulac toj saꞌ choxa.

Génesis 18:28

Cui caꞌaj cuiꞌ o̱b roxcꞌa̱l (45) li cristian ti̱queb xchꞌo̱l cuanqueb saꞌ li tenamit aꞌan, ¿ma yal xban nak o̱b chic ta̱raj li mero ciento nak ta̱sach ru li tenamit? chan laj Abraham. Ut li Ka̱cuaꞌ Dios quixye re: —Cui cuanqueb o̱b roxcꞌa̱l (45) li cristian li ti̱queb xchꞌo̱l, la̱in incꞌaꞌ tinsach ru li tenamit, chan li Dios.

Éxodo 32:11

Laj Moisés quixtzꞌa̱ma chiru li Ka̱cuaꞌ Dios ut quixye re: —At Ka̱cuaꞌ Dios, ¿cꞌaꞌut nak mas xchal la̱ joskꞌil saꞌ xbe̱neb la̱ tenamit? Riqꞌuin lix nimal a̱cuanquilal xacuisiheb chak saꞌ li tenamit Egipto.