Génesis 17:1 - Li Santil hu

¹ Nak ac bele̱laju roꞌcꞌa̱l (99) chihab cuan re laj Abram, li Ka̱cuaꞌ Dios quixcꞌutbesi rib chiru ut quixye re: —La̱in li Ka̱cuaꞌ Dios li kꞌaxal nim incuanquil. Chatcua̱nk saꞌ xya̱lal chicuu ut ti̱cak a̱chꞌo̱l.

Q'eqchi Bible

¹ B'eleelaju ro'k'aal (99) chihab' wank re laj Abrán naq li Qaawa' kixk'ut rib' chiru ut kixye re: “Laa'in li Nimajwal Yos. Wanqat chi sum'aatin wik'in ut tiikaq laach'ool.

Génesis 17:1 ပူးပေါင်းရင်းမြစ်များ

Filipenses 4:13

La̱in nincuy xnumsinquil chixjunil li raylal xban nak li Cristo naxqꞌue xcacuilal inchꞌo̱l re nak tincuy xnumsinquil.

Efesios 3:20

Lokꞌoninbil taxak li Dios li kꞌaxal nim xcuanquil chixba̱nunquil nabal chiru li nakatzꞌa̱ma. Riqꞌuin xnimal xcuanquil nacꞌanjelac saꞌ li ka̱m ut kꞌaxal nim xcuanquil chixba̱nunquil nabal chiru li nakoybeni.

Génesis 6:9

Laj Noé aꞌan jun cui̱nk ti̱c xchꞌo̱l. Tzꞌakal re ru lix yuꞌam nak cuan saꞌ xya̱nkeb li ras ri̱tzꞌin ut ti̱c lix yuꞌam chiru li Dios. Aꞌan aꞌin retalil li ralal xcꞌajol laj Noé.

San Lucas 1:6

Laj Zacarías ut li rixakil, aꞌan ti̱queb xchꞌo̱l chiru li Dios. Junelic nequeꞌxqꞌue xchꞌo̱leb chixba̱nunquil chi tzꞌakal lix chakꞌrabinquileb ut lix taklanquileb xban li Ka̱cuaꞌ Dios.

Salmos 116:9

Xban nak li Ka̱cuaꞌ quinixtenkꞌa, la̱in tincua̱nk chi sum a̱tin riqꞌuin nak toj cua̱nkin arin saꞌ ruchichꞌochꞌ saꞌ xya̱nkeb li toj yoꞌyo̱queb.

San Mateo 5:48

Ti̱cak biꞌ e̱chꞌo̱l joꞌ le̱ Yucuaꞌ li cuan saꞌ li choxa ti̱c xchꞌo̱l.

Isaías 38:3

—At Ka̱cuaꞌ, at inDios, la̱in nintzꞌa̱ma cha̱cuu, chijulticokꞌ taxak a̱cue nak la̱in xincꞌanjelac cha̱cuu chi anchal inchꞌo̱l ut saꞌ ti̱quilal. Xinba̱nu li us joꞌ nacuulac cha̱cuu, chan. Ut quiya̱bac chi kꞌaxal ra saꞌ xchꞌo̱l.

Li xHu LAJ JOB 1:1

Quicuan jun li cui̱nk aj Job xcꞌabaꞌ saꞌ li naꞌajej Uz. Li cui̱nk aꞌin tzꞌakal re ru lix yuꞌam ut ti̱c xchꞌo̱l. Naxxucua ru li Dios ut incꞌaꞌ naxba̱nu li ma̱usilal.

Génesis 18:14

La̱in li Ka̱cuaꞌ Dios. Ma̱cꞌaꞌ chꞌaꞌaj chicuu. Chiru li chihab jun chic tinsukꞌi̱k chak cha̱cuilbal ut lix Sara ac cua̱nk chic jun lix cꞌulaꞌal chꞌina te̱lom, chan li Ka̱cuaꞌ Dios.

Deuteronomio 18:13

Tzꞌakalak re ru le̱ yuꞌam la̱ex chiru li Ka̱cuaꞌ le̱ Dios.

San Mateo 19:26

Ut li Jesús quixcaꞌyaheb ut quixye reheb: —Chiru junak yal cui̱nk aꞌan ma̱min ta̱ru̱k, abanan chiru li Dios chixjunil naru xba̱nunquil.

Jeremías 32:17

—At Ka̱cuaꞌ, at nimajcual Dios, kꞌaxal nim la̱ cuanquil. La̱at catyi̱ban re li choxa ut li ruchichꞌochꞌ riqꞌuin xnimal a̱cuanquil. Ma̱cꞌaꞌ chꞌaꞌaj cha̱cuu la̱at.

