Génesis 16:2 - Li Santil hu

² Lix Sarai quixye re laj Abram: —La̱at nacanau nak ma̱ jun incꞌulaꞌal. La̱in tincuaj junak incꞌulaꞌal, aban li Ka̱cuaꞌ Dios incꞌaꞌ naxqꞌue cue. Naru tatcua̱nk riqꞌuin lin mo̱s. Ma̱re ta̱cua̱nk junak a̱cꞌulaꞌal riqꞌuin ut la̱in tinxoc chokꞌ cue, chan lix Sarai. Ut laj Abram quixpa̱b li cꞌaꞌru quiyeheꞌ re xban lix Sarai.

Q'eqchi Bible

² Kixye ut lix Saray re laj Abrán: “Laa'at nakanaw naq li Qaawa' xinxkanab' cho'q xma'al ixq. Nintz'aama b'i' chawu naq tatwanq rik'in lix Agar, laj k'anjel chiwu: mare anchal tinmaatani jun k'uula'al rik'in”, chan. Laj Abrán kixpaab' li kiyehe'k re xb'aan lix Saray.

Génesis 16:2 ပူးပေါင်းရင်းမြစ်များ

Éxodo 21:4

Abanan cui lix patrón ta̱qꞌuehok rixakil ut cui cuan xcocꞌal riqꞌuin li ixk aꞌan, tento teꞌcana̱k riqꞌuin lix patrón lix cocꞌal rochben li rixakil. Ut li cui̱nk ta̱xic xjunes.

Génesis 18:10

Ut jun li cuan saꞌ xya̱nkeb li oxib quixye re: —Toline̱lk cuiꞌchic saꞌ li chihab jun cha̱cuilbal. Ut lix Sara ac cua̱nk chic junak xcꞌulaꞌal te̱lom, chan re laj Abraham. Lix Sara cuan saꞌ cab ut quirabi li cꞌaꞌru yo̱queb chixyebal.

Génesis 3:17

Ut li Dios quixye re laj Adán: —Xban nak xapa̱b re la̱ cuixakil ut xalou ru li cheꞌ li xinye a̱cue nak incꞌaꞌ ta̱lou, a̱ma̱c la̱at nak tzꞌekta̱nanbilak chic li chꞌochꞌ chi junelic. Ra sa chic nak ta̱tau la̱ tzacae̱mk joꞌ najtil tatcua̱nk saꞌ ruchichꞌochꞌ.

Salmos 127:3

Eb li kacocꞌal, aꞌan jun kama̱tan xban li nimajcual Dios. Aꞌan eb jun kosobtesinquil naxqꞌue li Ka̱cuaꞌ.

Li xHu LIX RUT 4:11

Eb laj cꞌamol be ut chixjunileb li cuanqueb aran queꞌxye: —La̱o xkil ut xkanau. Ut aꞌ taxak li Ka̱cuaꞌ chiqꞌuehok re li ixk aꞌan chi cua̱nc saꞌ la̱ cuochoch chi cha̱bil. Chicua̱nk taxak joꞌ nak queꞌcuan chak lix Raquel ut lix Lea, li kaxeꞌ kato̱nal chikajunilo la̱o aj Israel. Ut la̱atak taxak jun cui̱nk kꞌaxal nim a̱cuanquil ut kꞌaxal naꞌno̱k taxak a̱cuu arin Belén Efrata.

Génesis 30:22

Li Dios quiril xtokꞌoba̱l ru lix Raquel ut quirabi lix tij. Xban aꞌan, li Dios quixqꞌue chi cua̱nc xcocꞌal.

Génesis 25:21

Laj Isaac quitijoc chiru li Ka̱cuaꞌ Dios. Quitijoc chirix li rixakil xban nak ma̱ jun lix cocꞌal nequeꞌcuan. Li Ka̱cuaꞌ Dios quirabi xtij laj Isaac. Ut lix Rebeca quicana chi yaj aj ixk.

Génesis 17:16

La̱in tincuosobtesi lix Sara. Ut ta̱cua̱nk la̱ cualal riqꞌuin. Relic chi ya̱l tincuosobtesi aꞌan. Lix Sara ta̱cua̱nk nabaleb li ralal xcꞌajol. Aꞌan ta̱oc chokꞌ xnaꞌeb nabal chi tenamit li toj teꞌyoꞌla̱k mokon. Li ralal xcꞌajol lix Sara teꞌoc chokꞌ xreyeb li tenamit, chan li Dios.

Génesis 3:12

Quichakꞌoc li cui̱nk ut quixye: —Li ixk li xaqꞌue chokꞌ cuochben, aꞌan xqꞌuehoc cue li ru li cheꞌ. Ut xinlou, chan.

Génesis 30:6

Tojoꞌnak lix Raquel quixye: —Anakcuan aj Dan tinqꞌue chokꞌ xcꞌabaꞌ li cꞌulaꞌal aꞌin xban nak li Ka̱cuaꞌ Dios xrabi li cꞌaꞌru xintzꞌa̱ma chiru. Xinrisi saꞌ raylal ut quixqꞌue cue jun lin cꞌulaꞌal, chan lix Raquel.

Génesis 19:31

Saꞌ jun li cutan eb lix rabin laj Lot yo̱queb chi a̱tinac chi ribileb rib. Li asbej quixye re li ri̱tzꞌin: —Li kayucuaꞌ yo̱ chi ti̱xc. Ut arin ma̱ jun cui̱nk cuan re tosumla̱k riqꞌuineb joꞌ na-uxman yalak bar.

Génesis 11:30

Lix Sarai ma̱ jun xcocꞌal quicuan. Ac re nak incꞌaꞌ naqꞌuiresin.