Génesis 17:10 - Li Santil hu

¹⁰ La̱at ta̱ba̱nu li cꞌaꞌru tinye a̱cue. Joꞌcan ajcuiꞌ teꞌxba̱nu chixjunileb la̱ cualal a̱cꞌajol. Ut aꞌan aꞌin li tinye e̱re. Li junju̱nk chi cui̱nk saꞌ e̱ya̱nk, tento nak teꞌxcꞌul li circuncisión.

Q'eqchi Bible

¹⁰ A'an a'in linSumwank li tento taapaab' laa'at ut eb' laawalal aak'ajol li te'wanq moqon: li junjunq chi teelom sa' eeyanq tento tixk'ul li sirkunsisyon.

Génesis 17:10 ပူးပေါင်းရင်းမြစ်များ

Hechos 7:8

Nak li Dios quixba̱nu li contrato riqꞌuin laj Abraham quixye re nak tento teꞌxba̱nu li circuncisión. Joꞌcan nak laj Abraham quixba̱nu li circuncisión riqꞌuin laj Isaac li ralal nak ac cuan cuakxakib cutan re. Ut laj Isaac quixba̱nu riqꞌuin laj Jacob li ralal ut joꞌcan ajcuiꞌ quixba̱nu laj Jacob riqꞌuineb li ralal cablaju.

Filipenses 3:3

La̱o ac xkacꞌul li tzꞌakal circuncisión xban nak la̱o nakalokꞌoni li Dios joꞌ naxcꞌut chiku li Santil Musikꞌej. Aꞌan li tzꞌakal circuncisión. La̱o nasahoꞌ li kachꞌo̱l nak junajo chic riqꞌuin li Cristo yal xban xnimal rusilal. Ma̱cuaꞌ riqꞌuin li nakaba̱nu la̱o kajunes.

Romanos 3:30

Nakanau nak jun ajcuiꞌ li Dios. Ut aꞌan naxti̱cobresi xchꞌo̱leb laj judío xban lix pa̱ba̱leb joꞌ ajcuiꞌ li ma̱cuaꞌeb aj judío.

Josué 5:2

Saꞌ eb li cutan aꞌan li Ka̱cuaꞌ quixye re laj Josué: —Ta̱yi̱b li kꞌesnal pec ut ta̱tiquib cuiꞌchic xba̱nunquil li circuncisión reheb laj Israel. Ta̱ba̱nu circuncidar li toj ma̱jiꞌ nequeꞌxcꞌul, chan.

Génesis 17:11

Ut li circuncisión aꞌan aꞌin: Ta̱setma̱nk caꞌchꞌinak xtzꞌu̱mal ruꞌuj xtzꞌejcual li cui̱nk. Ta̱ba̱nu aꞌin chokꞌ retalil li contrato li xkaba̱nu chi kibil kib.

Efesios 2:11

Chijulticokꞌ e̱re chanru nak quexcuan chak junxil. La̱ex li ma̱cuaꞌex aj judío tzꞌekta̱nanbilex xbaneb laj judío li queꞌxcꞌul li circuncisión, ut eb aꞌan queꞌxye nak incꞌaꞌ tzꞌakal e̱re e̱ru xban nak incꞌaꞌ quecꞌul li circuncisión.

Gálatas 6:12

Eb li nequeꞌraj xminbal e̱ru xcꞌulbal li circuncisión yo̱queb chixba̱nunquil aꞌan re xnimobresinquil ribeb. Yo̱queb chixba̱nunquil aꞌan xban nak incꞌaꞌ nequeꞌraj teꞌrahobtesi̱k saꞌ xcꞌabaꞌ xcamic li Jesucristo chiru li cruz.

Deuteronomio 30:6

Chanchan nak te̱ba̱nu li circuncisión nak li Ka̱cuaꞌ ta̱risi saꞌ le̱ ra̱m li incꞌaꞌ us, joꞌ tixba̱nu reheb le̱ ralal e̱cꞌajol re nak te̱ra li Ka̱cuaꞌ le̱ Dios chi anchal e̱chꞌo̱l ut chi anchal le̱ ra̱m ut ta̱cua̱nk le̱ yuꞌam chi junelic.

Gálatas 3:28

Anakcuan ut moco jalan ta chic laj griego chiruheb laj judío, chi moco jalan ta li mo̱s chiru li patrón, chi moco jalan ta li cui̱nk, chi moco jalan ta li ixk. Junaj ban chic ku saꞌ xcꞌabaꞌ li Jesucristo.

Romanos 3:28

Nakanau nak ta̱ti̱cokꞌ li kachꞌo̱l riqꞌuin xpa̱banquil li Cristo. Ma̱cuaꞌ riqꞌuin xba̱nunquil li naxye li chakꞌrab.

Romanos 3:25

Li Dios quixtakla chak li Ka̱cuaꞌ Jesucristo chi ca̱mc re xcuybal xma̱queb li teꞌpa̱ba̱nk re. Riqꞌuin li quixba̱nu quicꞌutun lix ti̱quilal xchꞌo̱l li Dios. Xban lix nimal xcuyum, incꞌaꞌ quixqꞌue saꞌ xchꞌo̱l lix ma̱queb li tenamit li queꞌma̱cob chak junxil.