Génesis 28:3

Li Ka̱cuaꞌ Dios, li kꞌaxal nim xcuanquil, aꞌan taxak ta̱osobtesi̱nk a̱cue ut tixqꞌue chi qꞌuia̱nc la̱ cualal a̱cꞌajol. Riqꞌuineb aꞌan teꞌcua̱nk li ni̱nki tenamit.

2 Reyes 20:3

—La̱in nintzꞌa̱ma cha̱cuu, at Ka̱cuaꞌ Dios, chijulticokꞌ taxak a̱cue nak la̱in xincꞌanjelac cha̱cuu chi anchal inchꞌo̱l ut xinba̱nu li us joꞌ nacuulac cha̱cuu, chan. Ut quiya̱bac chi kꞌaxal ra saꞌ xchꞌo̱l.

1 Reyes 3:6

Laj Salomón quixye re: —Junelic cacuuxta̱na ru laj David lin yucuaꞌ, laj cꞌanjel cha̱cuu xban nak junelic quixqꞌue xchꞌo̱l chi cua̱nc saꞌ xya̱lal cha̱cuu. Aꞌan ti̱c xchꞌo̱l ut quixba̱nu li us. Joꞌcan nak catenkꞌa ut caqꞌue li ralal chokꞌ rey chokꞌ re̱kaj aꞌan.

Miqueas 6:8

Li Ka̱cuaꞌ incꞌaꞌ naraj aꞌan. Ac chꞌolchꞌo chiku li cꞌaꞌru us. Ac yebil ke cꞌaꞌru naraj li Ka̱cuaꞌ. Li Ka̱cuaꞌ naraj nak tocua̱nk saꞌ ti̱quilal ut takaqꞌue kachꞌo̱l chi uxta̱na̱nc u, ut chikacubsi kib re nak tocua̱nk chi sum a̱tin riqꞌuin li Dios.

Génesis 35:11

Li Dios quixye re: —La̱in li Ka̱cuaꞌ Dios li kꞌaxal nim incuanquil. Chexqꞌui̱k ut cheꞌta̱mk la̱ cualal a̱cꞌajol. Riqꞌuineb la̱ cualal a̱cꞌajol teꞌcua̱nk li ni̱nki tenamit. Ut saꞌ xya̱nkeb ajcuiꞌ aꞌan teꞌcua̱nk ajcuiꞌ li rey.

Hebreos 7:25

Li Jesucristo aꞌan tzꞌakal ta̱colok reheb chixjunileb li nequeꞌpa̱ban re li Dios saꞌ xcꞌabaꞌ aꞌan. Li Jesucristo yoꞌyo chi junelic ut naa̱tinac chirixeb chiru li Dios.

Hebreos 12:28

Chikabantioxi chiru nak tocua̱nk riqꞌuin li Dios chi junelic saꞌ lix nimajcual cuanquilal. Aꞌan ma̱ jaruj ta̱osokꞌ. Cua̱nk ban chi junelic. Takalokꞌoni li Dios chi anchal kachꞌo̱l xban nak caꞌaj cuiꞌ aꞌan xcꞌulub lokꞌoni̱c. Kaqꞌuehak kachꞌo̱l chixba̱nunquil li cꞌaꞌru naraj aꞌan ut takaxucua ru.

Hechos 24:16

Joꞌcan nak ninqꞌue inchꞌo̱l chixba̱nunquil li us re nak ma̱cꞌaꞌak inma̱c chiru li Dios chi moco chiruheb li cuas cui̱tzꞌin.

Génesis 48:15

Ut laj Israel quirosobtesi laj José nak quixye re chi joꞌcaꞌin: —Li Ka̱cuaꞌ Dios li x-osobtesin chak reheb lin yucuaꞌ laj Abraham, joꞌ eb ajcuiꞌ laj Isaac, aꞌan ajcuiꞌ li Ka̱cuaꞌ Dios li yo̱ chi iloc chak cue chalen anakcuan;

Génesis 12:1

Li Ka̱cuaꞌ Dios quixye re laj Abram: —Tat-e̱lk saꞌ li naꞌajej aꞌin. Ta̱canabeb la̱ cuechꞌalal ut ta̱canab ajcuiꞌ rochoch la̱ yucuaꞌ. Ut tatxic saꞌ li naꞌajej li tincꞌut cha̱cuu la̱in, chan.

