Génesis 16:6 - Li Santil hu

⁶ Quichakꞌoc laj Abram ut quixye re: —La̱at nacanau nak la̱ mo̱s cuan rubel a̱takl. La̱at yal a̱cue cꞌaꞌru ta̱ba̱nu riqꞌuin, chan laj Abram. Cꞌajoꞌ nak quijoskꞌoꞌ lix Sarai saꞌ xbe̱n lix mo̱s ut cꞌajoꞌ nak quixchꞌila. Tojoꞌnak lix Agar quie̱lelic.

Q'eqchi Bible

⁶ Kichaq'ok laj Abrán ut kixye: “Li ixq aj k'anjel chawu wank rub'el aawoq rub'el aawuq'. B'aanu re li k'aru taawaj”. K'ajo' naq lix Saray kijosq'o'k sa' xb'een lix Agar, ut a'in ki'elelik chiru.

Génesis 16:6 ပူးပေါင်းရင်းမြစ်များ

Jeremías 38:5

Laj Sedequías quixye reheb: —Ba̱nuhomak re laj Jeremías li cꞌaꞌru te̱raj xba̱nunquil. La̱in ma̱cꞌaꞌ naru ninye, chan.

1 Pedro 3:7

Ut la̱ex be̱lomej, chexcua̱nk saꞌ xya̱lal riqꞌuineb le̱ rixakil. Che-oxlokꞌiheb. La̱ex nequenau nak eb li ixk kꞌuneb xchꞌo̱l ut ma̱cꞌaꞌeb xmetzꞌe̱uheb joꞌeb li cui̱nk. La̱ex te̱cꞌul le̱ ma̱tan xban rusilal li Dios. Joꞌcan ajcuiꞌ eb li ixk, teꞌxcꞌul ajcuiꞌ lix ma̱taneb. Ut li ma̱tan li te̱cꞌul, aꞌan li yuꞌam chi junelic. Cui te̱ba̱nu aꞌin, ma̱cꞌaꞌ ta̱chꞌaꞌajqui̱nk e̱re nak textijok.

Eclesiastés 10:4

Cui li cuan xcuanquil ta̱joskꞌokꞌ cha̱cuu, incꞌaꞌ ta̱sume ru, xban nak naru nequeyi̱b ru li chꞌaꞌajquilal saꞌ xya̱lal.

Proverbios 29:19

Incꞌaꞌ naru xkꞌusbal junak mo̱s yal riqꞌuin kꞌunil a̱tin. Usta naxtau ru li cꞌaꞌru nacaye re, abanan incꞌaꞌ tixba̱nu.

Proverbios 27:8

Li ani naxcanab li rochoch, aꞌan chanchan li xul li naxcanab xsoc.

Proverbios 15:1

Li ani nasumen riqꞌuin kꞌunil a̱tin naxcubsi xjoskꞌil li ani yo̱ chi a̱tinac saꞌ joskꞌil. Aꞌut li ani nasumen saꞌ joskꞌil, kꞌaxal cuiꞌchic naxnimobresi ru li chꞌaꞌajquilal.

Proverbios 14:29

Li ani cuan xnaꞌleb incꞌaꞌ najoskꞌoꞌ chi junpa̱t. Ut li ani incꞌaꞌ nacuyuc naxcꞌutbesi nak ma̱cꞌaꞌ xnaꞌleb.

Li xHu LAJ JOB 2:6

Joꞌcan nak li Ka̱cuaꞌ Dios quixye re laj tza: —Us. Ma̱cꞌaꞌ naxye. Ba̱nu li cꞌaꞌru ta̱cuaj re, abanan incꞌaꞌ ta̱camsi, chan li Ka̱cuaꞌ.

Éxodo 2:15

Quicuulac resil aꞌin riqꞌuin laj faraón ut quixcamsi raj laj Moisés. Ut laj Moisés quie̱lelic saꞌ junpa̱t chiru laj faraón. Co̱ saꞌ li tenamit Madián xcꞌabaꞌ.

Génesis 24:10

Lix mo̱s laj Abraham quixcꞌam laje̱b li camello chirix. Quixcꞌam ajcuiꞌ qꞌuila pa̱y ru li ma̱tan terto xtzꞌak li quitakla̱c xban laj Abraham. Li mo̱s co̱ saꞌ li tenamit Mesopotamia. Aꞌan lix tenamit laj Nacor, li ri̱tzꞌin laj Abraham.

Génesis 16:9

Lix ángel li Dios quixye re: —Sukꞌin cuiꞌchic riqꞌuin la̱ patrón. Tatcua̱nk saꞌ xya̱lal riqꞌuin ut ta̱pa̱b li cꞌaꞌru tixye a̱cue.

Josué 9:25

Anakcuan takacanab kib rubel a̱cuanquil. Ba̱nu li cꞌaꞌru nacacꞌoxla nak us xba̱nunquil, chanqueb laj Gabaón.