Romanos 2:28

Li tzꞌakal aj judío ma̱cuaꞌ aj judío yal xban xcꞌulbal li circuncisión. Riqꞌuin ban xpa̱banquil li chakꞌrab. Lix ya̱lal li circuncisión ma̱cuaꞌ caꞌaj cuiꞌ li na-ux riqꞌuin li tzꞌejcualej.

San Juan 7:22

Laj Moisés quixye e̱re nak tento te̱ba̱nu li circuncisión reheb le̱ ralal. (Ma̱cuaꞌ laj Moisés li quitiquiban re. Aꞌ le̱ xeꞌto̱nil yucuaꞌ, aꞌaneb li queꞌtiquiban re xba̱nunquil li circuncisión.) Usta hiloba̱l cutan, la̱ex nequeba̱nu li circuncisión.

Jeremías 4:4

La̱ex aj Judá ut la̱ex aj Jerusalén, isihomak li yibru naꞌleb li cuan saꞌ le̱ chꞌo̱l ut kꞌaxtesihomak e̱rib chi tzꞌakal saꞌ cuukꞌ la̱in li Ka̱cuaꞌ le̱ Dios. Chanchan nak na-uxman li circuncisión. Cui incꞌaꞌ te̱ba̱nu li cꞌaꞌru ninye, la̱in tinjoskꞌokꞌ e̱riqꞌuin xban li ma̱usilal li nequeba̱nu. Ut incꞌaꞌ ta̱numekꞌ lin joskꞌil saꞌ e̱be̱n. Chanchanak li xam li incꞌaꞌ nachup, chan li Ka̱cuaꞌ.

Josué 5:4

Laj Josué quixba̱nu chi joꞌcaꞌin xban nak ac camenakeb chic chixjunileb li cui̱nk li queꞌel chak Egipto, li tzꞌakal xchihabeb re xic chi pletic. Queꞌcam nak yo̱queb chi numecꞌ saꞌ li chaki chꞌochꞌ.

Deuteronomio 10:16

Joꞌcan ut chalen anakcuan isihomak saꞌ le̱ ra̱m chixjunil li incꞌaꞌ us. Chanchan nak te̱ba̱nu li circuncisión. Cheba̱nu ban li cꞌaꞌru naraj li Ka̱cuaꞌ ut me̱cacuubresi chic le̱ chꞌo̱l.

Éxodo 12:48

Cui cuanqueb jalan xtenamit saꞌ e̱ya̱nk teꞌraj teꞌoque̱nk saꞌ li ninkꞌe aꞌin, tento nak chixjunileb li cui̱nk teꞌxcꞌul li circuncisión. Nak ac xeꞌxcꞌul li circuncisión, e̱comonakeb chic ut naru chic teꞌxtzaca li tzacae̱mk aꞌin. Aban ma̱ jun naru ta̱tzaca̱nk re cui ma̱jiꞌ xcꞌul li circuncisión.

Éxodo 4:25

Tojoꞌnak lix Séfora quixchap jun li kꞌesnal pec ut quixba̱nu circuncidar li ralal laj Moisés chiru li pec aꞌan. Quixcut lix tzꞌu̱mal li quixset saꞌ rok lix be̱lom ut quixye re: —Xban nak xhoyeꞌ xquiqꞌuel la̱ cualal nak xcꞌul li circuncisión, la̱at incꞌaꞌ tatca̱mk, chan.

Génesis 34:15

Cui chixjunilex la̱ex te̱cꞌul li circuncisión joꞌ nak xkacꞌul la̱o, la̱o takasume li cꞌaꞌru xaye ke.

Génesis 17:23

Saꞌ ajcuiꞌ li cutan aꞌan laj Abraham quixset lix tzꞌu̱mal ruꞌuj xtzꞌejcual laj Ismael. Chi joꞌcaꞌin quixba̱nu li circuncisión reheb lix mo̱s li queꞌyoꞌla saꞌ rochoch. Ut quixba̱nu ajcuiꞌ reheb lix lokꞌbil mo̱s. Saꞌ li cutan aꞌan qui-uxman chixjunil joꞌ quiyeheꞌ re xban li Ka̱cuaꞌ Dios.

Génesis 17:27

Chixjunileb lix mo̱s cui̱nk li queꞌyoꞌla saꞌ rochoch laj Abraham queꞌxcꞌul li circuncisión, joꞌ eb ajcuiꞌ li lokꞌbil mo̱s li jalan xtenamiteb.

Génesis 21:4

Nak ac cuan cuakxakib cutan re laj Isaac, laj Abraham quixba̱nu li circuncisión re joꞌ quiyeheꞌ re xban li Dios.

Génesis 34:22

Abanan eb aꞌan xeꞌxye nak tento takacꞌul li circuncisión joꞌ nak queꞌxcꞌul chak eb aꞌan re nak junajak chic ku.