Génesis 18:15 - Li Santil hu

¹⁵ Ut lix Sara quixucuac nak quirabi li a̱tin aꞌan ut quixye: —La̱in incꞌaꞌ xinseꞌec, chan. Ut li Ka̱cuaꞌ quixye, —La̱in ninnau nak xatseꞌec, chan.

Q'eqchi Bible

¹⁵ Kixiwak lix Sara ut kixye: “Ink'a' ninse'ek”. Ab'an li Qaawa' kixye re: “Maaye a'an. Yaal naq xatse'ek”.

Génesis 18:15 ပူးပေါင်းရင်းမြစ်များ

1 Juan 1:8

Cui nakaye nak ma̱cꞌaꞌ kama̱c, nakabalakꞌi kib ut moco ya̱l ta li yo̱co chixyebal.

Proverbios 28:13

Li ani naxmuk lix ma̱c, incꞌaꞌ us ta̱e̱lk. Abanan li ani tixpatzꞌ xcuybal xma̱c ut tixcanab xba̱nunquil li ma̱usilal, ta̱uxta̱na̱k ru.

Efesios 4:23

Ut acꞌobresinbilak taxak le̱ ra̱m ut le̱ cꞌaꞌux.

Salmos 44:21

la̱at xanau raj ajcuiꞌ xban nak ma̱cꞌaꞌ mukmu cha̱cuu. La̱at nacanau chixjunil.

Romanos 3:19

Nakanau nak chixjunil li tzꞌi̱banbil saꞌ li chakꞌrab, aꞌan reheb li cuanqueb rubel xcuanquil li chakꞌrab. Aꞌan aj e nak cuan li chakꞌrab re nak chixjunileb teꞌxnau nak cuanqueb xma̱c ut ma̱cꞌaꞌ chic naru teꞌxye, re teꞌxcol cuiꞌ rib chiru li Dios nak ta̱rakekꞌ a̱tin saꞌ xbe̱neb.

San Juan 18:17

Ut li ixk, li nacꞌacꞌalen re li oqueba̱l quixye re laj Pedro, —¿Ma ma̱cuaꞌ ta biꞌ la̱at jun reheb lix tzolom li cui̱nk aꞌan? chan re. Laj Pedro quichakꞌoc ut quixye: —Incꞌaꞌ. Ma̱cuaꞌin.—

San Juan 2:25

Incꞌaꞌ tento nak ta̱chꞌoloba̱k chiru chanru lix cꞌaꞌuxeb xban nak ac naxnau chanru lix naꞌleb li junju̱nk.

San Marcos 2:8

Ticto quixnau li Jesús cꞌaꞌru yo̱queb chixcꞌoxlanquil. Quixye reheb: —¿Cꞌaꞌut nak nequecꞌoxla chi joꞌcan?

Proverbios 12:19

Li ani naxye li ya̱l ta̱cua̱nk chi junelic. Abanan li ani naticꞌtiꞌic incꞌaꞌ najt ta̱cua̱nk.

Li xHu LAJ JOB 2:10

Laj Job quixye re li rixakil: —¿Cꞌaꞌut nak nacat-a̱tinac chi joꞌcan? La̱at to̱ntil naꞌleb nacaye. Cui nakacꞌul li us li naxqꞌue ke li Dios, ¿cꞌaꞌut nak incꞌaꞌ takacꞌul li raylal li nachal saꞌ kabe̱n? chan re. Ut riqꞌuin chixjunil li raylal li quixcꞌul ma̱ jun a̱tin quixye re xtzꞌekta̱nanquil li Dios.

Génesis 12:13

Ta̱ba̱nu usilal, ta̱yeheb re nak la̱at cuanab re nak incꞌaꞌ tineꞌxcamsi. Chi joꞌcan tina̱col saꞌ rukꞌeb laj Egipto, chan laj Abram re li rixakil.

Génesis 4:9

Li Dios quixye re laj Caín: —¿Bar cuan la̱ cui̱tzꞌin?— Laj Caín quixye: —Incꞌaꞌ ninnau. ¿Ma la̱in ta biꞌ aj ilol re li cui̱tzꞌin? chan.

Colosenses 3:9

Mexticꞌtiꞌic. Me̱ba̱nu chic chixjunil li ma̱usilal aꞌin xban nak chixjunil li cꞌaꞌak re ru queba̱nu chak najter ac xerisi saꞌ le̱ chꞌo̱l.

Génesis 18:14

La̱in li Ka̱cuaꞌ Dios. Ma̱cꞌaꞌ chꞌaꞌaj chicuu. Chiru li chihab jun chic tinsukꞌi̱k chak cha̱cuilbal ut lix Sara ac cua̱nk chic jun lix cꞌulaꞌal chꞌina te̱lom, chan li Ka̱cuaꞌ Dios.

Génesis 18:16

Chirix chic aꞌan li oxibeb chi cui̱nk queꞌxakli ut queꞌoc chi xic saꞌ li tenamit Sodoma. Laj Abraham co̱ chirixeb re xchakꞌrabinquileb.

Salmos 44:22

Saꞌ a̱cꞌabaꞌ la̱at nak junelic nequeꞌraj kacamsinquil. Chiruheb aꞌan, chanchano li carner re camsi̱c.