Génesis 17:13 - Li Santil hu

¹³ Tento nak chixjunileb la̱ cualal a̱cꞌajol teꞌxcꞌul li circuncisión. Joꞌcan ajcuiꞌ eb la̱ mo̱s cui̱nk. Chi joꞌcaꞌin ta̱cana̱k jun retalil riqꞌuin le̱ tzꞌejcual. Aꞌan retalil li contrato li xkaba̱nu chi kibil kib.

Q'eqchi Bible

¹³ Tento te'xk'ul li sirkunsisyon li yo'lajenaqeb' sa' laawochoch ut eb' li loq'b'ileb' rik'in laatumin: chi jo'kan linSumwank taakanaaq sa' leetz'ejwal chi junelik.

Génesis 17:13 ပူးပေါင်းရင်းမြစ်များ

Éxodo 12:44

Eb li lokꞌbil mo̱s cui xeꞌxcꞌul li circuncisión ta̱ru̱k teꞌxtzaca li tzacae̱mk aꞌan.

Nehemías 5:8

Ut quinye reheb: —Xkisiheb rubel xcuanquil li jalan tenamit li kech tenamitil. Xkaba̱nu li joꞌ qꞌuial coru xba̱nunquil. Ut la̱ex chic yo̱quex chi rahobtesi̱nc reheb li kech tenamitil. Ut anakcuan, ¿ma toj takisiheb cuiꞌchic rubel e̱cuanquil la̱ex? chanquin reheb. Ut ma̱ jun reheb quichakꞌoc xban nak incꞌaꞌ chic queꞌxtau cꞌaꞌru queꞌxye.

Génesis 37:36

Nak queꞌcuulac aran Egipto eb laj madianita rochbeneb laj ismaelita queꞌxcꞌayi cuiꞌchic laj José re jun li cui̱nk aj Potifar xcꞌabaꞌ. Laj Potifar aꞌan li natenkꞌan re laj faraón chixtaklanquileb li soldado. Ut laj faraón, aꞌan li acuabej re li nimla tenamit Egipto.

San Mateo 18:25

Ut xban nak ma̱cꞌaꞌ cꞌaꞌru cuan re li cui̱nk aꞌan re tixtoj cuiꞌ lix cꞌas, joꞌcan nak li rey quixtakla xcꞌayinquil aꞌan rech xxiquic li rixakil, ut li ralal xcꞌajol ut chixjunil li cꞌaꞌru cuan re, re xtojbal lix cꞌas.

Nehemías 5:5

—La̱o kacomon kib riqꞌuineb li biom. Ut li kalal kacꞌajol juntakꞌe̱teb ajcuiꞌ riqꞌuineb li ralal xcꞌajol eb aꞌan. Moco jalaneb ta chic aꞌan chiku la̱o. Abanan la̱o tento nak takacꞌayiheb li kalal kacꞌajol chokꞌ xmo̱seb aꞌan. Cuanqueb karabin ac xkacꞌayiheb chokꞌ xmo̱seb aꞌan ut incꞌaꞌ chic naru nakisiheb riqꞌuineb xban nak ma̱cꞌaꞌ chic cuan ke. Li kachꞌochꞌ ut li kacui̱mk jalan chic aj e, chanqueb.

Éxodo 21:16

Joꞌcan ajcuiꞌ li ani ta̱relkꞌa junak ras ri̱tzꞌin, usta ac xcꞌayi jalan aj e, malaj ut toj cua̱nk riqꞌuin, aꞌan tento ajcuiꞌ ta̱camsi̱k.

Éxodo 21:4

Abanan cui lix patrón ta̱qꞌuehok rixakil ut cui cuan xcocꞌal riqꞌuin li ixk aꞌan, tento teꞌcana̱k riqꞌuin lix patrón lix cocꞌal rochben li rixakil. Ut li cui̱nk ta̱xic xjunes.

Éxodo 21:2

Cui teꞌxlokꞌ junak xmo̱seb, cuakib chihab ajcuiꞌ ta̱cꞌanjelak chiruheb. Saꞌ li xcuuk chihab libre chic ta̱cana̱k ut incꞌaꞌ tento tixtoj li relic.

Génesis 39:1

Laj José quicꞌameꞌ saꞌ li nimla tenamit Egipto xbaneb laj ismaelita. Jun li cui̱nk aj Potifar quilokꞌoc re. Laj Potifar, aꞌan natenkꞌan re laj faraón chixtaklanquileb li soldados. Laj faraón, aꞌan li acuabej re li tenamit Egipto.

Génesis 37:27

Kacꞌayihak reheb laj ismaelita. Kꞌaxal us nak ti̱c takacꞌayi ut incꞌaꞌ takacamsi xban nak aꞌan ki̱tzꞌin ut kaquiqꞌuel kib chi kibil kib, chan laj Judá. Ut eb li ras ut eb li ri̱tzꞌin queꞌxcꞌul xchꞌo̱l li quixye.

Génesis 15:3

—La̱at ma̱ jun li cualal xaqꞌue. Xban aꞌan chixjunil li cꞌaꞌru cuan cue, tento nak jun lin najter mo̱s quiyoꞌla saꞌ cuochoch, aꞌan ta̱e̱chani̱nk re, chan laj Abram.

Génesis 14:14

Nak laj Abram quirabi nak quicꞌameꞌ laj Lot, ticto quixchꞌutubeb oxib ciento riqꞌuin cuakxaklaju (318) lix mo̱s. Eb aꞌan yoꞌlajenakeb saꞌ lix chꞌochꞌ laj Abram. Chixjunileb queꞌxta̱ke li queꞌcꞌamoc re laj Lot. Queꞌcuulac toj saꞌ li tenamit Dan.

Génesis 9:16

Nak tincuil li xo̱quikꞌab saꞌ li chok, junelic ta̱julticokꞌ cue li cꞌaꞌru quinyechiꞌi chak e̱re joꞌ ajcuiꞌ reheb li xul.

Génesis 17:7

Junelic ta̱cua̱nk xcuanquil li contrato li xinba̱nu a̱cuiqꞌuin joꞌ ajcuiꞌ riqꞌuineb la̱ cualal a̱cꞌajol. La̱in la̱ Dios la̱at, ut la̱in ajcuiꞌ xDioseb la̱ cualal a̱cꞌajol.

Levítico 22:11

Abanan naru nequeꞌxtzaca li mayejanbil tzacae̱mk lix lokꞌbil mo̱s laj tij ut eb li mo̱s li queꞌyoꞌla saꞌ li rochoch.