Génesis 17:12 - Li Santil hu

¹² Li junju̱nk chi cꞌulaꞌal te̱lom tixcꞌul li circuncisión nak cua̱nk cuakxakib cutan xyoꞌlajic. Aꞌin lin chakꞌrab li ta̱ticla̱k anakcuan ut ta̱uxma̱nk chalen. Joꞌcan ta̱uxma̱nk reheb chixjunileb li cocꞌ te̱lom saꞌ xya̱nkeb la̱ cualal a̱cꞌajol joꞌ eb ajcuiꞌ la̱ lokꞌbil mo̱s usta jalan xtenamiteb.

Q'eqchi Bible

¹² Waqxaqib'aq kutan xyo'lajik, chixjunil li teelom sa' eeyanq tixk'ul li sirkunsisyon. Jo'ka'in taa'uxmanq chi junelik reheb' li yo'lajenaqeb' sa' laawochoch, jo'wi' reheb' li loq'b'ileb' rik'ineb' laj ab'l tenamit li maawa'eb' aawechkik'elil.

Génesis 17:12 ပူးပေါင်းရင်းမြစ်များ

Levítico 12:3

Ut saꞌ xcuakxak li cutan li cꞌulaꞌal tixcꞌul li circuncisión.

San Lucas 2:21

Cuakxakib cutan cuan re li cꞌulaꞌal nak quixcꞌul li circuncisión ut Jesús queꞌxqꞌue chokꞌ xcꞌabaꞌ, joꞌ quiyeheꞌ re lix María xban li ángel nak toj ma̱jiꞌ nacana chi yaj.

Filipenses 3:5

La̱in tzꞌakalin aj Israel. Cuakxakib cutan cuan cue nak xincꞌul li circuncisión. Lin naꞌ inyucuaꞌ aj hebreo xcomoneb xte̱pal laj Benjamín. La̱in ajcuiꞌ xcomoneb laj fariseo li nequeꞌxba̱nu chixjunil li tzꞌi̱banbil saꞌ li chakꞌrab li quiqꞌueheꞌ re laj Moisés.

San Lucas 1:59

Ac cuan cuakxakib cutan re li cꞌulaꞌal, nak quixcꞌul li circuncisión. Aj Zacarías raj queꞌxqꞌue chokꞌ xcꞌabaꞌ chokꞌ re̱kaj lix yucuaꞌ.

Romanos 2:28

Li tzꞌakal aj judío ma̱cuaꞌ aj judío yal xban xcꞌulbal li circuncisión. Riqꞌuin ban xpa̱banquil li chakꞌrab. Lix ya̱lal li circuncisión ma̱cuaꞌ caꞌaj cuiꞌ li na-ux riqꞌuin li tzꞌejcualej.

Hechos 7:8

Nak li Dios quixba̱nu li contrato riqꞌuin laj Abraham quixye re nak tento teꞌxba̱nu li circuncisión. Joꞌcan nak laj Abraham quixba̱nu li circuncisión riqꞌuin laj Isaac li ralal nak ac cuan cuakxakib cutan re. Ut laj Isaac quixba̱nu riqꞌuin laj Jacob li ralal ut joꞌcan ajcuiꞌ quixba̱nu laj Jacob riqꞌuineb li ralal cablaju.

Génesis 21:4

Nak ac cuan cuakxakib cutan re laj Isaac, laj Abraham quixba̱nu li circuncisión re joꞌ quiyeheꞌ re xban li Dios.

Génesis 17:23

Saꞌ ajcuiꞌ li cutan aꞌan laj Abraham quixset lix tzꞌu̱mal ruꞌuj xtzꞌejcual laj Ismael. Chi joꞌcaꞌin quixba̱nu li circuncisión reheb lix mo̱s li queꞌyoꞌla saꞌ rochoch. Ut quixba̱nu ajcuiꞌ reheb lix lokꞌbil mo̱s. Saꞌ li cutan aꞌan qui-uxman chixjunil joꞌ quiyeheꞌ re xban li Ka̱cuaꞌ Dios.

Éxodo 12:44

Eb li lokꞌbil mo̱s cui xeꞌxcꞌul li circuncisión ta̱ru̱k teꞌxtzaca li tzacae̱mk aꞌan.

Éxodo 22:30

Joꞌcan ajcuiꞌ te̱ba̱nu riqꞌuin li xbe̱n ral le̱ cuacax ut riqꞌuin li xbe̱n ral le̱ carner. Cuukub cutan teꞌcua̱nk riqꞌuin lix naꞌ ut saꞌ lix cuakxak cutan te̱kꞌaxtesi cue la̱in.