Génesis 18:25 - Li Santil hu

²⁵ Incꞌaꞌ naru ta̱sacheb ru li ti̱queb xchꞌo̱l joꞌ ta̱ba̱nu riqꞌuineb li incꞌaꞌ ti̱queb xchꞌo̱l. Ninnau nak la̱at incꞌaꞌ ta̱ba̱nu aꞌan xban nak la̱at nacatrakoc a̱tin saꞌ xya̱lal saꞌ xbe̱neb chixjunileb li cuanqueb saꞌ ruchichꞌochꞌ, chan laj Abraham.

Q'eqchi Bible

²⁵ Ink'a' naru taab'aanu a'an; ink'a' naru xk'eeb'al chi kamk li tiik xch'ool rochb'een laj maak. Ma truuq tab'i' naq tixk'ul li jun li b'arwan xk'ulum li jun chik? Ink'a' naru taab'aanu. Laj raqol aatin sa' xb'een chixjunil li ruuchich'och' ma ink'a' tab'i' taaraqoq aatin sa' tiikilal?”, chan laj Abrahán.

Génesis 18:25 ပူးပေါင်းရင်းမြစ်များ

Li xHu LAJ JOB 8:3

¿Ma incꞌaꞌ ta biꞌ saꞌ ti̱quilal narakoc a̱tin li Dios? ¿Ma tixjal ta biꞌ ru li ti̱quilal li nimajcual Dios?

Li xHu LAJ JOB 8:20

Li Dios incꞌaꞌ naxtzꞌekta̱na li ti̱queb xchꞌo̱l ut incꞌaꞌ naxtenkꞌaheb li incꞌaꞌ useb xnaꞌleb.

Salmos 58:11

Ut ta̱yema̱nk chi joꞌcaꞌin: Relic chi ya̱l nak cuan xkꞌajca̱munquileb li ti̱queb xchꞌo̱l. Relic chi ya̱l nak li Dios narakoc a̱tin saꞌ ti̱quilal saꞌ xbe̱neb li cuanqueb saꞌ ruchichꞌochꞌ.

Deuteronomio 32:4

Li Ka̱cuaꞌ, aꞌan li nacoloc ke joꞌ jun li sako̱nac li nequeꞌxcol cuiꞌ ribeb li tenamit. Li Ka̱cuaꞌ, aꞌan kꞌaxal cha̱bil ut ti̱c xchꞌo̱l. Naxba̱nu li ti̱quilal. Li Ka̱cuaꞌ kꞌaxal cha̱bil. Incꞌaꞌ naxba̱nu li incꞌaꞌ us. Junelic ban naxba̱nu li us ut li ti̱quilal.

Salmos 94:2

Cꞌutbesi taxak la̱ cuanquil nak tatrakok a̱tin saꞌ xbe̱neb li tenamit. Chaqꞌueheb taxak chixtojbal rix lix ma̱queb li nequeꞌxkꞌetkꞌeti ribeb.

2 Corintios 5:10

Nakanau nak chikajunilo toxkacꞌut kib chiru li Cristo re nak aꞌan ta̱rakok a̱tin saꞌ kabe̱n. Ut li junju̱nk tixcꞌul lix kꞌajca̱munquil aꞌ yal chanru lix yehom xba̱nuhom nak xcuan saꞌ ruchichꞌochꞌ, ma us malaj incꞌaꞌ us quixba̱nu.

Malaquías 3:18

Toj aran te̱qꞌue retal li ani quixba̱nu li us ut li ani incꞌaꞌ quixba̱nu li us. Te̱qꞌue retal lix jalanil riqꞌuineb li ani queꞌcꞌanjelac chicuu ut li ani incꞌaꞌ queꞌcꞌanjelac chicuu, chan li Ka̱cuaꞌ.

Salmos 98:9

Chixjunil ta li cꞌaꞌru cuan saꞌ ruchichꞌochꞌ teꞌsahokꞌ saꞌ xchꞌo̱l nak ta̱cha̱lk li Ka̱cuaꞌ chi rakoc a̱tin saꞌ xbe̱neb li cuanqueb saꞌ ruchichꞌochꞌ xban nak aꞌan ta̱rakok a̱tin saꞌ xya̱lal ut saꞌ ti̱quilal.

