Génesis 16:4 - Li Santil hu

⁴ Tojoꞌnak laj Abram quicuan riqꞌuin, ut lix Agar quicana chi yaj aj ixk. Nak quixnau nak ta̱cua̱nk junak lix cꞌulaꞌal, lix Agar incꞌaꞌ chic quixqꞌue saꞌ xnakꞌ ru lix Sarai. Ut lix Agar xicꞌ chic naril aꞌan.

Q'eqchi Bible

⁴ Laj Abrán kiwank rik'in lix Agar, ut a'an kikanaak sa' yu'am. Ab'anan, naq kixk'e reetal naq wank sa' yu'am, ki'ok chi xtz'eqtaanankil lix Saray.

Génesis 16:4 ပူးပေါင်းရင်းမြစ်များ

Proverbios 30:23

li rox, aꞌan li ixk li xicꞌ na-ileꞌ, li naxtau xbe̱lom; ut li xca̱, aꞌan jun li mo̱s ixk li nacana chokꞌ re̱kaj li ixakilbej.

1 Corintios 4:6

Ex herma̱n, chixjunil li xinye chirix laj Apolos ut chicuix re e̱tenkꞌanquil nak xinye. Nacuaj nak te̱tau ru li cꞌaꞌru xinye. Chetzol e̱rib kiqꞌuin re nak te̱ba̱nu joꞌ tzꞌi̱banbil saꞌ li Santil Hu. Incꞌaꞌ naru te̱nimobresi e̱rib xban nak nequeta̱ke li jun ut nequetzꞌekta̱na li jun chic.

2 Samuel 6:16

Nak yo̱queb chirocsinquil li Lokꞌlaj Ca̱x Jerusalén, saꞌ lix tenamit laj David, lix Mical lix rabin laj Saúl yo̱ chi iloc saꞌ li ventana. Nak quiril nak laj David yo̱ chi xajoc ut yo̱ chi piscꞌoc re xqꞌuebal xlokꞌal li Ka̱cuaꞌ, xicꞌ quirecꞌa.

Génesis 16:3

Nak quicꞌulman aꞌin ac laje̱b chihab roquiqueb saꞌ li tenamit Canaán. Lix Sarai quixkꞌaxtesi lix mo̱s saꞌ rukꞌ laj Abram re nak ta̱cua̱nk riqꞌuin.

Génesis 16:5

Lix Sarai quixye re laj Abram: —Saꞌ a̱ma̱c la̱at nak yo̱quin chixcꞌulbal li raylal aꞌin. La̱in xinqꞌue lin mo̱s a̱cue ut anakcuan xicꞌ chic ninril. Nak xnau nak ta̱cua̱nk jun lix cꞌulaꞌal yo̱ chixnimobresinquil rib chicuu. Li Ka̱cuaꞌ Dios taxak tixye ke ani cuan xma̱c, ma la̱at malaj la̱in, chan lix Sarai.

Génesis 19:31

Saꞌ jun li cutan eb lix rabin laj Lot yo̱queb chi a̱tinac chi ribileb rib. Li asbej quixye re li ri̱tzꞌin: —Li kayucuaꞌ yo̱ chi ti̱xc. Ut arin ma̱ jun cui̱nk cuan re tosumla̱k riqꞌuineb joꞌ na-uxman yalak bar.

Génesis 21:9

Lix Sara quiril nak laj Ismael yo̱ chiretzꞌu̱nquil laj Isaac. Laj Ismael, aꞌan li ralal laj Abraham li quicuan riqꞌuin lix Agar. Aꞌan li mo̱s chalenak chak Egipto.

Génesis 30:4

Lix Raquel quixqꞌue lix mo̱s re laj Jacob re ta̱cua̱nk riqꞌuin.