Génesis 16:11 - Li Santil hu

¹¹ Qꞌue retal, la̱at yaj aj ixkat. La̱ cꞌulaꞌal ta̱yoꞌla̱k chꞌina te̱lom. Aj Ismael ta̱qꞌue chokꞌ xcꞌabaꞌ. Joꞌcan lix cꞌabaꞌ ta̱qꞌue xban nak li Dios naxnau li raylal li yo̱cat chixcꞌulbal, ut aꞌan tatxtenkꞌa, chan.

Q'eqchi Bible

¹¹ K'e reetal, wankat sa' yu'am; taawanq jun aak'uula'al, ut a'an aj Ismael taak'e cho'q xk'ab'a', xb'aan naq li Yos xatrab'i sa' laarahilal.

Génesis 16:11 ပူးပေါင်းရင်းမြစ်များ

Éxodo 3:7

Li Ka̱cuaꞌ Dios quixye re: —La̱in yo̱quin chirilbal li raylal li yo̱queb chixcꞌulbal lin tenamit li cuanqueb Egipto. Yo̱quin chirabinquil nak yo̱queb chixkꞌokonquil ribeb saꞌ rukꞌeb li nequeꞌtaklan reheb saꞌ joskꞌil. Ninnau nak kꞌaxal nayotꞌeꞌ xchꞌo̱leb xban nak rahobtesinbileb.

Isaías 7:14

Joꞌcan ut nak li Ka̱cuaꞌ ta̱qꞌuehok e̱re junak retalil. Aꞌan aꞌin li retalil li ta̱qꞌuehekꞌ e̱re: Jun xkaꞌal toj ma̱jiꞌ cuanjenak riqꞌuin cui̱nk ta̱cua̱nk xcꞌulaꞌal chꞌina te̱lom. Ut Emanuel ta̱qꞌuehekꞌ chokꞌ xcꞌabaꞌ.

1 Samuel 1:20

Quicuulac xkꞌehil nak quiyoꞌla lix cꞌulaꞌal lix Ana. Ut aj Samuel quixqꞌue chokꞌ xcꞌabaꞌ xban nak li cꞌulaꞌal aꞌan tzꞌa̱manbil chiru li Dios.

Génesis 17:19

Li Dios quixye re laj Abraham: —Ac xinye a̱cue nak lix Sara ta̱cua̱nk lix cꞌulaꞌal. Aj Isaac ta̱qꞌue chokꞌ xcꞌabaꞌ. La̱in tinba̱nu ajcuiꞌ lin contrato chi junelic riqꞌuin aꞌan joꞌ ajcuiꞌ riqꞌuineb li ralal xcꞌajol, chan.

San Lucas 1:63

Laj Zacarías quixpatzꞌ jun xhu reheb re tixtzꞌi̱ba li cꞌabaꞌej chiru. Ut saꞌ li hu quixtzꞌi̱ba “Juan lix cꞌabaꞌ te̱qꞌue”. Nak queꞌril li hu, queꞌsach xchꞌo̱leb chixjunileb.

Li xHu LAJ JOB 38:41

¿Ma la̱at ta biꞌ nacatqꞌuehoc xtzacae̱mkeb li tzꞌok nak teꞌtzꞌoca̱k? Ut, ¿ma la̱at ta biꞌ nacatqꞌuehoc xcuaheb li cocꞌ ral nak nequeꞌxtzꞌa̱ma xtzacae̱mkeb cue?

Éxodo 3:9

Nacuabi nak yo̱queb chi ya̱bac ut yo̱queb chixkꞌokonquil ribeb. Ut ninnau ajcuiꞌ chanru nak nequeꞌrahobtesi̱c xbaneb laj Egipto.

San Lucas 1:31

Anakcuan tatcana̱k chi yaj aj ixk. Li Dios tixqꞌue jun a̱cꞌulaꞌal te̱lom ut Jesús lix cꞌabaꞌ ta̱qꞌue.

San Lucas 1:13

Ut li ángel quixye: —At Zacarías, matxucuac. Li Dios xrabi li cꞌaꞌru xatzꞌa̱ma. Lix Elisabet la̱ cuixakil ta̱cua̱nk jun xcꞌulaꞌal ut Juan ta̱qꞌue chokꞌ xcꞌabaꞌ.

Salmos 22:24

Li Ka̱cuaꞌ incꞌaꞌ naxtzꞌekta̱na li cuan saꞌ raylal. Aꞌan naxnau nak kꞌaxal ra yo̱ chixcꞌulbal. Incꞌaꞌ naxcanab yal chi joꞌcan. Aꞌan junelic narabi li ani naxpatzꞌ xtenkꞌanquil re.

Génesis 37:25

Chirix chic aꞌan, queꞌchunla ut queꞌoc chi cuaꞌac. Nak yo̱queb chi cuaꞌac queꞌril nak yo̱queb chi cha̱lc jun chꞌu̱t eb li cui̱nk aj ismaelita. Yo̱queb chak chi cha̱lc Galaad. Ut chirixeb lix camello yo̱queb chak chixcꞌambal oxib pa̱y ru li sununquil ban re teꞌxcꞌayi aran Egipto. Aꞌin lix cꞌabaꞌeb li oxib pa̱y ru chi sununquil ban: aromas, bálsamo ut mirra.

Génesis 21:17

Li Dios quirabi nak yo̱ chi ya̱bac li al. Lix ángel li Dios quia̱tinac chak toj saꞌ choxa riqꞌuin lix Agar ut quixye re: —¿Cꞌaꞌut nak ra saꞌ a̱chꞌo̱l? Matxucuac. Li Dios ac xrabi xya̱b xcux la̱ yum li bar cuan cuiꞌ.