Jeremías 12:1

Laj Jeremías quixye: —At Ka̱cuaꞌ, la̱at junelic ti̱c a̱chꞌo̱l ut incꞌaꞌ raj nacuaj xcuechꞌbal rix li cꞌaꞌru nacaba̱nu. Abanan nacuaj xpatzꞌbal a̱cue cꞌaꞌut nak nacꞌulman chi joꞌcaꞌin. ¿Cꞌaꞌut nak us nequeꞌel li nequeꞌxba̱nu li ma̱usilal? ¿Cꞌaꞌut nak junelic sa cuanqueb li incꞌaꞌ useb xnaꞌleb?

Eclesiastés 7:15

Usta ma̱cꞌaꞌ na-oc cuiꞌ lin yuꞌam, abanan xinqꞌue retal li cuib chi naꞌleb aꞌin: Cuan nak eb li ti̱queb xchꞌo̱l nequeꞌcam nak toj sa̱jeb. Ut cuan nak eb li incꞌaꞌ useb xnaꞌleb najt nequeꞌcuan saꞌ ruchichꞌochꞌ.

Hebreos 12:23

Junaj chic e̱ru la̱ex aj pa̱banel. Ut tzꞌi̱banbil le̱ cꞌabaꞌ saꞌ choxa. Textzꞌako̱nk saꞌ choxa e̱rochbeneb li ti̱queb xchꞌo̱l li ac tzꞌakobresinbil ruheb xban li Dios. Cuanquex chi sum a̱tin riqꞌuin li Dios li ta̱rakok a̱tin saꞌ xbe̱neb chixjunileb li cuanqueb saꞌ ruchichꞌochꞌ.

Génesis 18:24

Ma̱re cuanqueb mero ciento chi cristian ti̱queb xchꞌo̱l saꞌ xya̱nkeb. Cui cuanqueb mero ciento li ti̱queb xchꞌo̱l, ¿ma incꞌaꞌ ta̱ru̱k ta̱cuy xma̱queb li incꞌaꞌ ti̱queb xchꞌo̱l? ¿Malaj cuan saꞌ a̱chꞌo̱l nak ta̱sach chi junaj cua li tenamit aꞌan? chan.

Deuteronomio 1:16

Ut la̱in quinye reheb li teꞌrakok a̱tin saꞌ e̱be̱n, “Te̱qꞌue retal chi us li cꞌaꞌru nequeꞌxye li yo̱queb chi cuechꞌi̱nc. Ut texrakok a̱tin saꞌ xya̱lal saꞌ xbe̱neb, usta a̱cuech aj Israelil malaj ut li jalan xtenamit li cuanqueb saꞌ e̱ya̱nk.

Deuteronomio 1:17

Incꞌaꞌ te̱sicꞌ ru li ani te̱col rix. Texrakok ban a̱tin saꞌ ti̱quilal saꞌ xbe̱neb li ma̱cꞌaꞌeb xcuanquil joꞌ eb ajcuiꞌ li cuanqueb xcuanquil. Ma̱ ani te̱xucua ru xban nak li tzꞌakal aj rakol a̱tin, aꞌan li Dios. Cui kꞌaxal nim li chꞌaꞌajquilal ut incꞌaꞌ texru̱k chixyi̱banquil, te̱cꞌameb chak cuiqꞌuin ut la̱in tinrakok a̱tin saꞌ xbe̱neb,” chanquin reheb.

Jueces 11:27

La̱o incꞌaꞌ xoma̱cob che̱ru la̱ex. La̱o incꞌaꞌ yo̱co chi pletic e̱riqꞌuin. Abanan la̱ex incꞌaꞌ us yo̱quex nak xexchal chi pletic kiqꞌuin. Li Ka̱cuaꞌ Dios, aꞌan laj rakol a̱tin. Aꞌan li ta̱rakok a̱tin saꞌ kabe̱n la̱o aj Israel ut saꞌ e̱be̱n ajcuiꞌ la̱ex aj Amón, chan laj Jefté.

2 Crónicas 19:7

Chexucua ru li Ka̱cuaꞌ ut cheqꞌuehak retal li cꞌaꞌru te̱ba̱nu xban nak li Ka̱cuaꞌ li kaDios incꞌaꞌ naraj nak te̱sicꞌ ru ani te̱col rix chi moco naraj nak ta̱tumina̱k e̱ru. Naraj ban nak texrakok a̱tin saꞌ xya̱lal, chan.

Nehemías 9:33

Riqꞌuin chixjunil li raylal li yo̱co chixcꞌulbal nacꞌutun la̱ ti̱quilal xban nak xaba̱nu joꞌ caye. La̱at saꞌ ti̱quilal nacaba̱nu chixjunil. Abanan la̱o junes ma̱usilal nakaba̱nu.

