Génesis 16:3 - Li Santil hu

³ Nak quicꞌulman aꞌin ac laje̱b chihab roquiqueb saꞌ li tenamit Canaán. Lix Sarai quixkꞌaxtesi lix mo̱s saꞌ rukꞌ laj Abram re nak ta̱cua̱nk riqꞌuin.

Q'eqchi Bible

³ Jo'kan naq, lajeeb'aq chihab' rokik laj Abrán sa' xteepal Kanahán, lix Saray, rixaqil laj Abrán, kixb'oq lix Agar laj Ejiipt, ut kixq'axtesi re laj Abrán li xb'eelom, cho'q rixaqil.

Génesis 16:3 ပူးပေါင်းရင်းမြစ်များ

Génesis 16:5

Lix Sarai quixye re laj Abram: —Saꞌ a̱ma̱c la̱at nak yo̱quin chixcꞌulbal li raylal aꞌin. La̱in xinqꞌue lin mo̱s a̱cue ut anakcuan xicꞌ chic ninril. Nak xnau nak ta̱cua̱nk jun lix cꞌulaꞌal yo̱ chixnimobresinquil rib chicuu. Li Ka̱cuaꞌ Dios taxak tixye ke ani cuan xma̱c, ma la̱at malaj la̱in, chan lix Sarai.

Gálatas 4:25

Lix Agar, aꞌan retalil li tzu̱l Sinaí li cuan Arabia. Aꞌan ajcuiꞌ retalil li tenamit Jerusalén. Ut eb laj Jerusalén chanchaneb li lokꞌbil mo̱s nak cuanqueb, xban nak toj cuanqueb rubel xcuanquil li najter chakꞌrab.

1 Reyes 11:3

Laj Salomón quisumla riqꞌuin cuukub ciento li ixk xrabineb rey. Ut quicuan ajcuiꞌ riqꞌuin oxib ciento chic li ixk ma̱cuaꞌ tzꞌakal rixakil. Ut saꞌ xcꞌabaꞌeb li ixk aꞌan, laj Salomón quixcanab xlokꞌoninquil li Dios.

2 Samuel 5:13

Nak qui-el Hebrón, laj David co̱ Jerusalén ut quixcꞌam nabal li ixk li yal queꞌcuan riqꞌuin chi joꞌcan. Ut quixcꞌameb ajcuiꞌ li rixakil. Ut quicuan chic ralal xcꞌajol riqꞌuineb.

Génesis 35:22

Nak ac cuanqueb chic saꞌ li naꞌajej aꞌan, laj Rubén quixchꞌic rib riqꞌuin lix Bilha li quicuan riqꞌuin lix yucuaꞌ joꞌ rixakil. Cꞌajoꞌ nak quijoskꞌoꞌ laj Israel nak quirabi cꞌaꞌru quixba̱nu li ralal. Cablaju eb li ralal laj Jacob queꞌcuan, li nayeman ajcuiꞌ aj Israel re.

Génesis 32:22

Saꞌ ajcuiꞌ li kꞌojyi̱n aꞌan, laj Jacob quicuacli ut quixtaklaheb chi xcabichal li rixakil jun pacꞌal li nimaꞌ Jaboc. Quixtaklaheb ajcuiꞌ li cuib chi mo̱s ixk joꞌ ajcuiꞌ li ralal junlaju.

Génesis 30:9

Chirix chic aꞌin, lix Lea quixqꞌue retal nak ma̱jiꞌ chic nacuan junak lix cꞌulaꞌal. Lix Lea quixkꞌaxtesi lix mo̱s, xZilpa xcꞌabaꞌ, saꞌ rukꞌ laj Jacob re nak ta̱cua̱nk riqꞌuin.

Génesis 30:4

Lix Raquel quixqꞌue lix mo̱s re laj Jacob re ta̱cua̱nk riqꞌuin.

Génesis 28:9

Joꞌcan nak laj Esaú co̱ riqꞌuin laj Ismael li ralal laj Abraham chixtzꞌa̱manquil chokꞌ rixakil lix Mahalat lix rabin. Lix Mahalat, aꞌan ri̱tzꞌin laj Nebaiot. Ac cuan cuib li rixakil laj Esaú nak quixcꞌam lix Mahalat chokꞌ rixakil.

Génesis 25:6

Nak toj yoꞌyo laj Abraham, quixqꞌueheb xma̱tan li ralal xcꞌajol li queꞌcuan riqꞌuineb jalan ixk. Quixtaklaheb saꞌ jun cꞌaleba̱l najt riqꞌuin li naꞌajej li cuan cuiꞌ laj Isaac. Li naꞌajej li queꞌco̱eb cuiꞌ, aꞌan cuan saꞌ xjayal li na-el cuiꞌ chak li sakꞌe.

Génesis 16:4

Tojoꞌnak laj Abram quicuan riqꞌuin, ut lix Agar quicana chi yaj aj ixk. Nak quixnau nak ta̱cua̱nk junak lix cꞌulaꞌal, lix Agar incꞌaꞌ chic quixqꞌue saꞌ xnakꞌ ru lix Sarai. Ut lix Agar xicꞌ chic naril aꞌan.

Génesis 16:16

Cuakib roꞌcꞌa̱l (86) chihab cuan re laj Abram nak quiyoꞌla laj Ismael.

Génesis 21:21

Laj Ismael quicuan saꞌ li chaki chꞌochꞌ Parán. Aran quisumuba̱c xban lix naꞌ riqꞌuin jun li ixk aj Egipto.