Génesis 17:17 - Li Santil hu

¹⁷ Laj Abraham quicuikꞌla ut quixxulub lix jolom saꞌ chꞌochꞌ ut qui-oc chi seꞌec. Laj Abraham quixye saꞌ xchꞌo̱l: —¿Ma kꞌaxal ya̱l ta cuiꞌ nak ta̱cua̱nk junak cualal nak ac xinba̱nu li jun ciento chihab? Ut lix Sara, ¿ma ta̱cua̱nk ta biꞌ junak lix cꞌulaꞌal nak ac xba̱nu li laje̱b roꞌcꞌa̱l (90) chihab? chan.

Q'eqchi Bible

¹⁷ Laj Abrahán kixhupub' rib', ki'ok chi se'ek ut kixye sa' xch'ool: “Junaq winq aj o'k'aal (100) chihab' ma taakanaaq tab'i' cho'q yuwa'b'ej? Ut lix Sara li ak xket lajeeb' ro'k'aal (90) chihab' ma taa'alanq tab'i'?”.

Génesis 17:17 ပူးပေါင်းရင်းမြစ်များ

Apocalipsis 11:16

Ut eb li ca̱hib xcaꞌcꞌa̱l li cꞌojcꞌo̱queb saꞌ lix cꞌojariba̱l queꞌxcuikꞌib ribeb ut queꞌxlokꞌoni li Dios.

San Juan 8:56

Laj Abraham le̱ xeꞌto̱nil yucuaꞌ quisahoꞌ saꞌ xchꞌo̱l nak tincha̱lk saꞌ ruchichꞌochꞌ. Quiril nak quincꞌulun ut quisahoꞌ saꞌ xchꞌo̱l xban, chan li Jesús reheb.

Génesis 21:6

Lix Sara quixye saꞌ xchꞌo̱l: —Li Dios xinixqꞌue chi seꞌec xban xsahil inchꞌo̱l xban nak xcuan incꞌulaꞌal. Ut nak teꞌrabi nak xyoꞌla lin cꞌulaꞌal, chixjunileb teꞌsahokꞌ saꞌ xchꞌo̱leb cuiqꞌuin.

Génesis 18:12

Xban aꞌan lix Sara quiseꞌec saꞌ xchꞌo̱l ut quixye: —¿Chanru nak ta̱cua̱nk li saylal aꞌin? Lin be̱lom ut la̱in ac xoti̱x chi us, chan saꞌ xchꞌo̱l.

Génesis 17:3

Laj Abram quicuikꞌla ut quixxulub lix jolom saꞌ chꞌochꞌ.

Ezequiel 1:28

Nalemtzꞌun lix lokꞌal li Dios nak quicuil. Chanchan li xo̱quikꞌab li naxqꞌue rib saꞌ li chok nak yo̱ li hab. Nak quicuil lix lokꞌal li Dios, quincut cuib saꞌ chꞌochꞌ ut quicuabi xya̱b xcux nak qui-oc chi a̱tinac.

Apocalipsis 5:8

Nak quixchap li botbil hu, li ca̱hib li chanchaneb ángel ut li ca̱hib xcaꞌcꞌa̱l li cꞌojcꞌo̱queb aran queꞌxcuikꞌib ribeb chiru li Jun li chanchan carner. Cuanqueb x-arpa chi xju̱nkaleb ut cuanqueb xsecꞌ yi̱banbil riqꞌuin oro ut cuan li sununquil ban chi saꞌ retalil lix tijeb li ralal xcꞌajol li Dios.

Li xHu LAJ JOB 1:20

Nak quirabi aꞌan, laj Job quicuacli ut quixpej li rakꞌ ut quixbes li rismal retalil lix rahil xchꞌo̱l ut quixcuikꞌib rib saꞌ chꞌochꞌ ut quixlokꞌoni li Dios.

Daniel 8:17

Laj Gabriel quijiloc ut quixakli chincꞌatk. Cꞌajoꞌ nak quinxucuac ut quincut cuib saꞌ chꞌochꞌ. Ut quixye cue: —At ralal cui̱nk, chatauhak taxak ru xban nak li xacuil saꞌ li visión, aꞌan talajeꞌcꞌulma̱nk saꞌ rosoꞌjiqueb li cutan, chan.

1 Crónicas 21:16

Laj David qui-iloc takecꞌ ut quiril lix ángel li Ka̱cuaꞌ xakxo saꞌ xyi li choxa ut li ruchichꞌochꞌ. Ac cauresinbil lix chꞌi̱chꞌ saꞌ rukꞌ re xsachbal ru li tenamit Jerusalén. Laj David ut eb li nequeꞌcꞌamoc be saꞌ xya̱nkeb laj Israel queꞌxhupub ribeb saꞌ chꞌochꞌ. Ut cuan li kꞌes ru tꞌicr chirixeb.

Jueces 13:20

Nak yo̱ chi cꞌatc li mayej saꞌ li artal, laj Manoa ut li rixakil queꞌril lix ángel li Dios yo̱ chi takecꞌ saꞌ choxa saꞌ xxamlel li mayej. Laj Manoa ut li rixakil queꞌxhupub ribeb saꞌ chꞌochꞌ.