Li xHu LAJ JOB 34:10

Abanan la̱ex li se̱b e̱chꞌo̱l chixtaubal lix ya̱lal, cherabihak li cꞌaꞌru tinye. La̱in ninnau nak incꞌaꞌ te̱cꞌoxla nak li nimajcual Dios naxba̱nu li ma̱usilal. Aꞌan junelic narakoc a̱tin saꞌ ti̱quilal.

Eclesiastés 3:17

Joꞌcan nak quinye saꞌ inchꞌo̱l: —Li ani ti̱c xchꞌo̱l ta̱rakekꞌ a̱tin saꞌ xbe̱n xban li Dios, ut ta̱rakekꞌ ajcuiꞌ a̱tin saꞌ xbe̱n li naxba̱nu ma̱usilal xban nak ac xakabanbil li ho̱nal aꞌan xban li Dios nak ta̱rakekꞌ a̱tin saꞌ kabe̱n riqꞌuin li cꞌaꞌru nakaba̱nu ut riqꞌuin li cꞌaꞌru nakacꞌul.—

Jeremías 11:20

Abanan la̱at, at Ka̱cuaꞌ at nimajcual Dios, la̱at nacatrakoc a̱tin saꞌ ti̱quilal. La̱at nacanau chanru xnaꞌleb li junju̱nk ut cꞌaꞌru cuan saꞌ xcꞌaꞌuxeb. Nacuaj nacuil nak ta̱qꞌue re̱kaj reheb li ma̱usilal nequeꞌxba̱nu. La̱in nincanab cuib saꞌ a̱cuukꞌ la̱at.

Ezequiel 18:25

Ut cui la̱ex te̱ye nak moco ti̱c ta li cꞌaꞌru yo̱quin chixba̱nunquil, la̱in li Ka̱cuaꞌ tinye e̱re: Abihomak la̱ex aj Israel. ¿Ma ya̱l nak moco ti̱c ta li cꞌaꞌru yo̱quin chixba̱nunquil? ¿Ma ma̱cuaꞌ ta biꞌ la̱ex li incꞌaꞌ nequexcuan saꞌ ti̱quilal?

Números 16:22

Ut laj Moisés ut laj Aarón queꞌxhupub ribeb saꞌ chꞌochꞌ ut queꞌxye: —At Ka̱cuaꞌ, at kaDios, la̱at nacatqꞌuehoc xyuꞌam li junju̱nk. Jun ajcuiꞌ li xma̱cob cha̱cuu. ¿Ma ta̱cuisi a̱joskꞌil saꞌ xbe̱neb chixjunileb li tenamit?—

1 Crónicas 16:33

Cheꞌsahokꞌ ta saꞌ xchꞌo̱leb chiru li Ka̱cuaꞌ chixjunileb li cheꞌ li cuanqueb saꞌ qꞌuicheꞌ, xban nak li Ka̱cuaꞌ ta̱cha̱lk chi rakoc a̱tin saꞌ xbe̱neb li cuanqueb saꞌ ruchichꞌochꞌ.

Li xHu LAJ JOB 34:12

Relic chi ya̱l li nimajcual Dios incꞌaꞌ naxba̱nu ma̱usilal. Saꞌ ti̱quilal ban narakoc a̱tin.

Salmos 7:12

Cui incꞌaꞌ nequeꞌxyotꞌ xchꞌo̱leb ut cui incꞌaꞌ nequeꞌxjal xcꞌaꞌuxeb, li Dios tixteneb ca̱mc saꞌ xbe̱neb. Chanchan nak yo̱ chixkꞌesnanquil lix chꞌi̱chꞌ ut chanchan nak yo̱ chixcauresinquil lix tzimaj re camsi̱nc.

Salmos 50:6

Ut li cuanqueb saꞌ choxa teꞌxchꞌolob xya̱lal nak ti̱c xchꞌo̱l li Dios ut aꞌan li narakoc a̱tin saꞌ ti̱quilal.

Salmos 75:3

Nak na-ecꞌan li ruchichꞌochꞌ saꞌ xnaꞌaj ut nequeꞌsicsot li cristian xbaneb xxiu, la̱in ninchapoc re li nacu̱tun re li ruchichꞌochꞌ re nak ma̱cꞌaꞌ nequeꞌxcꞌul xban nak la̱in yal cue saꞌ xbe̱n chixjunil.