Génesis 5:24

Tzꞌakal re ru lix yuꞌam, ut saꞌ jun li cutan ma̱ ani chic saꞌ ruchichꞌochꞌ xban nak quicꞌameꞌ chi yoꞌyo xban li Dios.

Hechos 23:1

Laj Pablo quixcaꞌyaheb li nequeꞌtaklan saꞌ xbe̱neb laj judío ut quixye reheb: —Ex cuech tenamitil, la̱in cꞌojcꞌo inchꞌo̱l riqꞌuin li xinba̱nu chiru li Dios chalen toj saꞌ li cutan anakcuan, chan.

Salmos 115:3

Li kaDios, aꞌan cuan saꞌ choxa ut aꞌan naxba̱nu li cꞌaꞌru naraj.

Li xHu LAJ JOB 11:7

¿Ma nacacꞌoxla nak ta̱tau ru lix naꞌleb li Dios li mukmu nak cuan? ¿Ma nacacꞌoxla nak ta̱tau lix ti̱quilal xchꞌo̱l li nimajcual Dios?

1 Reyes 2:4

Cui tatcua̱nk saꞌ ti̱quilal chiru li Dios, li Dios tixba̱nu chixjunil li cꞌaꞌru quixyechiꞌi cue. Aꞌan quixye cue, “Cui eb la̱ cualal a̱cꞌajol teꞌcua̱nk saꞌ ti̱quilal chicuu ut cui teꞌxba̱nu li cꞌaꞌru ninye chi anchaleb xchꞌo̱l ut chi anchaleb li ra̱m, junelic eb la̱ cualal a̱cꞌajol teꞌoc chokꞌ xreyeb laj Israel.”

Deuteronomio 10:17

Xban nak li Ka̱cuaꞌ le̱ Dios, aꞌan li nimajcual Dios. Ma̱cꞌaꞌ chic junak Dios chiru aꞌan. Kꞌaxal nim xcuanquil saꞌ xbe̱neb chixjunileb li cuanqueb xcuanquil ut xucuajel ru. Aꞌan incꞌaꞌ naxsicꞌ ru li ani tixra ut ma̱ ani naru ta̱tumina̱nk ru.

Números 11:23

Ut li Ka̱cuaꞌ quichakꞌoc ut quixye re laj Moisés: —¿Ma nacacꞌoxla la̱at nak ma̱cꞌaꞌ incuanquil chixba̱nunquil aꞌin? Anakcuan ta̱cuil ma ta̱uxma̱nk tana li cꞌaꞌru xinye malaj ut incꞌaꞌ, chan li Ka̱cuaꞌ.

Éxodo 6:3

La̱in quincꞌutbesi chiruheb laj Abraham, laj Isaac joꞌ ajcuiꞌ laj Jacob nak la̱in li nimajcual Dios. Aban incꞌaꞌ quincꞌutbesi chiruheb nak la̱in li Dios li nacoloc.

Génesis 18:1

Nak ac xnumeꞌ cuaꞌleb, laj Abraham chunchu chire lix muheba̱l saꞌ li naꞌajej ji ru. Eb li cheꞌ ji, aꞌan re laj Mamre. Quicuulac li Ka̱cuaꞌ Dios riqꞌuin. Joꞌcaꞌin nak quixcꞌutbesi rib li Dios chiru laj Abraham.

Génesis 12:7

Saꞌ li naꞌajej aꞌan quia̱tinac li Dios riqꞌuin laj Abram ut quixye re, —Saꞌ jun cutan tinqꞌue chixjunil li naꞌajej aꞌin reheb la̱ cualal a̱cꞌajol, chan li Dios. Joꞌcan nak laj Abram quixtus li pec ut quixyi̱b jun lix artal re xlokꞌoninquil li Ka̱cuaꞌ Dios.

Daniel 4:35

Chixjunileb li cuanqueb saꞌ ruchichꞌochꞌ ma̱cꞌaꞌeb xcuanquil chiru aꞌan. Li Ka̱cuaꞌ kꞌaxal nim xcuanquil saꞌ xbe̱neb li cuanqueb saꞌ choxa joꞌ ajcuiꞌ saꞌ ruchichꞌochꞌ. Naxba̱nu li cꞌaꞌru naraj aꞌan ut ma̱ ani naru naa̱tinac chirix.

1 Reyes 8:25

Joꞌcan ut at Ka̱cuaꞌ, at kaDios la̱o aj Israel, chaba̱nu taxak li cꞌaꞌru cayechiꞌi chak re laj David lin yucuaꞌ nak caye chi joꞌcaꞌin, “Junelic ta̱cua̱nk junak reheb la̱ cualal a̱cꞌajol li teꞌoc saꞌ li cuanquilal. Abanan tento nak teꞌcua̱nk saꞌ xya̱lal chicuu ut teꞌcua̱nk saꞌ ti̱quilal.”

