Génesis 17:23 - Li Santil hu

²³ Saꞌ ajcuiꞌ li cutan aꞌan laj Abraham quixset lix tzꞌu̱mal ruꞌuj xtzꞌejcual laj Ismael. Chi joꞌcaꞌin quixba̱nu li circuncisión reheb lix mo̱s li queꞌyoꞌla saꞌ rochoch. Ut quixba̱nu ajcuiꞌ reheb lix lokꞌbil mo̱s. Saꞌ li cutan aꞌan qui-uxman chixjunil joꞌ quiyeheꞌ re xban li Ka̱cuaꞌ Dios.

Q'eqchi Bible

²³ Toja' naq laj Abrahán kixb'oq chaq laj Ismael li ralal, jo' ajwi' chixjunileb' li yo'lajenaqeb' sa' rochoch ut li loq'b'ileb' rik'in li xtumin (chixjunileb' li teelom li wankeb' sa' rochoch laj Abrahán), ut sa' ajwi' li kutan a'an kixset xtz'uumal xtz'ejwaleb', jo' kiyehe'k re xb'aan li Yos.

Génesis 17:23 ပူးပေါင်းရင်းမြစ်များ

Proverbios 27:1

Me̱nimobresi e̱rib chixyebal cꞌaꞌru te̱ba̱nu cuulaj xban nak incꞌaꞌ nequenau cꞌaꞌru ta̱cꞌulma̱nk cuulaj.

Eclesiastés 9:10

Chixjunil li naru ta̱ba̱nu saꞌ ruchichꞌochꞌ, chaba̱nuhak, aꞌ yal joꞌ qꞌuial ta̱cuy xba̱nunquil. Nak tatca̱mk, ma̱cꞌaꞌ chic ta̱ru̱k ta̱ba̱nu. Nak ac cua̱nkat chic saꞌ li jul, incꞌaꞌ chic tatcꞌanjelak. Ma̱cꞌaꞌak chic a̱cꞌaꞌux ut ma̱cꞌaꞌak chic a̱naꞌleb.

Salmos 119:60

Junpa̱t xin-oc cuiꞌchic xba̱nunquil li cꞌaꞌru naxye la̱ chakꞌrab. Incꞌaꞌ xinbay cuib.

Génesis 34:24

Chixjunileb li cui̱nk saꞌ li tenamit aꞌan queꞌxcꞌul xchꞌo̱l li cꞌaꞌru quiyeheꞌ reheb xbaneb laj Hamor ut laj Siquem. Ut chixjunileb queꞌxcꞌul li circuncisión.

Génesis 18:19

Ac xinsicꞌ ru re ta̱cꞌamok be chiruheb li ralal xcꞌajol. Aꞌan ta̱chꞌoloba̱nk re xya̱lal chiruheb re nak teꞌxpa̱b li cua̱tin ut teꞌcua̱nk saꞌ usilal ut saꞌ ti̱quilal. Cui teꞌxba̱nu aꞌin, la̱in tinba̱nu chixjunil li cꞌaꞌru xinyechiꞌi re laj Abraham, chan li Dios.

Gálatas 6:15

Usta takacꞌul li circuncisión, usta incꞌaꞌ, ma̱cꞌaꞌ chic na-oc cuiꞌ chiku xban nak reho chic li Jesucristo. Li kꞌaxal lokꞌ aꞌan li acꞌ yuꞌam li naxqꞌue ke li Dios.

Gálatas 5:6

Cui la̱o reho chic li Jesucristo, ma̱cꞌaꞌ naxye cui takacꞌul li circuncisión malaj ut incꞌaꞌ. Li kꞌaxal tento xba̱nunquil, aꞌan xpa̱banquil li Jesucristo. Ut cui ya̱l nak nakapa̱b li Cristo, ta̱cꞌutu̱nk li kapa̱ba̱l xban nak nocorahoc.

Hechos 16:3

Laj Pablo quiraj xcꞌambal laj Timoteo chirix. Joꞌcan nak quixba̱nu li circuncisión re. Incꞌaꞌ quiraj nak teꞌchꞌina̱nk xchꞌo̱leb laj judío li cuanqueb saꞌ eb li naꞌajej aran xban nak chixjunileb queꞌxnau nak lix yucuaꞌ laj Timoteo ma̱cuaꞌ aj judío.

Génesis 14:14

Nak laj Abram quirabi nak quicꞌameꞌ laj Lot, ticto quixchꞌutubeb oxib ciento riqꞌuin cuakxaklaju (318) lix mo̱s. Eb aꞌan yoꞌlajenakeb saꞌ lix chꞌochꞌ laj Abram. Chixjunileb queꞌxta̱ke li queꞌcꞌamoc re laj Lot. Queꞌcuulac toj saꞌ li tenamit Dan.

Génesis 17:9

Ut li Dios quixye ajcuiꞌ re laj Abraham: —Tento nak la̱at ta̱ba̱nu li contrato cuiqꞌuin la̱in. Joꞌcan ajcuiꞌ teꞌxba̱nu la̱ cualal a̱cꞌajol.