Génesis 17:16 - Li Santil hu

¹⁶ La̱in tincuosobtesi lix Sara. Ut ta̱cua̱nk la̱ cualal riqꞌuin. Relic chi ya̱l tincuosobtesi aꞌan. Lix Sara ta̱cua̱nk nabaleb li ralal xcꞌajol. Aꞌan ta̱oc chokꞌ xnaꞌeb nabal chi tenamit li toj teꞌyoꞌla̱k mokon. Li ralal xcꞌajol lix Sara teꞌoc chokꞌ xreyeb li tenamit, chan li Dios.

Q'eqchi Bible

¹⁶ Twosob'tesi ut taawanq aak'uula'al rik'in. Twosob'tesi ut a'anaq xna'eb' naab'al chi tenamit; ut wanqeb' x'awab'ej tenamit li te'elje'q rik'in”.

Génesis 17:16 ပူးပေါင်းရင်းမြစ်များ

Génesis 35:11

Li Dios quixye re: —La̱in li Ka̱cuaꞌ Dios li kꞌaxal nim incuanquil. Chexqꞌui̱k ut cheꞌta̱mk la̱ cualal a̱cꞌajol. Riqꞌuineb la̱ cualal a̱cꞌajol teꞌcua̱nk li ni̱nki tenamit. Ut saꞌ xya̱nkeb ajcuiꞌ aꞌan teꞌcua̱nk ajcuiꞌ li rey.

Isaías 49:23

Eb li rey ut eb li reina chanchanakeb lix naꞌ xyucuaꞌeb la̱ tenamit. Eb li jalan tenamit teꞌxcubsi ribeb cha̱cuu. Teꞌxcuikꞌib ribeb cha̱cuu re xqꞌuebal a̱lokꞌal. Ut la̱at ta̱nau nak la̱in li Ka̱cuaꞌ ut eb li cauheb xchꞌo̱l cuiqꞌuin incꞌaꞌ teꞌchꞌina̱nk xchꞌo̱leb.

Génesis 17:6

Relic chi ya̱l nak tebinqꞌue chi qꞌuia̱nc la̱ cualal a̱cꞌajol. Nabalak le̱ tenamit ut teꞌcua̱nk ajcuiꞌ le̱ rey saꞌ le̱ tenamit chixju̱nkaleb.

1 Pedro 3:6

Ut joꞌcan ajcuiꞌ quixba̱nu lix Sara. Qui-abin chiru laj Abraham lix be̱lom. Ut quixye “Ka̱cuaꞌ Abraham” re xban nak quix-oxlokꞌi. Joꞌcan ajcuiꞌ la̱ex. Cui te̱ba̱nu li usilal ut incꞌaꞌ texxucuak, la̱ex ajcuiꞌ joꞌ li ralal xcꞌajol lix Sara.

Romanos 9:9

Aꞌan aꞌin li quixyechiꞌi li Dios re laj Abraham nak quixye re: Nak toline̱lk saꞌ li chihab jun chic, lix Sara cua̱nk chic lix cꞌulaꞌal te̱lom. (Gén. 18:10)

Génesis 24:60

Queꞌxye re lix Rebeca: —Li Ka̱cuaꞌ Dios taxak chi-osobtesi̱nk a̱cue. Ut cheꞌcua̱nk taxak nabal la̱ cualal a̱cꞌajol. Ut nimak taxak xcuanquil eb la̱ cualal a̱cꞌajol li teꞌcua̱nk chiruheb li xicꞌ teꞌilok reheb aꞌan, chanqueb re.

Génesis 12:2

—Eb la̱ cualal a̱cꞌajol teꞌqꞌuia̱nk. Ut ta̱nima̱nk lix cuanquileb saꞌ ruchichꞌochꞌ. Ut la̱in tin-osobtesi̱nk a̱cue. Ut la̱ cꞌabaꞌ naꞌno̱k ru yalak bar. Saꞌ a̱cꞌabaꞌ la̱at, nabaleb chic li cristian teꞌxcꞌul li usilal xban nak la̱at sicꞌbil a̱cuu inban.

Génesis 1:28

Li Dios quirosobtesiheb aꞌan ut quixye reheb: —Chicua̱nk le̱ cocꞌal ut chexqꞌuia̱nk toj retal nak ta̱nujak li ruchichꞌochꞌ. La̱ex textakla̱nk saꞌ xbe̱n chixjunil li cꞌaꞌru cuan. Textakla̱nk saꞌ xbe̱neb chixjunil li xul li cuanqueb saꞌ li haꞌ joꞌ ajcuiꞌ li cuanqueb chiru choxa ut li cuanqueb saꞌ ruchichꞌochꞌ, chan.

Gálatas 4:23

Ut li ralal laj Abraham li quicuan riqꞌuin li lokꞌbil mo̱s, aꞌan moco yechiꞌinbil ta xban li Dios. Quiyoꞌla joꞌ nequeꞌyoꞌla chixjunileb saꞌ ruchichꞌochꞌ. Abanan li ralal li quiyoꞌla riqꞌuin li tzꞌakal rixakil, aꞌan quiyoꞌla xban nak yechiꞌinbil reheb xban li Dios.

Génesis 17:15

Li Dios quixye ajcuiꞌ re laj Abraham: —Anakcuan ma̱cuaꞌak chic xSarai xcꞌabaꞌ la̱ cuixakil; xSara chic ta̱qꞌuema̱nk chokꞌ xcꞌabaꞌ.

Génesis 17:19

Li Dios quixye re laj Abraham: —Ac xinye a̱cue nak lix Sara ta̱cua̱nk lix cꞌulaꞌal. Aj Isaac ta̱qꞌue chokꞌ xcꞌabaꞌ. La̱in tinba̱nu ajcuiꞌ lin contrato chi junelic riqꞌuin aꞌan joꞌ ajcuiꞌ riqꞌuineb li ralal xcꞌajol, chan.

Génesis 21:1

Lix Sara quixcꞌul li quiyechiꞌi̱c re junxil xban li Ka̱cuaꞌ Dios.

Génesis 25:23

Li Ka̱cuaꞌ Dios quixye re lix Rebeca: —Li cocꞌal li teꞌyoꞌla̱k, luteb. Li asbej ta̱cꞌanjelak chiru li i̱tzꞌinbej. Riqꞌuin li cuib li cocꞌal aꞌin teꞌcua̱nk cuib li ni̱nki tenamit. Jun li tenamit kꞌaxal nimak xcuanquil chiru li tenamit jun chic. Ut incꞌaꞌ teꞌxcꞌam rib saꞌ usilal, chan li Dios.

Génesis 36:31

Nak toj ma̱jiꞌ nacuan xreyeb laj Israel, aꞌaneb aꞌin li queꞌtaklan saꞌ li tenamit Edom.

Génesis 15:4

Ut li Ka̱cuaꞌ Dios quixye re laj Abram: —Ma̱cuaꞌ la̱ mo̱s ta̱e̱chani̱nk re. Relic chi ya̱l tinye a̱cue nak li ani ta̱e̱chani̱nk re li cꞌaꞌru cuan a̱cue, aꞌan li tzꞌakal la̱ cualal, chan li Dios.