Génesis 15:9 - Li Santil hu

⁹ Ut li Dios quixye re laj Abram: —La̱in tinba̱nu jun li contrato a̱cuiqꞌuin. Ta̱cꞌameb chak li xul li tinye a̱cue. Ta̱cꞌam chak jun li chꞌina ba̱c oxib chihab cuan re, ut jun li ixki chiba̱t oxib chihab cuan re, ut jun li te̱lom carner oxib chihab cuan re. Ut ta̱cꞌam ajcuiꞌ chak junak li chꞌina mucuy joꞌ ajcuiꞌ junak chꞌina paloma, chan li Dios.

Q'eqchi Bible

⁹ Kixye li Qaawa': “K'am chaq jun li ixqiwakax aj oxib' chihab', jun li ixqichib'aat aj oxib' chihab', jun karneer aj oxib' chihab', jun mukuy ut jun ch'ina uut”.

Génesis 15:9 ပူးပေါင်းရင်းမြစ်များ

San Lucas 2:24

Ut teꞌxqꞌue chokꞌ xmayejeb jun sumalak li mucuy malaj ut cuibak li paloma li toj sa̱jeb, joꞌ naxye saꞌ li chakꞌrab.

Levítico 14:30

Chirix aꞌan laj tij tixmayeja jun reheb li cuib chi mucuy malaj ut jun reheb li cuib chi paloma, aꞌ yal bar cuan li jun li tixcuy xqꞌuebal li jun li ac xqꞌuira.

Levítico 14:22

Tixcꞌam cuib li mucuy. Abanan cui ma̱cꞌaꞌ xtumin re xlokꞌbal aꞌan, naru tixcꞌam cuib li paloma toj sa̱j. Jun ta̱cꞌanjelak re xpatzꞌbal xcuybal lix ma̱c ut li jun chic ta̱cꞌanjelak re lix cꞌatbil mayej.

Levítico 9:2

Quixye re laj Aarón: —Chap jun li toro toj sa̱j ut ta̱mayeja re xtzꞌa̱manquil xcuybal le̱ ma̱c. Ut ta̱chap jun li te̱lom carner ut ta̱cꞌat re le̱ mayej. Tzꞌakalakeb re ru li ta̱qꞌue.

Levítico 3:6

Cui carner li tixqꞌue chokꞌ xmayej re xcꞌambal rib saꞌ usilal riqꞌuin li Ka̱cuaꞌ Dios, tento nak tixqꞌue junak tzꞌakalak re ru, usta te̱lom usta ixki carner.

Levítico 3:1

Cui te̱qꞌue li mayej re xcꞌambal e̱rib saꞌ usilal riqꞌuin li Dios, tento nak te̱mayeja chiru li Dios junak li cuacax tzꞌakal re ru, usta toro, usta ba̱c.

Levítico 1:14

Cui tixmayeja chokꞌ xcꞌatbil mayej jun li xul narupupic, tento nak mucuy malaj ut jun li paloma li toj sa̱j li tixmayeja.

Isaías 15:5

La̱in tincuil xtokꞌoba̱l ruheb laj Moab. Eb li cristian teꞌe̱lelik toj saꞌ eb li tenamit Zoar, ut Eglat-selisiya. Yo̱keb chi ya̱bac nak teꞌtakekꞌ saꞌ li tzu̱l Luhit ut japjo̱keb re xban xrahil xchꞌo̱leb nak teꞌe̱lelik toj Horonaim.

Salmos 50:5

Li Dios tixye: —Chꞌutubomakeb ruheb li ti̱queb xchꞌo̱l chicuu. Aꞌan eb li queꞌxba̱nu li contrato cuiqꞌuin ut queꞌxxakab xcuanquil riqꞌuin li cꞌatbil mayej, chaꞌak reheb.

Levítico 12:8

Cui li ixk incꞌaꞌ ta̱ru̱k xlokꞌbal li carner, naru tixqꞌue cuib li mucuy malaj ut cuib li paloma toj sa̱jeb. Jun tixqꞌue re li cꞌatbil mayej ut li jun chic tixqꞌue re nak incꞌaꞌ chic muxbil ru. Chi joꞌcaꞌin laj tij tixtoj rix lix ma̱c ut li ixk ta̱santobresi̱k riqꞌuin lix yajel.

Levítico 9:4

Teꞌxqꞌue ajcuiꞌ jun li cuacax ut jun li te̱lom carner re teꞌxmayeja re xcꞌambal ribeb saꞌ usilal riqꞌuin li Ka̱cuaꞌ. Teꞌxmayeja chiru li Ka̱cuaꞌ rochben li cꞌaj junajinbil riqꞌuin aceite. Teꞌxba̱nu chi joꞌcan xban nak chiru li cutan aꞌin tixcꞌutbesi rib li Ka̱cuaꞌ chiruheb, chan.

Levítico 1:10

Cui carner malaj ut chiba̱t li tixqꞌue chokꞌ cꞌatbil mayej, tento nak tixqꞌue junak te̱lom tzꞌakalak re ru.

Levítico 1:3

Cui cuacax teꞌxqꞌue chokꞌ xcꞌatbil mayej, tento nak teꞌxqꞌue li toro tzꞌakalak re ru. Ut teꞌxqꞌue joꞌ na-ala saꞌ xchꞌo̱leb. Teꞌxcꞌam lix mayej chiru li Ka̱cuaꞌ saꞌ li oqueba̱l re li tabernáculo li nequeꞌxchꞌutub cuiꞌ ribeb li tenamit chixlokꞌoninquil li Dios.

Génesis 22:13

Laj Abraham qui-iloc chirix. Ut aran cuan jun li carner tꞌiltꞌo lix xucub saꞌ jun chamal pim. Ut laj Abraham co̱ chixchapbal li carner. Aꞌan li quixmayeja chokꞌ re̱kaj li ralal.

Génesis 15:8

Ut laj Abram quichakꞌoc ut quixye: —Ka̱cuaꞌ Dios, ¿chanru nak tinnau chi tzꞌakal nak tincue̱chani li chꞌochꞌ? ¿Cꞌaꞌru li retalil ta̱qꞌue? chan.

Génesis 15:10

Ut laj Abram quixcꞌameb li xul li quipatzꞌeꞌ re xban li Dios. Quixcamsi ut quixjach saꞌ xyiheb li xul ut quixpacꞌabeb. Li mucuy ut li paloma incꞌaꞌ quixjacheb.

Levítico 12:6

Nak ac xeꞌnumeꞌ li cutan re xsantobresinquil rib chirix lix yoꞌlajic lix cꞌulaꞌal, usta te̱lom, usta chꞌina xkaꞌal, li ixk ta̱xic chixqꞌuebal lix mayej re laj tij chiru li oqueba̱l re li tabernáculo. Tixqꞌue jun li carner aj jun chihab chokꞌ re lix cꞌatbil mayej ut tixqꞌue ajcuiꞌ jun li paloma toj sa̱j malaj ut jun li mucuy re nak incꞌaꞌ chic muxbilak ru.

Cantares 2:12

Li utzꞌuꞌuj xeꞌoc chi puqꞌuecꞌ saꞌ qꞌuicheꞌ. Ac xcuulac xkꞌehil li bicha̱nc. Yo̱queb chi bicha̱nc li mucuy xban xsahil xchꞌo̱leb.