Génesis 16:16

Cuakib roꞌcꞌa̱l (86) chihab cuan re laj Abram nak quiyoꞌla laj Ismael.

Génesis 5:22

Chirix lix yoꞌlajic laj Matusalén, laj Enoc quicuan oxib ciento (300) chihab chic. Ut toj queꞌcuan chic ralal ut xrabin. Laj Enoc quicuan chi sum a̱tin riqꞌuin li Dios.

Génesis 24:40

Ut aꞌan quixye cue, “Matcꞌoxlac. Li Ka̱cuaꞌ Dios li na-iloc cue, aꞌan tixtakla chak junak lix ángel cha̱cuochbeninquil. Li ángel aꞌan tatxtenkꞌa re nak us tat-e̱lk saꞌ la̱ viaje nak tatxic aran. Ta̱sicꞌ junak rixakil li cualal saꞌ xya̱nkeb lin comon,” chan cue.

Génesis 26:2

Ut li Ka̱cuaꞌ Dios quixcꞌutbesi rib chiru laj Isaac ut quixye re: —Matxic saꞌ li tenamit Egipto. Tatcua̱nk saꞌ li naꞌajej li tinye a̱cue.

Génesis 43:14

Li Ka̱cuaꞌ Dios taxak ta̱tenkꞌa̱nk e̱re nak texcuulak riqꞌuin li cui̱nk aꞌan. Chisahokꞌ taxak saꞌ xchꞌo̱l nak texril ut tixba̱nu usilal e̱re. Ta̱rachꞌab taxak laj Simeón ut chicha̱lk taxak laj Benjamín nak texsukꞌi̱k chak la̱ex. Cui nequeꞌsach chicuu chi xcabichaleb li cualal, ¿cꞌaꞌ ta chic ru ta̱ru̱k tinba̱nu la̱in? chan laj Jacob.

Génesis 46:3

Ut li Ka̱cuaꞌ Dios quixye re: —La̱in li Ka̱cuaꞌ Dios li quixlokꞌoni la̱ yucuaꞌ. Matxucuac chi xic Egipto xban nak aran tinqꞌueheb chi qꞌuia̱nc nabaleb la̱ cualal a̱cꞌajol. Riqꞌuineb aꞌan ta̱cua̱nk jun nimla tenamit.

Deuteronomio 30:20

Te̱ra taxak li Ka̱cuaꞌ le̱ Dios ut te̱ba̱nu taxak li cꞌaꞌru naxye aꞌan. Ti̱cak taxak le̱ chꞌo̱l chiru ut me̱jal taxak e̱cꞌaꞌux. Li Ka̱cuaꞌ ta̱qꞌuehok re le̱ yuꞌam re nak najt texcua̱nk saꞌ li naꞌajej li quixyechiꞌi riqꞌuin juramento reheb le̱ xeꞌto̱nil yucuaꞌ, laj Abraham, laj Isaac ut laj Jacob, chan laj Moisés.

Salmos 25:14

Li Ka̱cuaꞌ nacuan chi sum a̱tin riqꞌuineb li nequeꞌxxucua ru ut naxcꞌut chiruheb cꞌaꞌru lix ya̱lal li contrato li quixba̱nu riqꞌuineb.

Génesis 48:3

Ut laj Jacob quia̱tinac riqꞌuin laj José ut quixye re: —Li Ka̱cuaꞌ Dios li kꞌaxal nim xcuanquil, quicuulac cuiqꞌuin saꞌ li naꞌajej Luz, li cuan Canaán. Ut aran li Ka̱cuaꞌ Dios quinrosobtesi.

Números 24:16

La̱in quin-abin re li cꞌaꞌru quixye li Ka̱cuaꞌ. La̱in li ninnaꞌoc re xcꞌaꞌux li nimajcual Dios. La̱in li quin-iloc re li visión li quixcꞌutbesi li nimajcual Dios. La̱in quincubsi cuib chiru li Ka̱cuaꞌ ut aꞌan quixcꞌut lix ya̱lal chicuu.

Proverbios 10:9

Li ani cuan saꞌ ti̱quilal ma̱cꞌaꞌ naxxucua. Ut li ani naxba̱nu li incꞌaꞌ us, incꞌaꞌ ajcuiꞌ us na-el.