Josué 7:6

Laj Josué ut eb li nequeꞌcꞌamoc be saꞌ xya̱nkeb laj Israel queꞌxkꞌich li rakꞌeb ut queꞌxcut rib saꞌ chꞌochꞌ chiru li Lokꞌlaj Ca̱x xban xrahil xchꞌo̱leb ut queꞌxqꞌue poks saꞌ xjolomeb ut queꞌcana aran toj qui-ecuu.

Josué 5:14

Li cui̱nk quixye re: —Ma̱cuaꞌin xcomoneb la̱ soldado chi moco la̱in xcomoneb li xicꞌ nequeꞌiloc e̱re. La̱in nintaklan saꞌ xbe̱neb lix soldado li nimajcual Dios, chan. Ut laj Josué quixcuikꞌib rib chiru toj quixtochꞌ li chꞌochꞌ riqꞌuin lix jolom ut quixlokꞌoni ut quixye re: —La̱in aj cꞌanjel cha̱cuu. ¿Cꞌaꞌru ta̱cuaj tinba̱nu? chan.

Deuteronomio 9:25

Joꞌcan nak la̱in quincut cuib saꞌ chꞌochꞌ chi tijoc chiru li Ka̱cuaꞌ chiru caꞌcꞌa̱l cutan ut caꞌcꞌa̱l kꞌojyi̱n xban nak li Ka̱cuaꞌ quixye nak tixsach e̱ru.

Deuteronomio 9:18

Ut quincut cuib saꞌ chꞌochꞌ chiru li Ka̱cuaꞌ joꞌ quinba̱nu junxil. Ut chiru caꞌcꞌa̱l cutan ut caꞌcꞌa̱l kꞌojyi̱n incꞌaꞌ quincuaꞌac chi moco quin-ucꞌac xban chixjunil li ma̱c li queba̱nu. Queba̱nu li ma̱usilal chiru li Ka̱cuaꞌ ut quechikꞌ xjoskꞌil.

Números 16:45

—Isihomak e̱rib saꞌ xya̱nkeb laj Israel re nak ta̱ru̱k tinsach ruheb chi junaj cua, chan. Ut queꞌxhupub ribeb saꞌ chꞌochꞌ.

Números 16:22

Ut laj Moisés ut laj Aarón queꞌxhupub ribeb saꞌ chꞌochꞌ ut queꞌxye: —At Ka̱cuaꞌ, at kaDios, la̱at nacatqꞌuehoc xyuꞌam li junju̱nk. Jun ajcuiꞌ li xma̱cob cha̱cuu. ¿Ma ta̱cuisi a̱joskꞌil saꞌ xbe̱neb chixjunileb li tenamit?—

Números 14:5

Ut laj Moisés ut laj Aarón queꞌxcut rib chiru chꞌochꞌ chiruheb chixjunileb laj Israel xban xrahil xchꞌo̱leb.

Levítico 9:24

Ut li Ka̱cuaꞌ quixtakla li xam ut quixcꞌat li mayej ut li xe̱b li cuan saꞌ xbe̱n li artal. Nak eb li tenamit queꞌril li xam queꞌxhupub ribeb saꞌ chꞌochꞌ ut queꞌxlokꞌoni li Dios.

San Mateo 2:11

Ut nak queꞌoc saꞌ li cab, queꞌxtau li cꞌulaꞌal rochben lix María li naꞌbej. Ut queꞌxcuikꞌib rib chiru li Jesús ut queꞌxlokꞌoni. Ut queꞌxte lix cꞌu̱leba̱leb ut queꞌxqꞌue lix ma̱tan. Ut li ma̱tan li queꞌxqꞌue, aꞌan li oro, li incienso ut li sununquil ban mirra xcꞌabaꞌ.

San Lucas 1:18

Quichakꞌoc laj Zacarías ut quixye: —¿Chanru nak tinnau nak ya̱l li yo̱cat chixyebal cue? La̱in ti̱xin chic. Joꞌcan ajcuiꞌ li cuixakil, chan.

Génesis 17:18

Ut laj Abraham quixye re li Dios, —Usan cui laj Ismael tixcꞌul li usilal a̱cuiqꞌuin, chan.

Génesis 18:11

Laj Abraham ut lix Sara ac ti̱xeb chic. Lix Sara ac xnumeꞌ xkꞌehil nak ta̱cua̱nk xcocꞌal.

Génesis 21:5

Jun ciento chihab cuan re laj Abraham nak quiyoꞌla laj Isaac.

Génesis 21:7

¿Ani ta cuiꞌ raj xyehoc re laj Abraham nak ta̱cua̱nk junak lix cꞌulaꞌal cuiqꞌuin? Ma̱ ani. Ut anakcuan saꞌ xti̱xilal laj Abraham, xyoꞌla jun lix cꞌulaꞌal cuiqꞌuin, chan lix Sara.