Génesis 18:26 - Li Santil hu

²⁶ Li Ka̱cuaꞌ Dios quixye re laj Abraham: —Cui cuanqueb mero ciento li ti̱queb xchꞌo̱l saꞌ li tenamit Sodoma, saꞌ xcꞌabaꞌ eb aꞌan tincuy xma̱queb chixjunileb li cuanqueb aran, chan.

Q'eqchi Bible

²⁶ Kichaq'ok li Qaawa': “Wi ta teb'intaw sa' li tenamit Sodoom lajeeb'aq roxk'aal tiikeb' xch'ool, sa' xk'ab'a'eb' a'an tinkuyeb' xmaak chixjunil li tenamit”, chan.

Génesis 18:26 ပူးပေါင်းရင်းမြစ်များ

Jeremías 5:1

Li Ka̱cuaꞌ quixye: —La̱ex aj Jerusalén, sicꞌomak saꞌ eb li be ut saꞌ eb li cꞌayil. Qꞌuehomak retal chanru lix naꞌlebeb li tenamit. Cui cuan junak li ta̱raj cua̱nc saꞌ xya̱lal ut saꞌ ti̱quilal, la̱in tincuy xma̱queb li tenamit aꞌin.

San Mateo 24:22

Cui ta ma̱cꞌaꞌ saꞌ xchꞌo̱l li Ka̱cuaꞌ xrakbal ruheb li cutan aꞌan, ma̱ ani raj ta̱cana̱k chi yoꞌyo saꞌ ruchichꞌochꞌ. Joꞌcan nak li Ka̱cuaꞌ tixse̱ba xrakbal ruheb li cutan aꞌan saꞌ xcꞌabaꞌeb li sicꞌbileb ru.

Ezequiel 22:30

La̱in xinsicꞌ jun saꞌ xya̱nkeb re nak tixcoleb chicuu. Xinsicꞌ jun naru tixchꞌolob lix ya̱lal chiruheb re nak incꞌaꞌ tinsacheb lin tenamit. Abanan ma̱ jun cha̱bil xintau.

Isaías 65:8

Joꞌcaꞌin naxye li Ka̱cuaꞌ Dios: —La̱in incꞌaꞌ tinsach ruheb chixjunileb lin tenamit. Toj cuan ban li tebincol, joꞌ nak nasiqꞌueꞌ ru li uvas. Incꞌaꞌ natzꞌekman chixjunil xban nak cuan li toj cha̱bil saꞌ xya̱nkeb.

Isaías 19:24

Saꞌ eb li cutan aꞌan junajak chic ruheb li oxib chi tenamit Israel, Egipto ut Asiria. Saꞌ xcꞌabaꞌeb aꞌan osobtesinbilak li ruchichꞌochꞌ.

Isaías 10:22

Usta kꞌaxal nabaleb laj Israel, joꞌ xqꞌuial li samaib li cuan chire li palau, abanan ta̱cuulak xkꞌehil nak incꞌaꞌ chic qꞌuihakeb. Aꞌaneb li teꞌsukꞌi̱k riqꞌuin li Ka̱cuaꞌ. Ac yebil nak ta̱rakekꞌ a̱tin saꞌ xbe̱neb laj Israel ut ta̱sachekꞌ ruheb lix qꞌuialeb.

Isaías 6:13

Cui toj teꞌcana̱k coꞌxibak tebinsach ajcuiꞌ ruheb aꞌan. Chanchan nak nayoqꞌueꞌ li cheꞌ ji ut caꞌaj chic lix to̱nal nacana, chan li Ka̱cuaꞌ. Abanan lix to̱n li cheꞌ aꞌan ta̱tuxmekꞌ cuiꞌchic. Aꞌan retalil li tenamit li sicꞌbil ru xban li Dios.

Génesis 18:17

Tojoꞌnak li Ka̱cuaꞌ Dios quixye saꞌ xchꞌo̱l: —Incꞌaꞌ tinmuk chiru laj Abraham li cꞌaꞌru tinba̱nu.